| e-texts navigator |
| Wylie |
154a1 བྱས་ན་རང་དགའི་གཟུགས་སུ་འགྱུར་རོ། །བཞི་ཆ་དང་བཅས་པའི་འབུམ་ཕྲག་བཟླས་བརྗོད་བྱས་ན་སངས་རྒྱས་ཉིད་དུ་འགྱུར་རོ། །བྱེ་བ་ཕྲག་གཅིག་བཟླས་བརྗོད་བྱས་ན། ཐམས་ཅད་དུ་རྗེས་སུ་འཛིན་པར་བྱེད་པའི་ནུས་པ་ཅན་སྤྱན་རས་གཟིགས་དབང་ཕྱུག་ལྟ་བུ
154a2 འགྲུབ་པར་འགྱུར་ཞིང་ལུས་དང་ངག་དང་ཡིད་ཀྱང་བྱིན་གྱིས་རློབ་བོ། །འདི་ནི་བཅོམ་ལྡན་འདས་གསུང་རྡོ་རྗེས་གསུངས་པའོ། །ོ~ཾ་པཎྜ་རི་བ་སི་ནི་བ་རི་དེ་ཧཱུ~ཾ། འདི་ནི་གོས་དཀར་མོའི་སྔགས་ཏེ་ལན་ཅིག་བརྗོད་པས་སྡིག་པའི་རིགས་ཀྱི་ཚོགས་སྲེག་པར་བྱེད་དོ། །ནུབ་བདུན་གྱི་ནང
154a3 རོལ་དུ་རྒྱལ་པོ་བློན་པོ་དང་བཅས་པ་མདུན་ན་འདོན་དང་། སྐྱེ་འགྲོའི་ཚོགས་དང་བཙུན་མོའི་ཚོགས་དང་བཅས་པ་དབང་དུ་འགྱུར་རོ། །བཟླས་པ་ཙམ་གྱིས་ཕུན་སུམ་ཚོགས་པ་ཐམས་ཅད་ཀྱི་སྐལ་བ་དང་ལྡན་པར་འགྱུར་རོ། །དེ་ལྟ་བུའི་རིམ་པས་འབུམ་ཕྲག་གཅིག་བཟླས་ན་གང
154a4 ཡང་སངས་རྒྱས་དང་། བྱང་ཆུབ་སེམས་དཔའ་དང་ནུས་པ་མཉམ་ཞིང་། དངོས་སུ་འཕགས་པ་སྤྱན་རས་གཟིགས་དབང་ཕྱུག་འགྲུབ་པར་འགྱུར་རོ། །ོ~ཾ་བི་ལོ་ཀི་ནི་ཨ་བ་ལོ་ཀཱ་ཡ་སྭཱ་ཧཱ། འདིའི་སྦྱོར་བ་ནི་སྟོང་ཕྲག་བཅུ་བཟླས་བརྗོད་བྱས་ན་མེ་ལོང་དང་། མཐེབ་ཆེན་དང་།
154a5 ནམ་མཁའ་ལ་སོགས་པ་ལ་གསལ་པོར་པྲ་དབབ་པ་འགྲུབ་པར་འགྱུར་རོ། །གང་སྔོན་བྱུང་བ་དང་ད་ལྟར་དང་ཕྱིས་འོང་བ་དེ་སྟོན་པར་བྱེད་དོ། །ཡང་ན་སོ་ཤིང་ལ་ལན་ཉི་ཤུ་རྩ་གཅིག་མངོན་པར་བསྔགས་པར་བྱས་ལ། ནུབ་མོ་ཉལ་བའི་དུས་སོ་ཤིང་འཆོས་ནས་མི་སྨྲ་བར་ཉལ་ན
154a6 དགོས་པ་གང་ཡིན་པ་རྨི་ལམ་ན་སྟོན་པར་བྱེད་དོ། །དེ་ཡང་འཁྲུལ་པ་མེད་པར་སྟོན་ནོ། །ོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། བཅོམ་ལྡན་འདས་སྒྲོལ་མ་འདི་འབུམ་ཕྲག་གཅིག་བཟླས་ན་འཇིག་རྟེན་གསུམ་གྲུབ་པར་འགྱུར་རོ། །ལྷའི་བུ་མོ་དང་། ཀླུའི་བུ་མོ་དང་། མིའམ་ཅིའི་བུ་མོ་དང་། གནོད
154a7 སྦྱིན་གྱི་བུ་དང་། མིའི་བུ་མོ་སྟེ། འདི་རྣམས་ཀྱི་ནང་ནས་གང་འདོད་པ་དེའི་ཆོས་འབྱུང་དུ་གུར་གུམ་དང་། རྒྱ་སྐྱེགས་དང་། རང་བྱུང་གི་མེ་ཏོག་དང་། བྱང་ཆུབ་ཀྱི་སེམས་དང་ཡང་དག་པར་ལྡན་པས་རྩིབས་དྲུག་པ་ཤིན་ཏུ་རྣོ་བའི་འཁོར་ལོ་དམར་པོ་འཁོར་བཞིན་པ་རྣམ་པར་བྲིས་པ་བསམས
iiif viewer powered by OpenSeadragon
