| e-texts navigator |
| Wylie |
162b1 གྱི། །ཐང་ཕྲོམ་དག་ལ་སྔགས་བཏབ་སྟེ། །མེ་ཡི་ཕྱོགས་སུ་གཏོར་བར་བྱ། །ོ~ཾ་བཻ་རོ་ཙ་ན་པྲ་བྷཱ་ཛྭ་ལ་ཛྭ་ལ། ས་ར་ས་ར། ཀ་ར་ཀ་ར་སྭཱ་ཧཱ། རྣམ་པར་སྣང་མཛད་སྐུར་བསྒོམས་ཏེ། །མེ་ལ་གཏོར་ནས་ས་ཡིས་གསོད། །ཆུ་བོ་དག་གིས་འཇིགས་པ་ལ། །མཛེ་ཅན་ཕོ་མོའི་ཐོད
162b2 པར་ནི། །ར་དང་ཁྱི་དང་ཕག་གི་ཁྲག་།ས་བདག་སྡེ་བརྒྱད་གཟུགས་དང་བཅས། །ནང་དུ་བཅུག་སྟེ་ཆུ་བོར་དོར། །དོན་ཡོད་གྲུབ་པའི་སྐུ་རུ་བསྒོམ། །ོ~ཾ་ཨ་མོ་གྷ་སིད་དྷི། ཨོ~ཾ་ཀ་བཻ་ཏཱ་ར་ཎི་ས་ར་ས་ར། ཀ་ར་ཀ་ར་སྭཱ་ཧཱ། ཕྱག་སྟོང་སྤྱན་ཡང་དེ་བཞིན་ཏེ། །ཐུགས་རྗེ་ཆེན
162b3 པོའི་སྐུ་མཆོག་ནི། །སོ་སོར་གསལ་ཞིང་བསྒོམ་པར་བྱ། །སོ་སོའི་དབུ་ལ་སོ་སོར་བསམ། །བྱམས་པས་ཀུན་ལ་རབ་ཏུ་ལྟ། །འཇིགས་པ་ཀུན་ལས་གྲོལ་བར་འགྱུར། །འཇིགས་པ་ཀུན་ལས་ཡོངས་སུ་བསྲུང་བའི་ལེའུ་སྟེ་དྲུག་པའོ།། །།སྐུ་གདུང་མེ་ཏོག་དཀར
162b4 པོས་མཆོད། །ས་གཞི་དྲི་ཡིས་ཆག་ཆག་གདབ། །སྙིང་པོ་གཟུགས་དང་བཅས་པ་འམ། །ཁྲུ་གང་ཚད་ཀྱི་མཆོད་རྟེན་ལ། །ལེགས་པར་མཆོད་ཅིང་བསྟོད་པར་བྱ། །སྟོང་ཉིད་ཡེ་ཤེས་ལས་བྱུང་བའི། །ཐུགས་རྗེའི་གཟུགས་ཀྱི་རྟེན་དུ་ཤར། །རྫུ་འཕྲུལ་ཚད་མེད་བཞི་དང་ལྡན། །
162b5 བྱང་ཆུབ་ཕྱོགས་རྣམས་ཡོངས་སུ་རྫོགས། །དྲི་མེད་དུང་འདྲ་དཀར་པོ་སྟེ། །རྒྱལ་ཆེན་བཞི་ཡང་དེ་བཞིན་ནོ། །བྱང་ཆུབ་ཆེན་པོའི་མཆོད་རྟེན་ནི། །ཁྲི་འཕང་བཅུ་གསུམ་ཏོག་དང་ལྡན། །ལྷ་ཡི་རོལ་མོ་ཆར་དུ་འབབ། །ཆོས་སྒྲ་རྒྱུན་མི་འཆད་པའི་གཏེར། །རིན་ཆེན་ལྔ་ཡི་བདག
162b6 ཉིད་དེ། །ཕུར་བུས་གདབ་ཅིང་ཡོངས་སུ་གཟུང་། །སངས་རྒྱས་ཀུན་གྱི་བྱིན་རླབས་ཆེ། །དེ་ཡི་བསོད་ནམས་བསྟན་པ་ནི། །མཚམས་མེད་ལྔ་དང་མི་དགེ་བཅུ། །ཉོན་མོངས་དབང་གྱུར་སྡིག་པ་རྣམས། །སྐད་ཅིག་ཙམ་གྱིས་དག་པར་འགྱུར། །ཤིན་ཏུ་གཙང་བའི་གནས་དག
162b7 ནི། །བྱམས་དང་སྙིང་རྗེ་ཅན་གྱིས་བྱ། །བྲམ་ཟེའི་རིགས་ལས་བྱུང་བ་ཡི། །འདྲི་མཁན་སྙིང་རྗེ་ཅན་གྱིས་བྱ། །རང་བསམ་ལྷག་པར་གནས་པ་ཡིས། །མདུན་དུ་བདར་ཏེ་མཆོད་པ་བྱ། །ཚད་དང་ཁ་དོག་ཡོངས་དག་གསལ། །ཡིད་དུ་འོང་བ་དག་ལའོ། །ཟས་དག
iiif viewer powered by OpenSeadragon
