| e-texts navigator |
| Wylie |
168b1 རྩི་ཁ་དོག་སྣ་ལྔ་ཡིས། །དཀྱིལ་འཁོར་པདྨ་ལྟ་བུ་བྲི། །བུམ་པ་གང་བ་ལྔ་དག་ཀྱང་། །ཕྱོགས་བཞི་དབུས་དང་ལྔ་རུ་གཞག་།གང་བའི་གཏོར་མ་ལྔ་ཡང་བཤམས། །སེང་ལྡེང་ཕུར་བུ་ལྔ་ཡང་དགོད། །དར་གྱིས་དཀྲིས་པའི་མདའ་བཞི་དགོད། །ཚོན་སྐུད་ལྔ་ཡི་དྲ་བ་བྲེ། །འཕགས་པ་སྤྱན་རས་གཟིགས
168b2 དབང་ཕྱུག་སེང་གེ་སྒྲ་ལ་ཕྱག་འཚལ་ལོ། །ཁྲོ་བོའི་རྒྱལ་པོ་རྟ་མགྲིན་ལ་ཕྱག་འཚལ་ལོ། །བཅོམ་ལྡན་འདས་མ་གོས་དཀར་མོ་ལ་ཕྱག་འཚལ་ལོ། །བཅོམ་ལྡན་འདས་མ་སྒྲོལ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀླུའི་རྒྱལ་པོ་བ་རུ་ཎ་ལ་ཕྱག་འཚལ་ལོ། །ཱ་ཧྲཱིཿཧྲི་པ~ཾ་རྟ~ཾ་ནོ~ཾ། ཡི་གེ་དྲུག་པའི་སྔགས
168b3 འདི་ནི། བརྗོད་པས་སྡིག་པ་སྡུག་བསྔལ་སེལ་སྭཱ་ཧཱ། སངས་རྒྱས་མཆོད་ལ་བརྩོན་པར་བྱ། མེ་ཏོག་དང་། བདུག་པ་དང་། སྤོས་དང་། མེ་ཏོག་གི་ཕྲེང་བ་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དང་། ཕྱེ་མ་དང་། རྒྱན་ཐམས་ཅད་ཀྱིས་མཆོད་ནས། སེང་ལྡེང་རྒྱ་ཤུག་མེ་བཏང་ལ། །ཚོན
168b4 སྐུད་བཅང་ཞིང་འབྲུ་རྣམས་བསྲེག་། རྨ་བྱ་རྨག་ཤད་ལྕུག་མ་ཡིས། །ཀླུ་ཡི་དུག་རྣམས་སེལ་བར་བྱེད། །ཧྲཱིཿནཱ་ག་ལེ་ལེ། ནཱ་ག་དུམ་བ་ལེ་ལེ། ནཱ་ག་ཕུཏ་ཕུཏ་ཧ་ལེ་ཧ་ལེ། ཧཱ་ལ་ཧཱ་ལ། སྥུ་ཊ་སྥུ་ཊ། ནཱ་ག་ཁྲོལ་ཁྲོལ་ཤིག་ཤིག་སྭཱ་ཧཱ། ཀླུ་དང་ལོག་འདྲེན་ཐམས་ཅད་ཀྱི་ཡིད་ཀྱི་དུག་དང་། མཐོང་བའི་དུག་དང་།
168b5 བཅིངས་པའི་དུག་དང་། ཁ་རླངས་ཀྱི་དུག་དང་། རེག་པའི་དུག་དང་། དུག་ཐམས་ཅད་ཕྱིར་ཕུད་ཅིག་སྭཱ་ཧཱ། དུག་འདིར་མ་འདུག་ཅིག་།སྦྱིན་པར་བྱེད་པའི་གན་དུ་སོང་ཤིག་།འཛིན་པའི་གན་དུ་སོང་ཤིག་།མེའི་ནང་དུ་སོང་ཤིག་།ཆུའི་ནང་དུ་སོང་ཤིག་ཞི་བར་གྱུར་ཅིག་སྭཱ་ཧཱ། འཇམ་དཔལ་འདི་དག་ནི
168b6 དེ་བཞིན་གཤེགས་པས་སྤྱི་བོ་ནས་དབང་བསྐུར་བའོ། །ཧྲིཿབྲུ~ཾ་ཨོཾ་ཧཱུ~ཾ་ཁ~ཾ། རིགས་ལྔས་དབང་བསྐུར་བའོ། །རྡོ་རྗེ་བསྲུང་བའི་མཆོག་ཏུ་འགྱུར། །བཀྲ་ཤིས་ལྷ་མོ་དཔལ་དང་ལྡན། །བསྙེན་གནས་ལ་ནི་གནས་གྱུར་ནས། །དཀོན་མཆོག་རྗེས་དྲན་སེམས་བསྐྱེད་ནས། །བུམ་ཆུ་དག་པས་ལས་སྒྲིབ
168b7 སེལ། །ལུས་ངག་སེམས་ཀྱི་དག་པ་ཐོབ། །ཕ་རོལ་ཕྱིན་དྲུག་གནས་འགྱུར་ཞིང་། །སངས་རྒྱས་སེམས་ཅན་མཁྱེན་པར་འགྱུར། །ཏིང་འཛིན་ཐམས་ཅད་མངོན་དུ་འགྱུར། །བུ་མོ་གཞོན་ནུས་བཀལ་བ་ཡི། །སྐུད་པ་དཀར་པོ་སུམ་སྒྲིལ་ལ། །བཟླས་བརྗོད་ཉི་ཤུ་བརྒྱད་བྱས་ནས། །མགུལ་དུ
iiif viewer powered by OpenSeadragon
