| e-texts navigator |
| Wylie |
158a1 པས་འགྲོ་དོན་མཛད། །ཆུ་ཤེལ་མདོག་འདྲ་ཞལ་གསུམ་དཀར། །ལྗང་གུའི་མདོག་ཅན་ནག་པོ་ཆེ། །སེར་པོ་དེ་བཞིན་བཅོམ་ལྡན་དམར། །དྲང་སྲོང་རྟག་ཏུ་བརྒྱན། །ཞི་བ་འཛུམ་དང་བཞད་པ་དང་། །ཁྲོས་པའི་ཞལ་མངའ་སྤྱན་གསུམ་མཛེས། །བཅུ
158a2 པ་སེམས་དཔའི་རྟགས་ཅན་དེ། །བཅུ་གཅིག་བཅོམ་ལྡན་འདས་ཀྱི་བདག་།ཡོན་ཏན་ནོར་བུ་མུ་ཏིག་ཕྲེང་། །ཕྲིན་ལས་སྣ་ཚོགས་སྨད་དཀྲིས་པ། །དང་པོའི་ཕྱག་ནི་ཐལ་སྦྱར་ཏེ། །གཡས་པ་རིན་ཆེན་ཕྲེང་བ་འཛིན། །གཡོན་པ་དྲི་མེད་པདྨ་འཛིན། །གཡས་པ་མཆོག་སྦྱིན
158a3 མཛད་པ་པོ། །གཡོན་པ་རིལ་བ་སྤྱི་བླུགས་ཏེ། །གཡས་པ་འཁོར་ལོ་རབ་ཏུ་འཛིན། །གཡོན་པ་ན་ནི་མདའ་གཞུ་སྟེ། །ལྷག་མ་མཆོག་སྦྱིན་སྤྱན་ལྡན་པའོ། །དེ་ནས་ཡང་བཅོམ་ལྡན་འདས་ཀྱིས་འཛུམ་པ་མཛད་དེ། ཅོད་པན་གཉིས་ནས་འོད་ཟེར་རབ་ཏུ་འཕྲོས་པ་དང་། བཅོམ་ལྡན
158a4 འདས་ལ་སངས་རྒྱས་ཐམས་ཅད་ཀྱི་བྱིན་གྱིས་བརླབས་ལས་བྱུང་བའི་པདྨའི་སྟེང་དུ་རིགས་ལྔ་བྱུང་བ་འདི་ལྟ་སྟེ། རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། སྣང་བ་མཐའ་ཡས་དང་། དོན་ཡོད་གྲུབ་པ་དང་། མི་བསྐྱོད་པའོ། །ཁང་བུ་བརྩེགས་པ་རིན་པོ་ཆེ་དེའི་ནང་དུ
158a5 སེང་གེ་དང་། རྟ་དང་། རྨ་བྱ་དང་། ནམ་མཁའ་ལྡིང་དང་། གླང་པོ་ཆེ་དེ་དག་ནི་ཅོད་པན་ལས་བྱུང་བའོ། །ཡང་ཡུམ་ནི་སྐུ་མདོག་སྔོན་མོ་སྟེ། །པདྨ་ལས་བྱུང་པདྨའི་སྟེང་། །ཚད་མེད་བཞི་སྟེ་ཕྱག་བཞི་མཛེས། །སེམས་དཔའི་རྒྱན་དུ་ལྡན་པ་ཡི། །མཉམ་པ་ཡི་ནི་སྐྱིལ
158a6 ཀྲུང་བཅས། །ཡབ་ནི་སྐུ་མདོག་སེར་པོ་སྟེ། །པདྨ་ལས་བྱུང་པདྨའི་སྟེང་། །ཐལ་སྦྱར་ནོར་བུ་བགྲང་ཕྲེང་འཛིན། །རྒྱན་རྣམས་ཡོངས་སུ་འཛིན་པའོ། །ཡང་ན་འོད་ཟེར་རབ་བཀྱེ་སྟེ། །ཟླ་བ་ཉི་མ་ལས་བྱུང་བའི། །ཉི་མའི་མདོག་ཅན་ཉི་མ་ནི། །གཞོན་ནུ་ཨུཏྤལ་མཆོག
158a7 སྦྱིན་མཛད། །ཟླ་བ་ལས་སྐྱེས་ནམ་མཁའི་མདོག་།ཅུང་ཞིག་ཁྲོས་པ་རྡོ་རྗེ་ཅན། །དཀར་པོ་གངས་ལྟར་དཀར་བ་སྟེ། །ཉི་ཟླའི་སྟེང་ན་པདྨ་འཛིན། །དྲག་པོ་གཉིས་དང་ཧྲཱིཿཡིག་ལས། །གཉིས་མེད་ཚུལ་གྱིས་འབྲས་བུ་རྫོགས། །ཧ་ཡ་གྲི་བ་ཁམས་གསུམ་སྡུད། །ཁྲོ
iiif viewer powered by OpenSeadragon
