| e-texts navigator |
| Wylie |
154b1 ལ། ཆོས་འབྱུང་དེ་སྒྲུབ་པ་པོས་རི་སུལ་ཆུ་ངོགས་གསང་བའི་གནས་སུ་བསམ་པར་བྱའོ། །དེ་ཡང་མྱོས་ཤིང་སྒྲུབ་པ་པོའི་སྟེང་དུ་ལྟུང་བའི་རྣམ་པ་བསྒོམ་པར་བྱའོ། །དེ་བཀུག་ལ་རང་ལ་ཆུ་ཤིང་ནོར་དང་བཅས་པ་དབང་དུ་འགྱུར་བར་བལྟའོ་ཞེས་བྱའོ། །ཡང་ན་ལྷ་དང་། ཀླུ
154b2 དང་ལྷ་མ་ཡིན་དང་། མིའམ་ཅི་དང་། རིག་པ་འཛིན་པ་དང་། གནོད་སྦྱིན་དང་། འཁོར་ལོས་སྒྱུར་བ་དང་། བློན་པོ་དང་། སྐྱེས་བུའམ་གང་འདོད་པ་དེ་དམར་པོར་རྣམ་པར་བསམས་ལ། དེའི་སྙིང་གར་རྡོ་རྗེ་ལྕགས་ཀྱུ་འོད་འབར་བའི་ཕྲེང་བ་འཁྲུག་པའི་ལྕགས་ཀྱུས་འབིགས
154b3 བཞིན་པ་དང་། ཞགས་པས་སྐེ་བ་ནས་བཅིངས་ལ་དགུག་བཞིན་པ་འདོད་པས་མྱོས་པར་གྱུར་པར་རབ་ཏུ་གསལ་པོར་བསམ་པར་བྱའོ། །བདག་ཉིད་ནོར་དང་བཅས་པ་འགུགས་ཤིང་དབང་དུ་འགྱུར་རོ། །ཞེས་བྱའོ། །ོཾ་བྷུ་རི་ནི་མ་ཧཱ་ཙཀྲ་བརྟི་ནི་ཧཱུ~ཾ། འདིའི་སྦྱོར་བ་ནི་དྲི་ཆེན་དང་།
154b4 རྡོ་རྗེ་ཆུ་ལ་སོགས་པས་དཀྱིལ་འཁོར་བྱས་ལ་ཇི་ལྟར་རྙེད་པའི་མེ་ཏོག་གིས་མཉམ་པར་མཆོད་ལ། དེ་ན་གནས་པའི་སྒྲུབ་པ་པོས་གླིང་ངམ་གླིང་གཞན་དང་། གྲོང་ཁྱེར་དང་གྲོང་དང་། ཡུལ་འཁོར་གྱི་རྒྱལ་པོར་བསམ་ཞིང་བཟླས་པ་བྱའོ། །དེ་ཡིས་བདག་པོ་ཉིད་དུ་འགྱུར་ཞིང་ལོངས
154b5 སྤྱོད་ལ་ལོངས་སྤྱད་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བ་ཐོབ་པར་འགྱུར་རོ། །ོ~ཾ་བྷྲྀ་ཀུ་ཊཱི་ཏཱ་རེ་ཏུ་ཏ་མ་ཏ་ཧཱུ~ཾ། ལྷ་མོ་ཁྲོ་གཉེར་ཅན་ཞེས་བྱ་བ་འདི་ནི་དགྲའི་རྐང་རྗེས་ཀྱི་རྡུལ་བླངས་ལ། དུག་དང་། ཚྭ་དང་། སྐེ་ཚེ་དང་། ཁྲག་དང་། ཆུ་བོའི་འགྲམ་གཉིས་ཀྱི་ས་དང་། དྲི
154b6 ཆེན་རྡོ་རྗེ་ཆུས་བསྣོས་ལ་གཟུགས་བརྙན་བྱས་ལ་མིའི་རུས་པའི་རང་བཞིན་གྱི་ཕུར་བུས་ཚིགས་དང་གནད་ཀུན་ལ་བཏབ་ལ། ཐོད་པ་ཁ་སྦྱར་གྱི་ནང་དུ་བཞག་སྟེ། དུར་ཁྲོད་ཀྱི་མེ་ལ་གདུང་བར་བྱའོ། །ཞག་བདུན་དུ་སྦྱོར་བ་བྱས་པས་འཆི་བར་འགྱུར་རོ། །གལ་ཏེ་སེམས་ལ་སྡིག་པ་མེད་པར
154b7 གྱུར་ན་ཞག་ཉི་ཤུ་རྩ་གཅིག་གིས་ནི་སངས་རྒྱས་ཀྱང་འཆི་བར་འགྱུར་རོ། །ོ~ཾ་མ་ཧཱ་ཤྲཱི་ཡེ་མ་ཎི་པདྨེ་ཧཱུ~ཾ། ལྷ་མོ་འདི་ལ་དྲི་དང་། མེ་ཏོག་དང་། མར་མེ་དང་། བསོད་སྙོམས་ཀྱི་ཟས་ཀྱིས་སོ་སོར་མཆོད་ལ་བཟླས་པ་བྱས་ན་ཐམས་ཅད་དུ་བསྲུངས་པར་འགྱུར་རོ། །ཡུལ་ཆོས་ཀྱི་རྩོད་པ
iiif viewer powered by OpenSeadragon
