| e-texts navigator |
| Wylie |
141b1 སྐད་བསྟན་པ་བཞིན་དུ་སྒྲུབ་པ་ལྟ་སྨོས་ཀྱང་ཅི་འཚལ་ལགས། གང་དག་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་དུ་མ་ལས་དགེ་བའི་རྩ་བ་སྐྲུན་པ་རྣམས་ཀྱིས་དེང་གདོད་རིག་སྔགས་འདི་ཐོས་པར་གྱུར་པ་ལགས་ན། ལེན་པ་དང་འཛིན་པ་དང་། ཇི་སྐད་བསྟན་པ་བཞིན་དུ་སྒྲུབ་པ་ལྟ་སྨོས་ཀྱང
141b2 ཅི་འཚལ་ལགས། གང་ལ་ལ་ཞིག་གིས་གདུགས་མཚན་དུ་རིག་སྔགས་འདི་ཀློག་པ་དང་། འདོན་པ་དང་། འཛིན་པར་བགྱིད་ན། བདག་གིས་དེ་དག་གི་སྨོན་པ་ཅི་མཆིས་པ་ཡིད་བཞིན་དུ་འགྲུབ་པར་བགྱིད་ལགས་སོ། །གང་ལ་ལ་ཞིག་གིས་ཟླ་བ་ཕྱེད་ཅིང་ཚེས་བཅུ
141b3 བཞིའམ་བཅོ་ལྔ་ལ་སྨྱུང་བ་བགྱིས་ཏེ། སྡོམ་པ་ཡང་དག་པར་བླངས་ནས་ཆོས་བཞིན་དུ་ཡོངས་སུ་དག་པར་བགྱིས་ཏེ། སེམས་རྩེ་གཅིག་ཏུ་བདག་རྗེས་སུ་དྲན་པར་བགྱིས་ནས་རིག་སྔགས་འདི་བཟླས་བརྗོད་བགྱིས་ན་བསྐལ་པ་བཞི་ཁྲིའི་འཁོར་བ་བསྙིལ་བར་འགྱུར་ལགས
141b4 སོ། །བཅོམ་ལྡན་འདས་བདག་ནི་རིག་སྔགས་འདིའི་དབང་གིས་མིང་བཙུན་ཞིང་ཐོས་པར་དཀའ་བར་འགྱུར་ལགས་ཏེ། གང་ལ་ལ་ཞིག་གིས་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་དུ་མའི་མཚན་ནས་བརྗོད་ཅིང་ཡིད་ལ་བསམས་པ་དང་། གཞན་ཡང་འགའ་ཞིག་གིས་སྐད
141b5 ཅིག་གཅིག་ཙམ་དུ་བསམ་པ་ཐག་པ་ནས། བདག་གི་མིང་ནས་བརྗོད་ཅིང་རྗེས་སུ་དྲན་པར་གྱུར་ན་དེ་གཉིས་ཀྱི་ཡོན་ཏན་མཉམ་ཞིང་མཚུངས་ལགས་སོ། །བདག་གི་མིང་ནས་བརྗོད་པ་དེ་དག་ཐམས་ཅད་ཀྱང་ཕྱིར་མི་ལྡོག་པའི་ས་འཐོབ་པར་འགྱུར། བྲོ་ནད་ཐམས་ཅད་དང་བྲལ་བར
141b6 འགྱུར། སྒྲིབ་པ་ཐམས་ཅད་དང་འཇིགས་པ་ཐམས་ཅད་ལས་ཐར་བར་འགྱུར། ལུས་དང་ངག་དང་ཡིད་ཀྱི་ནོངས་པ་ཞུ་བྱང་བར་འགྱུར་ན་བདག་གིས་བསྟན་པའི་རིག་སྔགས་འདི་ལེན་པ་དང་། འཛིན་པ་དང་། ཀློག་པ་དང་། འདོན་པ་དང་། ཅི་སྐད་བསྟན་པ་བཞིན་དུ
141b7 སྒྲུབ་པ་ལྟ་སྨོས་ཀྱང་ཅི་འཚལ་ལགས་ཏེ། གང་ཟག་དེ་དག་ནི་བླ་ན་མ་མཆིས་པའི་བྱང་ཆུབ་ལག་མཐིལ་ན་མཆིས་པ་བཞིན་དུ་ཁོང་དུ་ཆུད་ཅིང་ལེགས་པར་འགྱུར་བར་རིག་པར་བགྱི་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤྱན་རས་གཟིགས
iiif viewer powered by OpenSeadragon
