| e-texts navigator |
| Wylie |
144a1 བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་ལ་གུས་པར་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་གུས་པར་ཕྱག་འཚལ
144a2 ལོ། །ཏདྱ་ཐཱ། བི་ཊེ་བི་ཊེ། ཏི་ཊེ་ཏི་ཊེ། ཙི་ཊེ་ཙི་ཊེ། བིཊྚེ་བིཊྚེ། ཀ་ཙ་ཀ་ཙ། བྷ་ག་བཱ་ན། ཨཱརྱཱ་བ་ལོ་ཀི་ཏེ་ཤྭ་རཱ་ཡ། ས་བྷ་ས་བྷ་ས་བྷ་ནཾ་སྭཱ་ཧཱ། བཅོམ་ལྡན་འདས་འདི་ནི་བདག་སླར་རང་གི་གནས་སུ་མཆི་བར་བསྐུལ་བའི་སྔགས་ལགས་ཏེ། བགྱི་བ་ཅི་མཆིས་པ་བགྱིས
144a3 ལགས་ནས་བདག་སླར་རང་གི་གནས་སུ་མཆི་བར་བསྐུལ་བའི་ཚེ་སྔགས་འདིས་ཆབ་ལ་ལན་བདུན་སྔགས་ཀྱིས་བཏབ་སྟེ་ཕྱོགས་བཞིར་གཏོར་ན་བདག་སླར་མཆི་བར་འགྱུར་ལགས་སོ། །བཅོམ་ལྡན་འདས་རིག་སྔགས་འདི་ནི་དངོས་གྲུབ་མངོན་དུ་མ་གྱུར་ལགས་ཀྱིས་ཀྱང་ལས་སུ་བགྱི
144a4 བ་རྣམ་པ་སྣ་ཚོགས་བགྱིད་པས་སེམས་རྩེ་གཅིག་ཏུ་བཟླས་བརྗོད་བགྱིས་ན་སྨོན་པ་རྣམས་མི་འགྲུབ་པ་གང་ཡང་མ་མཆིས་ལགས་སོ། །གང་ཞིག་མྱོས་ནད་གདུགས་རེ་རེ་ལན་རེ་ལྡང་བའམ། གདུགས་གཉིས་ཤིང་ལན་རེ་ལྡང་བའམ། གདུགས་གསུམ་ཞིང་ལན་རེ་ལྡང
144a5 བའམ། གདུགས་བཞི་ཞིང་ལན་རེ་ལྡང་བའམ། གདོན་འབྱུང་པོས་བགྱིས་པའམ། མཁའ་འགྲོ་མས་བགྱིས་པའམ། ཤ་ཟས་བགྱིས་པའམ། ལུས་སྲུལ་པོས་བགྱིས་པའམ། སྨྱོ་བྱེད་ཀྱིས་བགྱིས་པའམ། བརྗེད་བྱེད་ཀྱིས་བགྱིས་པའམ། འདྲེ་གདོན་མ་རུངས་པ
144a6 རྣམ་པ་སྣ་ཚོགས་ཀྱིས་བགྱིས་པ་ཡང་རུང་སྟེ། ནད་པ་དེ་དག་ལ་སྔགས་འདིས་ལན་བརྒྱ་རྩ་བརྒྱད་བཏབ་ན་འཚོ་བར་འགྱུར་ལགས་སོ། །གལ་ཏེ་སྒྲིབ་པ་ལྕི་བ་ཞིག་ལགས་ན། ཚོན་སྣ་ལྔའི་སྐུད་པ་ལ་སྔགས་ལན་རེ་བཟླ་ཞིང་རེ་རེ་མདུད་དེ་བརྒྱ་རྩ་བརྒྱད་ཚང་བར་བགྱིས་ནས
144a7 ནད་པའི་མགུལ་པའམ། དཔུང་པ་ལ་བཏགས་ན་ཁ་ན་མ་ཐོ་བའི་སྒྲིབ་བ་ཞུ་བྱང་ཞིང་བྲོ་ནད་ཀྱང་སོས་པར་འགྱུར་ལགས་སོ། །གལ་ཏེ་སྐྲངས་པ་དང་། འབྲས་ཀྱི་ཕྲེང་བ་དང་། ཤུ་བ་དང་ཕོལ་མིག་དང་། རྨ་འཛག་པ་དང་། གཡན་པ་ལ་སོགས་པའི་ནད་མ་རུངས་པ་རྣམ
iiif viewer powered by OpenSeadragon
