| e-texts navigator |
| Wylie |
164a1 ཨོ~ཾ་ཨ་མོ་གྷ་ཀབྷྲྀ་ཀུ་ཊི་བན་དྷ་བན་དྷ་ཧཱུ~ཾ་ཕཊ། ཕྱོགས་བཞིའི་ཕུར་བུ་དག་ལ་ནི། །བདུན་ནམ་ཉི་ཤུ་རྩ་གཅིག་བཟླས། །གཅན་གཟན་དྲི་མ་ཡུངས་ཀར་བསྲེས། །གསང་སྔགས་བཟླས་ཤིང་མཁའ་ལ་གཏོར། །ོ~ཾ་བཛྲ་ཀྲོ་དྷ་ཧུ་ལུ་ཧུ་ལུ། ཏིཥྛ་ཏིཥྛ། བན་དྷ་བན་དྷ།
164a2 ཧ་ན་ཧ་ན་ཧཱུ~ཾ་ཕཊ། སེར་བ་བསྲུང་བའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་ཀྱིས་འོད་ཟེར་རབ་ཏུ་བཀྱེ་སྟེ། ཕྱག་སྟོང་དང་སྤྱན་སྟོང་ལས་འོད་ཟེར་བྱུང་བ་འདི་ལྟ་སྟེ། དཀར་པོ་དང་། དམར་པོ་དང་། ནག་པོ་དང་། ལྗང་གུ་དང་། སེར་པོ་སྟེ། འོད་ཟེར་དེ་དག་གིས་འགྲོ
164a3 བ་རིས་དྲུག་པོ་དེ་དག་ལ་ཁྱབ་སྟེ། དབུགས་དབྱུང་བར་མཛད་དོ། །དེ་ནས་རྒྱལ་ཆེན་རིགས་བཞི་དང་། སུམ་ཅུ་རྩ་གསུམ་དང་། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་དང་། ཚངས་རིས་དང་། ཚངས་པ་ཀུན་འཁོར་དང་། ཚངས་པ
164a4 མདུན་ན་འདོན་དང་། ཚངས་པ་ཆེན་པོ་དང་། འོད་ཆུང་དང་། ཚད་མེད་འོད་དང་། འོད་གསལ་དང་། དགེ་ཆུང་དང་། ཚད་མེད་དགེ་དང་། དགེ་རྒྱས་དང་། སྤྲིན་མེད་དང་། བསོད་ནམས་སྐྱེས་དང་། འབྲས་བུ་ཆེ་དང་། མི་ཆེ་བ་དང་། མི་གདུང་བ་དང་། ཤིན་ཏུ་མཐོང་བ་དང་།
164a5 གྱ་ནོམ་སྣང་དང་། འོག་མིན་ལ་སོགས་པ་ལྷའི་བུ་དེ་དག་གིས་མཆོད་པའི་སྤྲིན་གྱི་ཆར་ཕབ་ནས་ལྷའི་བུ་རྣམས་ཀྱིས་ཚིགས་སུ་བཅད་པས་བསྟོད་པ། སྤྱན་རས་གཟིགས་དབང་ཐུགས་རྗེའི་སྐུ། །ཕྱག་སྟོང་ཉོན་མོངས་སྒྲོལ་བའི་ཕྱག་།སྤྱན་སྟོང་ཤེས་རབ་འོད་གསལ་ཏེ། །འགྲོ་དོན་མཛད
164a6 ལ་ཕྱག་འཚལ་བསྟོད། །ཅེས་བསྟོད་ནས། བཅོམ་ལྡན་འདས་ཐུགས་རྗེ་ཆེན་པོའི་སྐུ་དེ་མི་སྣང་བར་གྱུར་ནས། བཅོམ་ལྡན་འདས་ཤཱཀྱ་ཐུབ་པར་གྱུར་ཏོ། །དེ་ནས་ལྷ་ཡི་བུས་གསོལ་པ། འདི་ཡི་ཕན་ཡོན་ཅི་ཡིན་ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། །གང་ཞིག
164a7 རྒྱུད་འདི་ཡིད་བྱེད་ན། །ནད་དང་གདོན་དང་རིམས་དང་ནི། །རྒྱལ་པོ་གཅན་གཟན་འཇིགས་པ་དང་། །འཇིགས་པ་ཀུན་ལས་གྲོལ་བར་འགྱུར། །འདོད་ཆགས་ཞེ་སྡང་གཏི་མུག་དང་། །མཚམས་མེད་མི་དགེའི་སྡིག་པ་ཀུན། །རབ་ཏུ་ཞི་བར་བྱེད་པར་འགྱུར། །དམྱལ་བ་ངན
iiif viewer powered by OpenSeadragon
