| e-texts navigator |
| Wylie |
156b1 པའོ། །ལྷོ་ཕྱོགས་ཀྱི་མཚམས་སུ་རྡོ་རྗེ་པདྨའི་དབང་ཕྱུག་མ་ནམ་མཁའི་མདོག་ཅན་དཀར་མོ་པདྨ་དང་ཤེལ་གྱི་ཕྲེང་བ་བསྣམས་པའོ། །ནུབ་ཕྱོགས་ཀྱི་མཚམས་སུ་སྣ་ཚོགས་ཀྱི་པདྨ་སྟོན་ཀའི་ཟླ་བ་ལྟ་བུ་དཀར་སེར་གྱི་མདོག་པདྨ་ནག་པོ་དང་པོ་ཏི་ཕྱག་ན་བསྣམས་པའོ། །བྱང་ཕྱོགས་ཀྱི་མཚམས་སུ
156b2 སྣ་ཚོགས་རྡོ་རྗེ་མ་སྣ་ཚོགས་ཀྱི་མདོག་ཅན་དུ་བྱས་ལ། སྣ་ཚོགས་ཀྱི་རྡོ་རྗེ་དང་། སྣ་ཚོགས་ཀྱི་པདྨ་བསྣམས་པའོ། །དེ་ལྟར་པདྨ་ལ་བཀོད་ཅིང་བྲིས་ལ། སྒེག་མོ་ལ་སོགས་པ་རྣམས་མཚམས་སུའོ། །ཛཿཧཱུ~ཾ་བཾ་ཧོཿའི་ཡི་གེ་ལས་ཡང་དག་པར་བྱུང་བའི་ལྕགས་ཀྱུ་དང་། ཞགས་པ་དང་།
156b3 ལྕགས་སྒྲོག་དང་། དྲིལ་བུ་རྣམས་ནི་ཤར་ལ་སོགས་པའི་ཕྱོགས་རྣམས་སུའོ། །ཡང་ཐང་སྐུ་གཞན་བརྗོད་པར་བྱ་སྟེ། སྟོན་ཀའི་ཟླ་བ་ལྟ་བུའི་དཀར་སེར་གྱི་བཅོམ་ལྡན་འདས་གཡས་ན་སྐུད་པ་དང་། དབྱུག་པ་དང་། རྩེ་གསུམ་དང་། མཆོག་སྦྱིན་པའི་ཕྱག་ཅན། གཡོན་ན
156b4 པདྨ་དང་། རིལ་བ་སྤྱི་བླུགས་དང་། ཞགས་པ་དང་། ཐམས་ཅད་མཁྱེན་པའི་དམ་ཚིག་གི་པོ་ཏི་བསྣམས་པའི་ཕྱག་ཅན། སྟག་གི་པགས་པའི་ཤམ་ཐབས་འཆང་བ། སྦྲུལ་མཆོད་ཕྱིར་ཐོགས་པ། རལ་པའི་ཅོད་པན་ལ་འོད་དཔག་མེད་བཞེངས་པའམ་སྐྱིལ་ཀྲུང་ཕྱེད་པས
156b5 གནས་པ་དབུ་རྒྱན་དུ་བྱས་པའོ། །དེའི་གཡས་ཕྱོགས་ཀྱི་ཆ་རུ་སྒྲུབ་པ་པོ། །མཆོད་ཡོན་གྱི་སྣོད་དང་བདུག་སྤོས་ཀྱི་སྣོད་ལག་པས་གཟུང་བ་བྱའོ། །གཞན་ཡང་བཅོམ་ལྡན་འདས་ཕྱག་གཉིས་པ་རི་གྲུ་འཛིན་ལ་གནས་ཤིང་སེང་གེའི་ཁྲི་ལ་བཞུགས་པ། གཡོན་པ་ས་ལ
156b6 གནས་ཤིང་ཞབས་གཡས་པ་པདྨའི་སྟེང་གི་གདན་སྟེངས་སུ་བཞུགས་པའོ། །ཕྱག་རེ་རེ་ན་ཕྲེང་བ་བསྣམས་པར་སེམས་པ་པོས་ཕྲེང་བའི་འོག་ཏུ་འདྲེན་པའི་ཚུལ་འདིས་བསམ་པར་བྱ་བ་ནི་སེམས་པ་ལྟ་བུར་གནས་པ་ཞེས་བྱའོ། །ཆོ་ག་གཞན་ཡང་བཅོམ་ལྡན་འདས་དཀར་ཞིང
156b7 དམར་བ་ཕྱག་བཅུ་པ་སེང་གེའི་གདན་ལ་པདྨའི་སྟེང་དུ་སྐྱིལ་ཀྲུང་ཕྱེད་པས་བཞུགས་པ། གཡས་ན་ཕྲེང་བ་བསྣམས་པའོ། །སེང་གེ་དང་། གླང་པོ་ཆེ་དང་། མེ་དང་། སྦྲུལ་གྱིས་འཇིགས་པ་རྣམས་ལས་གྲོལ་བའི་ཆ་བྱད་ཅན་ནོ། །གཡོན་ན་པདྨ་དམར་པོ་སྡོང་བུ་གཉིས་པ
iiif viewer powered by OpenSeadragon
