| e-texts navigator |
| Wylie |
146a1 མར་སྲང་གཅིག་བླངས་ཏེ། དངུལ་གྱི་སྣོད་ཀྱི་ནང་དུ་སྩལ་ནས་གཟུགས་བགྱིས་པའི་མདུན་དུ་བཞག་སྟེ། སྔགས་འདིས་བཟླས་བརྗོད་བགྱིས་ན་ཟླ་བ་ཡང་སྔ་མ་ཁོ་ན་བཞིན་དུ་སྐྱབས་འོག་ཏུ་གྱུར་པས་དེ་ནས་བླངས་ཏེ་འཚལ་ན་ལུས་ཀྱི་བྲོ་ནད་རྣམས་མི་འབྱང་བ་གང་ཡང་མ་མཆིས
146a2 ལགས་སོ། །གཞན་ཡང་རྣལ་འབྱོར་པས་ལྡོང་རོས་དང་གི་ཝང་ཆ་མཉམ་པར་བགྱིས་ཏེ། གཟུགས་བགྱིས་པ་དེའི་མདུན་དུ་བཞག་ནས་སྔགས་འདི་ལན་སྟོང་རྩ་བརྒྱད་བཟླས་ཏེ་ཆབ་ཀྱིས་སྦྲུས་ནས་དཔྲལ་བ་ལ་ཐིག་ལེ་བགྱིས་ན། དོན་རྣམ་པ་གསུམ་འགྲུབ་པར་འགྱུར་ལགས་སོ། །
146a3 སྔར་བསྟན་པ་བཞིན་དུ་ཆབ་དྲོན་པོ་དང་སྦྱར་ཏེ་ཁྲུས་བགྱིས་ན་བགེགས་ཐམས་ཅད་དང་བྲོ་ནད་མ་རུངས་པ་ཐམས་ཅད་བསལ་ཞིང་འབྱང་བར་འགྱུར་ལགས་སོ། །གཞན་ཡང་གལ་ཏེ་ཕ་རོལ་གྱི་དམག་ཚོགས་ཀྱིས་གཡུལ་འཕྲོག་པར་གྱུར་ན། ཨྱན་ཅི་དམར་རྩི་འབྲས་བུ་ཅིག་བླངས་ཏེ་སྔགས
146a4 འདི་ལན་བརྒྱ་རྩ་བརྒྱད་ཀྱིས་བཏབ་ནས། གཟུགས་བགྱིས་པ་དེའི་གཡོན་ཕྱོགས་ཀྱི་ཁྲོ་བོའི་གདོང་ལ་བྱུགས་ཏེ། དགྲའི་ཕྱོགས་སུ་ཁ་བསྟན་ན་དགྲའི་དམག་ཚོགས་རྣམས་དྲུང་དུ་མཆི་བར་མི་འགྱུར་ལགས་སོ། །གཞན་ཡང་གལ་ཏེ་ཡུལ་ཕྱོགས་སུ་མི་དང་ཕྱུགས་ལ་རིམས་ནད་བྱུང་བར
146a5 གྱུར་ན། གཟུགས་བགྱིས་པ་དེའི་མདུན་དུ་ཤིང་ཤུག་པའི་ཞུགས་བུས་ལ་གཞན་ཡང་ཤིང་དེ་བླངས་ནས་དུམ་བུ་སྟོང་རྩ་བརྒྱད་དུ་གཏུབས་ཏེ་དུམ་བུ་གཅིག་བླངས་ནས་ཡུངས་འབྲུའི་མར་གྱིས་བསྐུས་ཏེ། སྔགས་ལན་རེ་བཟླས་ནས་ཞུགས་ཀྱི་ནང་དུ་དོར་བར་བགྱི་ཞིང་ཐམས་ཅད་བས་པའི
146a6 བར་དུ་བགྱིའོ། །གཞན་ཡང་སྐུད་པ་དམར་པོ་ལས་མདུད་པ་བདུན་མདུད་དེ་མདུད་པ་ལན་རེ་མདུད་ཅིང་སྔགས་ལན་རེ་བཟླས་ནས་ནང་གི་གོང་ན་མཆིས་པའི་གདོང་གི་སྤྱི་བོ་ལ་བཏགས་ན་རིམས་ནད་ཐམས་ཅད་རབ་ཏུ་ཞི་བར་འགྱུར་ཏེ། རིམས་ནད་ཞི་ནས་སྔགས་ཐག་ཀྱང་དགྲོལ་བར
146a7 འགྱུར་ལགས་སོ། །གཞན་ཡང་བློ་བུར་དུ་མཁའ་འགྲོ་མ་དང་། འབྱུང་པོ་ལ་སོགས་པའི་གདོན་གྱིས་ཟིན་ཏེ་བྲོ་འཚལ་བར་གྱུར་ན། སྐུད་པ་དཀར་པོ་ལ་སྔགས་མདུད་ཉི་ཤུ་རྩ་གཅིག་མདུད་དེ་སྔགས་ལན་རེ་བཟླ་ཞིང་མདུད་པ་རེ་རེ་མདུད་ནས་མདུན་གྱི་བྱམས་པ་དང་སྙིང་རྗེ་དང
iiif viewer powered by OpenSeadragon
