| e-texts navigator |
| Wylie |
157a1 སྟེང་དུ་པོ་ཏི་ཅན་ཏེ་རྐུན་མ་དང་། ལྕགས་སྒྲོག་གིས་བཅིངས་པ་དང་། མཚོ་དང་། ཐོག་ཆེན་པོ་དང་། ཤ་ཟས་ཟ་བ་རྣམས་སྒྲོལ་བའི་ཆ་བྱད་ཅན་ནོ། །གནས་དེ་བརྒྱད་དུ་སྒྲུབ་པ་པོ་རྒྱན་ཐམས་ཅད་ཀྱིས་བརྒྱན་པ། ཡན་ལག་ཐམས་ཅད་ཡོངས་སུ་རྫོགས་པ་སྔོན་བཞིན་དུ་ལངས
157a2 པའམ། འདུག་པ་བསམ་པར་བྱའོ། །གཞན་ཡང་ཆོ་ག་ནི་ཟླ་བའི་དཀྱིལ་འཁོར་གྱི་དབུས་སུ་བཅོམ་ལྡན་འདས་སྣ་ཚོགས་ཀྱི་གཟུགས་འཆང་བ། དབུ་བཅུ་གསུམ་པ། སྤྱི་བོའི་མགོ་བོ་ནི་ལྗང་ཁུའི་རྟ་ཞལ་ལོ། །ཡང་ན་ཞི་བ་སངས་རྒྱས་ཤཱཀྱ་ཐུབ་པའི་ཞལ་ལོ། །ཕྱག་བརྒྱ་པའི
157a3 བཅོམ་ལྡན་འདས་འདི་ནི་སྣ་ཚོགས་ཀྱི་མཚོན་ཆ་བསྣམས་པའོ། །ཡང་ན་ཞལ་བརྒྱ་པ་ཕྱག་སྟོང་པ་ཡང་བྱའོ། །ཁ་ཅིག་ཏུ་རྡོ་རྗེ་སྐྱིལ་མོ་ཀྲུང་གིས་གནས་པའམ། བཞེངས་པ་ཡང་བྱའོ། །ཙམ་པ་ཀ་ལྟ་བུའི་དཀར་སེར་གྱི་བཅོམ་ལྡན་འདས་སོ། །ཐང་སྐུ་དེ་ཀུན་གྱི་གཡས་ཕྱོགས་ཀྱི་བར་དུ་སྒྲུབ་པ
157a4 པོ་མེ་ཏོག་དང་། མཆོད་ཡོན་གྱི་སྣོད་དང་། བདུག་སྤོས་ཀྱི་སྣོད་ལག་པ་ན་གཟུང་བ་བྱའོ། །དེ་རྣམས་ཀྱི་དབུ་ལ་དབུ་རྒྱན་དུ་འོད་དཔག་མེད་པའམ། ཆོས་ཀྱི་རྒྱལ་པོའི་མཆོད་རྟེན་བྲི་བར་བྱའོ། །འདི་ནི་ཐང་སྐུའི་ཆོ་གའོ། །ཐང་སྐུའི་མདུན་དུ་རྩ་བའི་སྔགས་ཇི་ལྟ་བ་འདོད་པ་དེ་བཟླ་ཞིང་བསམ་གཏན་ཡང་བྱས་ནས།
157a5 མཆོད་པ་རྣམ་པ་ལྔས་མཆོད་ལ། མཆོད་ཡོན་སྣོད་དང་། ཡོངས་སུ་གང་བའི་བདུད་རྩི་ལྟ་བུའི་ཟས་དང་། སྒྲོན་མའི་ཟས་ལ་བྱས་ནས་མཆོད་ཡོན་བྱིན་ཏེ། སྔགས་གང་འདོད་པ་དེ་བཟླས་པ་བྱས་ན་དེ་ལ་གསུངས་པའི་དངོས་གྲུབ་ཏུ་འགྱུར་རོ། །གསང་བ་པོ་ནི་སྔགས་འདི་ཉིད། །ཁ
157a6 ཅིག་ལ་ཡང་མི་སྦྱིན་ནོ། །བློ་ལྡན་སེམས་ཅན་དོན་བརྩོན་པའི། །སེམས་བརྟན་པ་ལ་སྦྱིན་པར་བྱ། །མཆོད་རྟེན་ལས་བྱེད་ཉིད་ལ་ནི། །བློ་ལྡན་འབད་པས་སྦྱིན་པར་བྱ། །རང་ཉིད་དང་ནི་ནོར་དག་གིས། །བླ་མ་ལ་རྟག་གུས་པར་བྱ། །རྡོ་རྗེ་སློབ་དཔོན་རྣལ་འབྱོར་ལ། །མཆོག
157a7 ཏུ་གྱུར་པའི་ཡོན་ཡང་དབུལ། །གང་དང་གང་ནི་བཏང་དཀའ་བ། །མཆོག་ཏུ་གྱུར་བར་འདིར་ནི་བསྔགས། །ཆུང་མ་སྲིང་མོ་དང་ཡང་ནི། །བུ་མོ་དང་ནི་ཚ་མོ་དག་།བུ་མོ་རྒྱན་ཀུན་བརྒྱན་པར་བྱ། །གླང་ཆེན་རྟ་དང་ཤིང་རྟ་དང་། །ཕྱུགས་དང་གྲོང་ཁྱེར་རྒྱལ་སྲིད་དང་། །ཡུལ་འཁོར་རྒྱལ
iiif viewer powered by OpenSeadragon
