| e-texts navigator |
| Wylie |
174b1 དང་ལྡན་པ། དྲན་པ་དང་ལྡན་པ། མཐུ་རྩལ་ཆེ་བ། ཡོན་ཏན་དང་ལྡན་པ། བྱམས་པ་དང་ལྡན་པ། ཞི་བ་དང་ལྡན་པ། ཚུལ་ཁྲིམས་དང་ལྡན་པ། སྐལ་པ་དང་ལྡན་པ། དོན་དང་ལྡན་པ། དོན་རྣམས་ཐུགས་སུ་ཆུད་པ། ཐེ་ཙོམ་རྣམས་གཅོད་པ། ཆོས་རྣམས
174b2 གསུང་བ། འཇིག་རྟེན་རྣམས་ཀྱི་སྟོན་པ། ཞལ་གྱི་དཀྱིལ་འཁོར་ཡོངས་སུ་རྒྱས་པ། སྐུ་རྐེད་པའི་ཕྱོགས་རིན་པོ་ཆེ་ཐམས་ཅད་ཀྱིས་སྤྲས་པ། གསེར་གྱི་མཆོད་སྡོང་ལྟ་བུ། སྐུ་ཉི་མ་སྟོང་བས་ལྷག་པར་མཛེས་པ། ཚངས་པའི་དབང་པོ་ལ་སོགས་པས་ཕྱག་བགྱིས་པ
174b3 ལགས་སོ། །གང་ལ་ལ་ཞིག་འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པས་བསྟོད་པ་སྒྲུབ་པ་བྱེད་པ་དེའི་མཚམས་མེད་པ་ལྔའི་ལས་ཀྱི་སྒྲིབ་པ་རྣམ་པར་བྱང་བར་འགྱུར་རོ། །དཀྱིལ་འཁོར་ཐམས་ཅད་དུ་ཞུགས་པར་འགྱུར་རོ། །དེ་ལ་གསང་སྔགས
174b4 ཐམས་ཅད་གྲུབ་པར་འགྱུར་རོ། །བསྐལ་པ་བྱེ་བ་འབུམ་ཕྲག་དུ་མར་ངན་འགྲོར་འགྲོ་བར་མི་འགྱུར་རོ། །མཚམས་མེད་པར་འཇུག་པར་མི་འགྱུར་རོ། །སུ་ཞིག་ནང་པར་ལངས་ནས་འདོན་ཏམ། ཀློག་གམ། ཁ་ཏོན་བྱེད་ན་དེའི་ལུས་ལ་མཛེ་དང་། རྐང་ཤུ་དང་། ལུད་པ་དང་།
174b5 མི་བདེ་བ་མི་འབྱུང་ཞིང་ནད་ཐམས་ཅད་ལས་ཐར་བར་འགྱུར་རོ། །ཚེ་རབས་སོ་ཅོག་ཏུ་ཚེ་རབས་དྲན་པར་འགྱུར་རོ། །ལྷའི་བུ་དང་འདྲ་བར་འགྱུར་རོ། །འཆི་བའི་དུས་ཀྱི་ཚེ་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ཚེ་རབས་སོ་ཅོག་ཏུ་འཕགས་པ་སྤྱན་རས
174b6 གཟིགས་དབང་ཕྱུག་དང་མི་འབྲལ་བར་འགྱུར་རོ། །རྟག་ཏུ་བཟླས་བརྗོད་བྱས་ན་ཡིད་གཞུངས་པར་འགྱུར། དཔའ་བར་འགྱུར། སྐད་སྙན་པར་འགྱུར། སྐལ་བ་བཟང་པོར་འགྱུར་རོ། །བསྟན་བཅོས་ཐམས་ཅད་ལ་འཇིགས་པ་མེད་པར་འགྱུར། ཚིག་བཙུན་པར་འགྱུར་རོ། །
174b7 བསྟོད་པ་སྒྲུབ་པ་འདིས་བསྟོད་པ་བྱས་ན། སངས་རྒྱས་བཅོམ་ལྡན་འདས་གང་གཱའི་ཀླུང་དྲུག་ཅུ་རྩ་གཉིས་སྙེད་ཀྱི་བྱེ་མ་སྙེད་དག་ལ་མཆོད་པ་བྱས་པར་འགྱུར་ཏེ། རྣམ་པར་སྨིན་པ་མཚུངས་ཤིང་བྱེ་བྲག་མེད་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་མཚན
iiif viewer powered by OpenSeadragon
