| e-texts navigator |
| Wylie |
163a1 ཡིད་དུ་འོང་བའམ། །དཀར་གསུམ་འབགས་པ་སྤངས་པ་ཡིས། །ཤ་དང་སྒོག་པ་ལ་ཕུག་དང་། །ཟྭ་དང་ཆང་ནི་ཤིན་ཏུ་སྤང་། །ཤེལ་ཕྲེང་པདྨའི་སྙིང་པོ་དང་། །བོ་དྷི་ཙེ་དང་མུ་ཏིག་ཤིས། །གླལ་དང་སྦྲིད་པ་མི་ཚིག་རྣམས། །ནམ་ཡང་ཆོད་པར་མི་བྱའོ། །
163a2 ཡོ་བྱད་དང་དམ་ཚིག་ལ་བརྟེན་པའི་ལེའུ་སྟེ་བདུན་པའོ།། །།ལས་རྣམས་སྣ་ཚོགས་སྒྲུབ་བྱེད་ན། །པོ་ཏིའམ་ལུགས་མ་རས་རིས་ལ། །བརྟེན་ནས་བདག་ཉིད་བྱམས་སེམས་ལྡན། །མུ~ཾ་ལས་འཕགས་པ་འཇམ་དཔལ་ནི། །དམར་སེར་པོ་ཏི་ཨུཏྤལ་འཛིན། །མཉམ་པའི
163a3 སྐྱིལ་མོ་ཀྲུང་གིས་བཞུགས། །བུམ་པ་ཁ་དོག་སེར་པོའི་ནང་། །རིན་ཆེན་ལྔ་དང་འབྲུ་ལྔར་བཅས། །ཏདྱ་ཐཱ། ཨོ~ཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨིཊྚེ་བཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ་ཀུ་སུ་མེ་བ་རེ། ཨི་ལི་མི་ལི། ཙི་ཏེ་ཛྭ་ལ་མ་པ་ན་ཡེ་སྭཱ་ཧཱ། ལན
163a4 བདུན་ཡོངས་སུ་བཟླས་བྱས་ན། །གཏི་མུག་ཐམས་ཅད་ཞི་བར་འགྱུར། །ཤེས་རབ་ཆེན་པོ་ཐོབ་པར་འགྱུར། །རས་རིས་མཆོད་རྟེན་ལ་བརྟེན་ནས། །མཎྜལ་དྲི་ཞིམ་མེ་ཏོག་དགྲམ། །དཀར་གསུམ་མངར་གསུམ་དག་ཏུ་ནི། །འབྲས་དང་ཏིལ་དང་ཡུངས་ཀར་དང་། །པདྨའི་རྩ
163a5 བ་དཀར་པོ་ལ། །རིལ་བུ་རྒྱ་ཤུག་འབྲུམ་བུ་ཙམ། །སྤྱན་རས་གཟིགས་ཀྱི་དབང་ཕྱུག་ནི། །ཧྲཱིཿལས་བྱུང་བའི་སྐུ་མདོག་དཀར། །ཕྱག་ན་པདྨ་མཆོག་སྦྱིན་མཛད། །སེམས་དཔའི་སྐྱིལ་མོ་ཀྲུང་གིས་བཞུགས། །ཏདྱ་ཐཱ། ཨོ~ཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨིཊྚེ་བཊྚེ། ཙ
163a6 ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ་ཀུ་སུ་མེ་བ་རེ། ཨི་ལི་མི་ལི། ཙི་ཏི་ཛྭ་ལ་མ་པ་ན་ཡེ་སྭཱ་ཧཱ། རིལ་བུ་དག་ལ་སྔགས་བཏབ་སྟེ། །བྱམས་པའི་སེམས་དང་ལྡན་པས་བཟའ། །སྲིད་པའི་འདོད་ཆགས་ཞི་གྱུར་ནས། །རབ་ཏུ་བདེ་བ་ཐོབ་པར་འགྱུར། །མཎྜལ་སྔོན་པོ
163a7 ལེགས་ནས། །ུཏྤལ་སྔོ་དང་ནིམ་པ་དང་། ། ག་རུ་དང་ཙནྡན་དང་། །དྲི་ཡི་ཆུ་ཡིས་བུམ་པ་དགང་། །ཕྱག་ན་རྡོ་རྗེ་གོས་སྔོན་ཅན། །སྐུ་མདོག་ལྗང་སྔོན་ཅུང་ཞིག་ཁྲོ། །དེ་ནི་རྡོ་རྗེ་ཕྱག་ན་བསྣམས། །སེམས་དཔའི་སྐྱིལ་མོ་ཀྲུང་གིས་བཞུགས། །ཏདྱ་ཐཱ། ཨོཾ་དྷ་ར་དྷ་ར།
iiif viewer powered by OpenSeadragon
