| e-texts navigator |
| Wylie |
161b1 འཚང་གི་ཤིང་ལ་བསྲེག་། ནུས་པ་ཐོབ་ནས་མྱུར་དུ་ནི། །མི་རྣམས་ཐམས་ཅད་དབང་དུ་སྡུད། །ལྡོང་རོས་པདྨའི་རྩ་བ་དང་། །མུ་ལ་པ་ཏྲའི་ཤིང་དག་ལ། །གསང་སྔགས་རབ་ཏུ་བཟླས་བྱས་ནས། ། རུ་ར་ཡི་ཤིང་ལ་བསྲེག་།འཁོར་ལོའི་འོག་ཏུ་བཅུག་པ་ཡིས། །
161b2 རྒྱལ་པོ་དབང་དུ་བྱེད་པར་འགྱུར། །པ་ལ་ཤ་ཡི་ཤིང་དག་དང་། །ཀ་ར་བཱི་རའི་འབྲས་བུ་ལ། །གསང་སྔགས་རབ་ཏུ་བཟླས་བྱས་ཏེ། །འཛམ་བུའི་ཤིང་ལ་རབ་བསྲེགས་ནས། །རལ་གྲིའི་འོག་ཏུ་བཅུག་ནས་ནི། །གཡུལ་དབང་ཡང་ནི་དབང་དུ་འགྱུར། །ཚེ་རབས་བརྒྱ་རུ
161b3 ལོན་པའི་རུས། །མཚོན་གྱིས་བསྣུན་པའི་རུས་པ་དག་།གསང་སྔགས་རབ་ཏུ་བཟླས་བྱས་ནས། །སྐྱེར་པའི་མེ་ལ་རབ་བསྲེགས་ཏེ། །ལྕགས་ཀྱུའི་འོག་ཏུ་རབ་བཅུག་ན། །གླང་པོ་དབང་དུ་འདུ་བར་འགྱུར། །བ་ལེ་ཏ་དང་ཏ་ལེ་ཤ། །ཁ་ཏི་ར་ད་དྷ་ཏི་མ། །
161b4 དུར་ཁྲོད་ཤིང་ལ་ལེགས་བསྲེགས་ནས། །སྟག་ལ་སོགས་པ་དབང་དུ་འདུ། །ནས་དང་འབྲས་དང་སོ་བ་དང་། །སྨན་དང་རིན་ཆེན་སྣ་ཚོགས་ཀྱིས། །མཎྜལ་ཟླུམ་པོ་ལེགས་བྱས་ཏེ། །རྒྱན་རྣམས་རྫོགས་པའི་སངས་རྒྱས་ནི། །པདྨ་ཆུ་ཤེལ་ལས་སྐྱེས
161b5 པའི། །ཆུ་ཤེལ་མདོག་ཅན་འཛུམ་པ་ཅན། །རྡོ་རྗེའི་སྐྱིལ་མོ་ཀྲུང་བཞུགས་པ། །ཀུ་ཤའི་སྟན་བཅས་ཤར་དུ་འདུག་།པདྨའི་ཕྱག་རྒྱ་བཅས་པ་ཡིས། །བྱམས་པའི་སེམས་ཀྱིས་དབུལ་བྱའོ། །ནད་དང་རིམས་དང་འབྲུམ་བུ་དང་། །ཤུ་བ་གཡན་པ་མེ
161b6 དཔལ་དང་། །ནད་དང་གདོན་ནི་ཐམས་ཅད་བཟློག་།མཚམས་མེད་ལྔ་དང་མི་དགེ་བའི། །འབྲས་བུ་སྡུག་བསྔལ་ནད་རྣམས་ཟློག་།མེའི་ལས་བྱ་བའི་ལེའུ་སྟེ་ལྔ་པའོ།། །།དེ་ནས་རྒྱལ་པོའི་འཇིགས་པ་ལ། །མཎྜལ་དཀར་པོ་ལེགས་བྱས་ལ། །
161b7 ཙནྡན་དཀར་པོའི་དྲིས་བསྒོས་ཏེ། །མཆོད་ཡོན་མེ་ཏོག་དཀར་པོ་དང་། །ཅི་འབྱོར་པ་ཡི་མཆོད་པ་ཡིས། །རྒྱལ་པོ་ལྟ་བུའི་གཟུགས་ལ་མཆོད། །སྡིག་པ་ཐམས་ཅད་དེ་མདུན་དུ། །བཤགས་ནས་མྱུར་དུ་སྐྱབས་སུ་འགྲོ། །གྲོ་ག་དག་གམ་ཤིང་ཤུན་ལ། །རྒྱལ
iiif viewer powered by OpenSeadragon
