| e-texts navigator |
| Wylie |
143b1 གུས་པར་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་གུས་པར་ཕྱག་འཚལ་ལོ། །ཏདྱ་ཐཱ། མ་སི་ཏ་སི། ཙ་ལེ་ཙ་ལེ། ཧུ་རུ་ཧུ་རུ། ཙུ་རུ་ཙུ་རུ། སུ་རུ་སུ་རུ། མུ་རུ་མུ་རུ་སྭཱ་ཧཱ།
143b2 བཅོམ་ལྡན་འདས་འདི་ནི་ཡམ་ཤིང་ལ་གདབ་པའི་སྔགས་ལགས་ཏེ་གལ་ཏེ་ལ་ལ་ཞིག་གོང་དུ་བསྟན་པའི་རྩ་བའི་རིག་སྔགས་ཀྱིས་བགྱི་བ་མཆིས་ཏེ་སྔར་སྔགས་འདི་མེ་ཏོག་ཤ་ཏའི་ཤིང་ལ་ལན་ཅིག་གདབ་པར་བགྱིའོ། །ཞུགས་འབུད་པར་འཚལ་ན་ལོགས་ཤིག་ཏུ་མེ་ཏོག་ཤ་ཏའི
143b3 ཤིང་བླངས་ནས་དུམ་བུ་སུམ་ཅུར་གཏུབས་ཏེ། ཞོ་དང་མར་དང་སྦྲང་རྩིའི་ནང་དུ་སྦངས་ནས། ཞག་ལོན་པར་བགྱིས་ཏེ་གདུགས་རེ་དུམ་བུ་རེ་རེ་བླངས་ནས་སྔགས་ལན་རེ་བཏབ་སྟེ་ཞུགས་ཀྱི་ནང་དུ་དོར་བར་བགྱིའོ། །དེ་དག་ཐམས་ཅད་བས་པར་བསྲེགས་ནས་དེའི་རྗེས་ལ་གདོད་བགྱི་བ་ཅི
143b4 མཆིས་པ་བགྱི་ལགས་སོ། །དཀོན་མཆོག་གསུམ་ལ་གུས་པར་ཕྱག་འཚལ་ལོ། །འཕགས་པ་དེ་བཞིན་གཤེགས་པ་ཡེ་ཤེས་རྒྱ་མཚོ་རྣམ་པར་སྣང་མཛད་བཀོད་པའི་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
143b5 སངས་རྒྱས་ཐམས་ཅད་ལ་གུས་པར་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་གུས་པར་ཕྱག་འཚལ་ལོ། །ཏདྱ་ཐཱ། ཨི་ལི་མི་ལི། བི་ལི་ཏི་ལི། ཙི་ལི་ཧི་ལི་སྭཱ་ཧཱ། བཅོམ
143b6 ལྡན་འདས་འདི་ནི་མཚམས་དགུམ་པའི་སྔགས་ལགས་ཏེ་མཚམས་དགུམ་པར་འཚལ་ན་སྔར་སྔགས་འདི་ཆབ་ལ་ལན་བདུན་བཏབ་སྟེ་ཕྱོགས་བཞིར་གཏོར་བར་བགྱིའོ། །ཡང་ན་ཡུངས་ཀར་རམ་ཐལ་བ་གཙང་མ་ལ་ལན་བདུན་སྔགས་ཀྱིས་བཏབ་སྟེ་ཕྱོགས་བཞིར་གཏོར་ན་སེམས
143b7 ཀྱིས་ཉེ་རིང་ཅི་ཙམ་དགུམ་པ་མཚམས་སུ་གྱུར་ན་ཡོངས་སུ་བསྲུང་བར་འགྱུར་ལགས་སོ། །དཀོན་མཆོག་གསུམ་ལ་གུས་པར་ཕྱག་འཚལ་ལོ། །འཕགས་པ་དེ་བཞིན་གཤེགས་པ་ཡེ་ཤེས་རྒྱ་མཚོ་རྣམ་པར་སྣང་མཛད་བཀོད་པའི་རྒྱལ་པོ་ལ་གུས་པར་ཕྱག་འཚལ་ལོ། །དེ
iiif viewer powered by OpenSeadragon
