| e-texts navigator |
| Wylie |
173b1 ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་བྱེ་བ་ཁྲག་ཁྲིག་འབུམ་ཕྲག་དུ་མ་དག་གིས། བཅོམ་ལྡན་འདས་ལ་བསྟི་སྟང་དུ་བྱས། བླ་མར་བྱས། རི་མོར་བྱས་ཏེ། མཆོད་ཅིང་རྗེད་ནས།
173b2 ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏེ། ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་བྱང་བ་ཡང་དག་པར་རབ་ཏུ་སྟོན་ཏོ། །དེ་ནས་ཚངས་པ་ལ
173b3 སོགས་པས་འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ། ཀྱེ་བཅོམ་ལྡན་འདས། དགོངས་པ་མཛད་པ། མཛད་རྒྱུ་མཛད་པ། ཁུར་བོར་བ། བདག་གི་དོན་རྗེས་སུ་བརྙེས་པ། སྲིད་པར་ཀུན་ཏུ་སྦྱོར་བ་ཡོངས་སུ་བསལ་བ། ཡང་དག་པའི་མཁྱེན་པས། ཐུགས་ཤིན་ཏུ་རྣམ
173b4 པར་གྲོལ་བ། ཅང་མཁྱེན་པ། གླང་པོ་ཆེ་ཆེན་པོ་དང་། སེམས་ཅན་ཐམས་ཅད་ཀྱི་དབང་དམ་པའི་ཕ་རོལ་ཏུ་བྱོན་པ། ཡེ་ཤེས་ཀྱི་ཚོགས་ཡོངས་སུ་རྫོགས་པ། སྲིད་པའི་དགོན་པ་ལས་རྒལ་བ། གཞན་ལ་སྨན་པ། ཐུགས་རྗེ་དང་འབྲེལ་བའི་ཐུགས་མངའ་བ། སྐྱེ་དགུ་ལ་མཆོག་ཏུ་མཉེས
173b5 གཤིན་པ། བདེ་བ་རབ་ཏུ་སྩོལ་བར་མཛད་པ། བྱམས་པས་ཞུགས་པ། སེམས་ཅན་མཐའ་ཡས་པ་སྒྲོལ་བ་ལ་མཁས་པ། བདེ་བར་གཤེགས་པའི་སྲས་པོ། སྲིད་པ་གསུམ་གྱི་རྩ་ལག་གཅིག་པུ། འདོད་ཆགས་མི་མངའ་བ། ཞེ་སྡང་མི་མངའ་བ། གཏི་མུག་མི་མངའ་བ། དྲི་མ
173b6 གསུམ་སྤངས་པ། རིག་པ་གསུམ་གྱི་ཕ་རོལ་དུ་གཤེགས་པ། མངོན་པར་ཤེས་པ་དྲུག་བརྙེས་པ། ཤིང་ནྱ་གྲོ་དྷ་ལྟར་ཆུ་ཞེང་གབ་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་མངའ་བ། དཔེ་བྱད་བཟང་པོ་བརྒྱད་ཅུས་བརྒྱན་པ། པགས་པ་སྲབ་ཅིང་མདོག་སེར་བ། སྐུ་རིང་རྒྱུ
173b7 བཟང་ཞིང་དཀར་བ། སྐུ་ཤིང་གི་མེ་ཏོག་སར་པ་དང་། དམར་རིང་ལྟ་བུའི་དབུ་ཐོར་ཚུགས་མངའ་བ། ལྕང་ལོ་འཁྱིལ་པ་མང་པོས་དབུ་ཁེབས་པ། འོད་དཔག་མེད་ཀྱིས་འོད་ཟེར་བཏང་བ། འབར་བའི་འོད་འདོམ་གང་གིས་གསེར་གྱི་རི་བོ་ལྟར་སྙན་པར་གྲགས་པ། གཟི་བརྗིད
iiif viewer powered by OpenSeadragon
