| e-texts navigator |
| Wylie |
160a1 ཕྲིན་ལས་བྱ་འདོད་ན། །དུར་ཁྲོད་ཤིང་གཅིག་དག་ཏུ་ནི། །བ་ཡི་ལྕི་བས་ལེགས་བྱུགས་ནས། །མེ་ཏོག་སྔོན་པོ་ནི་མ་པ་ཡི། །སྤོས་ཀྱི་ཚོམ་བུ་ལྔ་བྱས་དགྲམ། །བྱང་དུ་འདུག་སྟེ་ལས་འདི་བརྩམ། །གཅན་གཟན་སྟེང་དུ་ཆུ་ཤེལ
160a2 ཏེ། །ཧྲཱིཿཡི་ཡི་གེ་ལས་བྱུང་བའི། །མདོག་དཀར་རལ་པའི་ཐོར་ཚུགས་ཅན། །ཞལ་གཅིག་སྤྱན་ནི་གསུམ་པ་སྟེ། །པགས་པ་འཛིན་པ་ཡི། །དྲང་སྲོང་ཁྲོས་པའི་ཆ་བྱད་ཅན། །ཕྱག་བཞི་དང་པོ་མཆོག་སྦྱིན་པ། །གཡོན་པ་པད་སྟེང་རལ་གྲི་ཅན། །
160a3 གཡས་པ་ལྟོས་འགྲོས་བརྒྱན་པའི་མདུང་། །རྩེ་གསུམ་དཀར་པོས་བརྒྱན་པའོ། །གཡོན་པ་ཐོད་པ་དཀར་པོ་སྟེ། །དྲི་ཞིམ་མེ་ཏོག་དག་གིས་བཀང་། །རྒྱལ་པོ་ཆེན་པོའི་རོལ་པ་ལྟར། །ཅུང་ཞིག་ཟུར་གྱིས་གཟིགས་པའོ། །ཕྱག་སྟོང་སྤྱན་ཡང་དེ་བཞིན་ཏེ། །བསྐལ་པ་བཟང་པོའི
160a4 སངས་རྒྱས་སྟོང་། །པདྨའི་གདན་ལ་ལེགས་བཞུགས་པའི། །རྒྱས་པའི་སྐུ་ནི་ལེགས་བསམས་ནས། །ཧྲཱིཿཡི་འཕྲོ་འདུ་ལས་བྱུང་བའི། །གསང་སྔགས་རྒྱལ་པོ་བཟླས་པར་བྱ། །ན་མོ་རཏྣ་ཏྲ་ཡཱ་ཡ། ན་མཿཨཱརྱ་ཛྙཱ་ན་སཱ་ག་རཱ་ཡ། བཻ་རོ་ཙ་ནཱ་ཡ། བྱཱུ་ཧ་རཱ་ཛཱ་ཡ། ཏ་ཐཱ་ག
160a5 ཏཱ་ཡ། ཨཪྷ་ཏེ། སམྱཀྶཾ་བུདྡྷ་ཡ། ན་མཿསརྦ་ཏ་ཐཱ་ག་ཏེ་བྷྱཿ། ཨཪྷད་བྷྱཿ། སམྱཀྶཾ་བུདྡྷེ་བྷྱཿ། ན་མཿཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོ~ཾ་ཨ་ཀ་ཊེ། ནི་ཀ་ཊེ། ཀི་ཊ་ཀ་ཊེ། ཀ་རོ་ཊེ་ཀ་རོ་ཊ། བཱིརྱེ་སྭཱ་ཧཱ། ཨོ~ཾ་ཀརྨ
160a6 ཨ་མོ་གྷ། བི་བཛྲ་སིཾ་ཧ་ནཱ་དི་ཧཱུ~ཾ་ཕཊ། དྲིའམ་བྱུག་པ་དག་ལ་ནི། །བཏབ་ལ་ལུས་ལ་བྱུག་པར་བྱ། །མེ་ཏོག་སྔོན་པོ་མགོ་ལ་གཞག་།མཎྜལ་ཆུ་ཡིས་ལུས་ལ་བྱུག་།ཉི་ཤུ་རྩ་ལྔ་བཟླས་ནས་ནི། །ལས་རྣམས་ཐམས་ཅད་གྲུབ་པར་འགྱུར། །དེ་ནས་བཞི་ཀ
160a7 སྒྲུབ་འདོད་ན། །བཀྲ་ཤིས་དུས་གསུམ་རྫོགས་དུས་སུ། །རི་བོ་ཡིད་འོང་གནས་དག་ཏུ། །ས་གཞི་ཆག་ཆག་ལེགས་བཏབ་སྟེ། །མཎྜལ་ལེགས་བྱས་མེ་ཏོག་ནི། །དྲི་ཞིམ་དཀར་པོས་ཡོངས་གཏོར་ཏེ། །གཙང་ཞིང་དག་པའི་རྫས་རྣམས་དགྲམ། །གཙང་མ་བྲམ་ཟེ
iiif viewer powered by OpenSeadragon
