| e-texts navigator |
| Wylie |
145b1 ལྟར་ནན་ཏན་བརྩོན་འགྲུས་ཀྱིས་སྨོན་པ་རྣམས་ཡོངས་སུ་གཉེར་བས་བདག་གིས་ཁྱོད་ཀྱི་སྨོན་པ་ཡོངས་སུ་རྫོགས་པར་བགྱིའོ། །ཁྱོད་འདི་ནས་ནམ་མཁའ་ལ་འཕུར་ཏེ་འགྲོ་བའམ། ཡང་ན་ཁྱོད་རྒྱུ་ཞིང་འགྲོ་བ་ལ་ཐོགས་པ་མེད་པའམ། ཡང་ན་དྲང་སྲོང་རིག་འཛིན་གྱི་རྒྱལ་པོ
145b2 བྱེད་པར་འགྱུར་བའམ། ཡང་ན་བདག་ཅི་ལྟ་བ་བཞིན་དུ་རང་དབང་ཐོགས་པ་མེད་པ་ཉིད་དུ་བྱའོ་ཞེས་བསྔགས་པ་བརྗོད་པར་འགྱུར་ལགས་སོ། །གཞན་ཡང་རྣལ་འབྱོར་པས་ཟླ་བ་དཀར་པོ་ཡར་གྱི་ངོ་ཚེས་ལྔ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག
145b3 གི་གཟུགས་གདོང་བཅུ་གཅིག་པ་དེ་སངས་རྒྱས་ཀྱི་རིང་བསྲེལ་དང་བཅས་པའི་མཆོད་རྟེན་གྱི་ནང་དུ་བཞག་སྟེ། གོས་སར་པ་གཙང་མ་བགོས་ལ་གསོ་སྦྱོང་དང་སྡོམ་པ་ཡང་དག་པར་བླངས་ཏེ་གདུགས་མཚན་གཅིག་ལ་རབ་ཏུ་སྨྱུང་བར་བགྱིས་ནས། སུ་མ་ནའི་མེ་ཏོག་སྟོང
145b4 རྩ་བརྒྱད་བླངས་ཏེ། མེ་ཏོག་རེ་རེ་བླངས་ནས་སྔགས་ལན་རེ་བཏབ་སྟེ། ཐམས་ཅད་བས་པའི་བར་དུ་བགྱིས་ན་དེའི་ཚེ་གཟུགས་བགྱིས་པ་དེའི་མདུན་དུ་གདོང་གཅིག་གི་ཁ་ནས་འབྲུག་སྒྲ་ལྟ་བུའི་སྒྲ་བྱུང་བར་གྱུར་ལ། དེའི་དབང་གིས་ས་ཆེན་པོ་ཡང་རབ་ཏུ་གཡོ་བར་གྱུར
145b5 པས་རྣལ་འབྱོར་པས་དེའི་ཚེ་རང་གི་སེམས་བདེ་བར་བཞག་ནས་སྐྲག་ཅིང་འཇིགས་པ་མི་བསྐྱེད་པར་རིག་སྔགས་དང་། སྨོན་ཅིང་སྒྲུབ་པ་གང་ལགས་པ་འབའ་ཞིག་རྗེས་སུ་དྲན་པར་བགྱིས་ཏེ། འདི་སྐད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ
145b6 སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་གུས་པར་ཕྱག་འཚལ་ལོ། །བདག་ནམ་ཞིག་ན་སེམས་ཅན་ཐམས་ཅད་ཀྱི་མགོན་དང་སྐྱབས་སུ་གྱུར་ནས་སེམས་ཅན་ཐམས་ཅད་ཀྱི་སེམས་ཀྱི་སྨོན་པ་རྣམས་ཡོངས་སུ་བསྐོང་བར་འགྱུར་ཞེས་བརྗོད་པར་གྱུར་ན།
145b7 དེའི་ཚེ་སྤྱན་རས་གཟིགས་དབང་ཕྱུག་གིས་ཅི་ལྟར་སྨོན་པ་རྣམས་སྩོལ་བར་འགྱུར་ཏེ། སྨོན་པ་རྣམས་སྩོལ་བའི་ཚེ་ལྷ་དང་ཀླུ་ལ་སོགས་པ་གང་གིས་ཀྱང་བར་ཆད་དང་བགེགས་བགྱིད་པར་མི་འགྱུར་ལགས་སོ། །གཞན་ཡང་རྣལ་འབྱོར་པས་ཟླ་བ་ལ་གཟའ་ཞུགས་པའི་ཚེ་ཆབ
iiif viewer powered by OpenSeadragon
