| e-texts navigator |
| Wylie |
168a1 གདོན་གྱིས་འཚེ་མི་འགྱུར། །བྱད་དང་དུག་ལས་གྲོལ་འགྱུར་ཞིང་། །སངས་རྒྱས་ཀུན་གྱི་གསུང་ཡིན་ནོ། །བྱེ་བ་གྲངས་མེད་མཐུ་ལས་བྱུང་། །དེ་ཡི་ཡོན་ཏན་དཔག་ཏུ་མེད། །ལན་ཅིག་བཀླགས་ན་སྡིག་པ་སེལ། །ལན་གཉིས་བཀླགས་པས་དཔལ་དང་ལྡན། །
168a2 གསུམ་གྱིས་ཚེ་རྣམས་རིང་བར་འགྱུར། །འབུམ་ཕྲག་བཅུ་ཡིས་ཞལ་མཐོང་འགྱུར། །པདྨ་ཅན་གྱི་ཞིང་དེར་འགྲོ། །འཇམ་དཔལ་མི་གཞན་དག་ལ་ནི། །ཁྲག་དང་མཁྲིས་པ་ལས་གྱུར་པ་དང་། །རླུང་དང་གྲང་བ་ལས་གྱུར་པ་དང་། །ཀླུ་རྒྱལ་རིགས་ཀྱིས་ཟིན་པ་དང་། །ཀླུ་བྲམ་ཟེའི
168a3 རིགས་ཀྱིས་ཟིན་པ་དང་། ཀླུ་གདོལ་པ་དང་ད་རིགས་ཀྱིས་ཟིན་པ་ནི་སྙིང་མི་དགའ་བ་དང་། སྙིང་ན་བ་དང་། དབུགས་མི་བདེ་བ་དང་། ལྟོ་རྒྱབ་ཏུ་ན་བ་དང་། ཀླད་ཀོར་དུ་ན་བ་དང་། གཞོགས་ཕྱེད་ན་བ་དང་། མ་ཞུ་བ་དང་། སྦོས་པ་དང་། ཞ་གྲུམ་གྱིས་བཏབ་པ་དང་། སྦྲུམ་པ་ལྟ
168a4 བུར་ན་བ་དང་། སྲོག་ཆགས་སུ་ན་བ་དང་། ཚིགས་དང་ཤ་ཁོལ་བུར་ན་བ་དང་། ཟ་ཁུ་ཅན་དང་། ལུད་པ་གློ་ཅན་དང་། རུས་ཁོལ་དུ་ན་བ་དང་། འཕྲེས་པ་དང་། ཞ་བ་དང་། ཡིག་མི་བདེ་བ་དང་། ཐོར་པ་ལྟ་བུའི་ནད་དང་། སྐྲན་ཅན་དང་། དམུ་ཆུ་ཅན་དང་། འབྲས་དང་།
168a5 མེ་དཔལ་དང་། ལྷོག་པ་དང་། གག་པ་དང་། ཆུ་ཐིག་ཅན་དང་། གྲང་ལྷང་ལྷང་དང་། ཚ་ཙག་ཙག་ལ་སོགས་པའི་མཛེ་རིགས་ཅན་དང་། ཕོལ་མིག་དང་བཅས་པ་དང་། ལྷ་དང་། བདུད་དང་། ཚངས་པ་དང་། གཤིན་རྗེ་དང་། བྲག་སྲིན་དང་། སེམས་འཁྲུག་གི
168a6 གདོན་དང་། ཐབ་གཞོབ་དང་། མཚོ་སྨན་དང་། ཀླུ་ལ་སོགས་པས་ཟིན་པ་དང་། གནོད་སྦྱིན་དང་། འབྱུང་པོ་དང་། ལོག་འདྲེན་དང་། ཤ་ཟའི་གདོན་རྣམས་ཀྱིས་ཟིན་པ་དང་། ནད་སྣ་ཚོགས་འབྱུང་སྟེ། དེ་ཡང་མི་དགེ་བ་ལས་སྡུག་བསྔལ་འབྱུང་བ་ཡིན་ནོ། །བཅོམ་ལྡན་འདས
168a7 ཀྱིས་བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་ཉོན་ཅིག་།སྙིང་པོ་གཟུངས་ཀྱི་ཆོ་ག་འདི། །དང་པོ་ཐུགས་རྗེ་ཆེན་པོ་ལ། །གུས་ཤིང་དད་པའི་སེམས་བསྐྱེད་ནས། །སྣུམ་པའི་ས་ལ་དཀྱིལ་འཁོར་བྱ། །ལྕི་བ་དྲིར་བཅས་བྱུགས་ནས་ནི། །ཚོན
iiif viewer powered by OpenSeadragon
