| e-texts navigator |
| Wylie |
152b1 བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། ། @#། །རྒྱ་གར་སྐད་དུ། ལོ་ཀེ་ཤྭ་ར་ཀལྤ། བོད་སྐད་དུ། འཇིག་རྟེན་དབང་ཕྱུག་གི་རྟོག་པ། བཅོམ་ལྡན་འདས་འཕགས
152b2 པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །འཇིག་རྟེན་མགོན་པོའི་རྟོག་པ་ནི། །མདོར་བསྡུས་འདིར་ནི་བརྗོད་བྱ་སྟེ། །སངས་རྒྱས་ཐམས་ཅད་རྒྱུད་ཆེན་པོ། །
152b3 འདོད་པའི་དོན་ཀུན་རབ་སྟེར་བ། །དང་པོར་རེ་ཞིག་རིག་པ་འཛིན་པས་གཙང་ཞིང་དབེན་པའི་ས་ཕྱོགས་སུ་ཧཱུ~ཾ་གིས་དག་པར་བྱས་པར་ཉེ་བར་འདུག་ཅིང་པདྨའི་ཕྱག་རྒྱ་བཅིངས་ལ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོུ྅་ཧཾ་ཞེས་བརྗོད་ལ། ཐམས་ཅད་སྟོང་པའི་རྣམ་པར་བསམ་པར
152b4 བྱའོ། །དེའི་རྗེས་ལ། ཨོཾ་ཙིཏྟ་པྲ་ཏི་བྷོ་དྷཾ་ཀ་རོ་མི། དེ་ལྟར་བརྗོད་ལ་སྣ་ཚོགས་པདྨ་འདབ་མ་བརྒྱད་པར་བསྒོམས་ནས། པདྨའི་སྟེང་དུ་ཟླ་བའི་དཀྱིལ་འཁོར་བསམ་པར་བྱའོ། །ཟླ་བའི་སྟེང་དུ་ཧྲཱིཿའི་སྔགས་གྱུར་པ་ལས་བདག་ཉིད་འཇིག་རྟེན་དབང་ཕྱུག་ཏུ་བསྒོམ་པར་བྱ་སྟེ། སེམས
152b5 དཔའི་སྐྱིལ་མོ་ཀྲུང་གིས་བཞུགས་པ། ཕྱག་གཉིས་པ། མདོག་དམར་བ། མཆན་དུ་ནི་གོས་དཀར་མོ་དེ་ལ་འཁྱུད་པ། པདྨ་དམར་པོ་ཁ་འབྱེད་ཅིང་གར་གྱི་ཚུལ་ཅན་ཁབ་ཀྱི་ཕྱག་རྒྱས་ཁ་འབྱེད་པར་བསྒོམས་ལ། འདི་བརྗོད་པར་བྱ་སྟེ། ཇི་ལྟར་པདྨ་དམར་པོ་ནི། །འདོད་ཆགས་སྐྱོན
152b6 གྱིས་མི་གོས་ཤིང་། །དེ་བཞིན་སྣ་ཚོགས་བག་ཆགས་སྐྱོན། །ཁམས་གསུམ་རྣམ་པར་དག་པའོ། །དབུ་རྒྱན་ལ་འོད་དཔག་ཏུ་མེད་པ་བསྒོམ་པར་བྱའོ། །དེ་ནས་འདི་བརྗོད་པར་བྱ་སྟེ། ཨོཾ་སརྦ་ཏ་ཐཱ་ག་ཏ་ཀཱ་ཡ་བཱ་ཀ་ཙིཏྟ་བཛྲ་སྭ་བྷཱ་བ་ཨཱཏྨ་ཀོུ྅ཧཾ། དེ་ལྟར་བསྒོམས་ནས་ཕྱོགས་བ
152b7 རྒྱད་དུ་ལྷ་མོ་རྣམས་བསམ་མོ། །ོཾ་བི་ལོ་ཀི་ནི། ཨ་བ་ལོ་ཀི་ནི། ཨ་བ་ལོ་ཀཱ་ཡ་སྭཱ་ཧཱ། ཤར་གྱི་འདབ་མ་ལ་ནི་རྣམ་པར་གཟིགས་མ་ཞེས་བྱ་བའི་ལྷ་མོ་པདྨ་དམར་པོ་བསྣམས་པའོ། །ོཾ་ཏཱ་རེ་ཏུ་ཏྟཱ་རེ་ཏུ་རེ་སྭཱ་ཧཱ། ལྷོའི་པདྨ་ལ་བཅོམ་ལྡན་འདས་མ་སྒྲོལ་མ་པ་ལ་ཤའི་འདབ
iiif viewer powered by OpenSeadragon
