| e-texts navigator |
| Wylie |
153b1 འགྱུར་ཞིང་། །ཏིང་ངེ་འཛིན་ལ་གནས་པར་འགྱུར། །དེ་ཕྱིར་ཏིང་འཛིན་ལྡན་པ་ཡི། །རྡོ་རྗེ་དམ་ཚིག་དེ་ཡིས་ནི། །རིག་པ་དང་ནི་བཅས་པའི་མཆོག་།འཇིག་རྟེན་མགོན་པོར་འགྲུབ་པར་འགྱུར། །ོ~ཾ་ཧྲཱིཿཔདྨ་ནརྟེ་ཤྭ་ར་ཧཱུ~ཾ། རྩ་བའི་སྔགས་འདི་བརྒྱ་རྩ་བརྒྱད་བཟླས་ན་ཉིན་མོ་དང་ནུབ
153b2 མོ་བྱས་པའི་སྡིག་པ་ཉམས་པར་འགྱུར་རོ། །ཡང་ན་ལྔ་བརྒྱ་བཟླས་བརྗོད་བྱས་ན་ནད་ཐམས་ཅད་ལས་གྲོལ་བར་འགྱུར་རོ། །ཡང་ན་སྟོང་བཟླས་བརྗོད་བྱས་ན་དུས་མ་ཡིན་པར་འཆི་བ་མེད་པར་འགྱུར་རོ། །ཡང་ན་སྟོང་ཕྲག་གཉིས་བཟླས་བརྗོད་བྱས་ན། ཐམས་ཅད་ཀྱི་མཆོད་པའི
153b3 འོས་སུ་འགྱུར་རོ། །གཞན་ཡང་སྟོང་ཕྲག་གསུམ་བཟླས་བརྗོད་བྱས་ན་སྐལ་བ་བཟང་བ་དང་། གཡང་རབ་ཏུ་འཕེལ་བར་འགྱུར་རོ། །གཞན་ཡང་སྟོང་ཕྲག་བཞི་བཟླས་བརྗོད་བྱས་ན་དབུལ་བ་མེད་པར་འགྱུར་རོ། །སྟོང་ཕྲག་ལྔ་བཟླས་བརྗོད་བྱས་ན་དགྲ་ཐམས་ཅད་ཀྱི་སྙིང
153b4 འཁྲུག་པར་བྱེད་དོ། །སྟོང་ཕྲག་དྲུག་བཟླས་བརྗོད་བྱས་ན་དགྲ་ཐམས་ཅད་མེད་པར་འགྱུར་རོ། །སྟོང་ཕྲག་བདུན་བཟླས་བརྗོད་བྱས་ན་བདུད་བཞི་ལས་མཆོག་ཏུ་རྒྱལ་བར་འགྱུར་རོ། །སྟོང་ཕྲག་བརྒྱད་བཟླས་བརྗོད་བྱས་ན་རིག་འཛིན་མ་གྲུབ་པར་འགྱུར་རོ། །སྟོང་ཕྲག་དགུ་བཟླས་བརྗོད
153b5 བྱས་ན་གནོད་སྦྱིན་མོ་གྲུབ་པར་འགྱུར་རོ། །ཁྲི་ཚོ་གཅིག་བཟླས་བརྗོད་བྱས་ན་ལྷ་དང་ཀླུ་དང་། མིའི་བུ་མོ་རྣམས་འགྲུབ་པར་འགྱུར་རོ། །སྟོང་ཕྲག་ཉི་ཤུ་བཟླས་བརྗོད་བྱས་ན་བར་སྣང་ལ་འགྲོ་བའི་རྣལ་འབྱོར་མ་རྣམས་འགྲུབ་པར་འགྱུར་རོ། །སྟོང་ཕྲག་སུམ་ཅུ་བཟླས་བརྗོད་བྱས་ན་བསམ
153b6 པ་ཐམས་ཅད་རྫོགས་པར་འགྱུར་རོ། །སྟོང་ཕྲག་བཞི་བཅུ་བཟླས་བརྗོད་བྱས་ན་མཁའ་ལ་སྤྱོད་པའི་རིག་པ་འཛིན་པར་འགྱུར་རོ། །སྟོང་ཕྲག་ལྔ་བཅུ་བཟླས་བརྗོད་བྱས་ན་རལ་གྲིའི་རིག་པ་འཛིན་པར་འགྱུར་རོ། །སྟོང་ཕྲག་དྲུག་ཅུ་བཟླས་བརྗོད་བྱས་ན་གྲུབ་པའི་རིག་འཛིན་དུ
153b7 འགྱུར་རོ། །སྟོང་ཕྲག་བདུན་ཅུ་བཟླས་བརྗོད་བྱས་ནས་གསུམ་གྱི་བདག་པོར་འགྱུར་རོ། །སྟོང་ཕྲག་བརྒྱད་ཅུ་བཟླས་ན་འཁོར་ལོས་སྒྱུར་བའི་རྒྱལ་པོར་འགྱུར་རོ། །འབུམ་ཕྲག་གཅིག་བཟླས་བརྗོད་བྱས་ན་བྱང་ཆུབ་སེམས་དཔའ་ཉིད་དུ་འགྱུར་རོ། །འབུམ་ཕྲག་བཅུ་བཟླས་བརྗོད
iiif viewer powered by OpenSeadragon
