| e-texts navigator |
| Wylie |
161a1 ནས། །དངུལ་ལམ་དཀར་པོའི་ག་འུར་གཞུག་།ཐམས་ཅད་ལས་ཀུན་ཞི་བར་འགྱུར། །ཡུང་བའི་ཆུ་ཡིས་བྲིས་པ་ཡི། །པུཥྚིཾ་ཀུ་རུ་མཚམས་སུའོ། །ཙནྡན་དཀར་པོ་དྲི་ཞིམ་ཞིང་། །ཁམ་ཕོར་སེར་པོར་ལེགས་པར་གཞུག་།རྒྱས་པའི་ལས་རྣམས་གྲུབ
161a2 པར་འགྱུར། །པ་ལ་ཤ་ཡིས་ལེགས་པར་བྲིས། །བ་ཤཾ་ཀུ་རུ་མཚམས་སུ་དགོད། །ཁམ་ཕོར་དམར་པོར་ལེགས་པར་གཞུག་།དབང་གི་ལས་རྣམས་འགྲུབ་པར་འགྱུར། །ནིམ་པའི་ཆུ་ཡིས་ལེགས་པར་བྲི། །མཱ་ར་ཡ་ནི་མཚམས་སུ་དགོད། །ལྕགས་སམ་ཐོད་པར
161a3 ཡང་དག་གཞུག་། ཕྲིན་ལས་ཐམས་ཅད་གྲུབ་པར་འགྱུར། །ཙནྡན་དཀར་པོ་དྲི་ཞིམ་ཞིང་། །ཞི་བས་དེ་ནི་མེ་ལ་བསྲེག་།འབྲས་བུ་མངར་དང་བཅས་པའི་ཤིང་། །རྒྱས་པས་དེ་ནི་མེ་ལ་བསྲེག་།དབང་ནི་པ་ལ་ཤ་ཡི་ཤིང་། །དེ་ལ་བསྲེགས་ན་ཁུགས་པར་འགྱུར། །
161a4 ནིམ་པའི་ཤིང་ལ་ཚར་གཅད་པའི། །བསྲེགས་པས་ཕྲིན་ལས་འགྲུབ་པར་འགྱུར། །འཁོར་ལོའི་ལེའུ་སྟེ་བཞི་པའོ།། །།དེ་ནས་ལས་ཀྱི་རིམ་པ་ནི། །དཱུར་བའི་རྩཝ་དང་འབྲས་ཀྱི་འདབ། །ཏིལ་དང་ཡུངས་ཀར་ཅི་ཙེ་ལ། །གསང་སྔགས་བཟླས་ནས་གྲུབ་པ་ནི། །ད་ལིའི
161a5 ཤིང་ལ་ལེགས་བསྲེགས་ནས། །ཐམས་ཅད་རབ་ཏུ་ཞི་བར་ནུས། །ཀུ་ཤ་སྟར་བུ་ཤུག་འབྲུམ་དང་། །སྟག་མའི་མེ་ཏོག་དམར་པོ་ལ། །གསང་སྔགས་བཟླས་པར་རབ་བྱ་སྟེ། །ཙནྡན་ཤིང་ལ་ལེགས་བསྲེགས་ནས། །རྒྱས་པར་བྱ་བའི་ལས་གྲུབ་ཅིང་། །ནུས་པ་མཆོག
161a6 ནི་ཐོབ་པར་འགྱུར། །པ་ལ་ཤ་ཡི་ཤིང་དག་དང་། །ཁྲེ་དང་ཅི་ཙེ་མོན་སྲན་ལ། །གསང་སྔགས་བཟླས་པ་རབ་བྱ་སྟེ། །པདྨ་ཀ་ཡི་ཤིང་ལ་བསྲེག་།ནུས་པ་མཆོག་ནི་ཐོབ་པར་འགྱུར། །ཐམས་ཅད་དབང་དུ་འདུ་བར་འགྱུར། །གྲོ་དང་སོ་བ་འབྲས་དང་ནི། །བྲ་བོ་མོན
161a7 སྲན་ཏིལ་ནག་པོ། །གསང་སྔགས་རབ་ཏུ་བཟླས་བྱ་སྟེ། །ཁ་ཏི་ར་ཡི་ཤིང་ལ་བསྲེག་།ནུས་དང་ལྡན་དེ་ལས་རྣམས་ནི། །མྱུར་བ་ཉིད་དུ་འགྲུབ་པར་འགྱུར། །པྲ་ཧ་ཁ་ཚའི་ཤིང་དག་ལ། །ལོ་མ་འབྲས་བུར་བཅས་པ་དང་། །རྡོ་རྗེའི་ཤིང་ལ་སྔགས་བཟླས་ནས། །མྱ་ངན
iiif viewer powered by OpenSeadragon
