| e-texts navigator |
| Wylie |
169a1 བཏགས་ན་ནད་ལས་གྲོལ། །ནད་ལ་ཕན་པའི་སྨན་རྣམས་ལ། །གཟུངས་སྔགས་བཟླས་ཤིང་བཏབ་གྱུར་ན། །ནད་རྣམས་ཀུན་ལས་གྲོལ་བར་འགྱུར། །ཆུ་ལ་གཟུངས་སྔགས་མང་བཟླས་ན། །ཀླུ་ནད་ཁོང་དུ་སེལ་བར་འགྱུར། །ལོ་ཏོག་ཟ་བ་ཁ་བཅིངས་ན། །བྱེ་མ
169a2 ས་དང་ཐལ་བས་སེལ། །ཧ་ཅང་ཆར་པ་ཆེས་པ་ན། །ལྷ་ལ་ཕུལ་བའི་རྙིང་པ་ལ། །ཁམ་ཕོར་སར་པའི་ནང་དུ་ཡང་། །མེ་ཏོག་གཙང་མ་བླངས་ནས་ནི། །བསྲེགས་ན་ཆར་པ་འཆད་པར་འགྱུར། །སེར་བ་དྲག་པོ་འོང་བ་ན། །ཐལ་ཆེན་ཡུངས་ཀར་བཟླས་བརྗོད་ཀྱིས། །
169a3 སེར་བ་ཉ་ལྕིབས་ལྕུག་མ་དང་། །ལྕུམ་པོ་བཏགས་ཏེ་བཙུགས་གྱུར་ན། །སེར་བ་འཆད་པར་འགྱུར་བ་ཡིན། །ལྷ་ཀླུ་དྲི་ཟ་ལ་སོགས་པའི། །གདོན་ནི་གནོད་པར་གྱུར་པ་ལ། །དཀྱིལ་འཁོར་འདོམ་གང་གྲུ་བཞི་ལ། །བུམ་པ་གཙང་མ་ལྔ་བཞག་སྟེ། །སྨན་སྦྱར་ཆུས་ནི་གང་བ་ལ། །བཟླས
169a4 བརྗོད་བརྒྱ་ནི་རྩ་བརྒྱད་བཟླས། །སློབ་མ་གོས་ཟས་དཀར་པོར་སྦྱར། །དཀྱིལ་འཁོར་དེ་ཡི་ནང་དུ་གཞུག་།བུམ་པའི་ཆུ་ཡིས་བཀྲུ་བར་བྱ། །ནད་དང་གནོད་པ་ཀུན་ལས་ཐར། །ཀླུ་སོགས་གདོན་རྣམས་དཔག་མེད་ཀྱིས། །གླགས་ཀྱང་རྙེད་པར་མི་འགྱུར་རོ། །བུས་པ་གདོན་གྱིས་འཇིགས
169a5 པ་ལས། །གི་ཝང་གིས་ནི་སྲུང་འཁོར་བྲི། །ཡུངས་ཀར་དག་དང་བཅས་ཏེ་གདགས། །བུས་པ་གདོན་དང་ནད་ལས་ཐར། །ལམ་དུ་ཞུགས་ཏེ་འགྲོ་བ་ན། །ཐུ་བ་གཡས་པའི་གོས་ཀྱི་གྲཝར། །བཟླས་བརྗོད་བདུན་བྱས་མདུད་པ་བོར། །སོང་ན་བདེ་ཞིང་དོན་ཡང་འགྲུབ། །
169a6 རྟ་ལ་སོགས་པའི་ཕྱུགས་རྣམས་ལ། །ཆུ་དང་ཡུངས་ཀར་བཅས་པ་ལ། །བཟླས་ནས་གཏོར་ན་བདེ་བར་འགྱུར། །མི་ནད་ཕྱུགས་ནད་ཐམས་ཅད་ལ། །ཡུངས་ཀར་དང་ནི་བུམ་པའི་ཆུས། །བཀྲུ་ཞིང་བཏགས་ན་མི་ནད་ཞི། ། མྲ་རི་ཡི་གཟུངས་སེལ་ལྟར། །ལས
169a7 རྣམས་ཐམས་ཅད་འགྲུབ་པར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་རྒྱལ་པོ་འདིའི་ཁོང་ན་ཀླུའི་དུག་གིས་གང་ནས་འདུག་སྟེ། འདི་ནི་ཀླུའི་རྒྱལ་པོ་བ་རུ་ཎ་འདི་ཡིས་ཀླུ་ཐམས་ཅད་ལ་དབང་བྱེད་པ
iiif viewer powered by OpenSeadragon
