| e-texts navigator |
| Wylie |
141a1 བ་མ་སྤངས་པས་འགུམ་པའི་དུས་བགྱིད་པར་མི་འགྱུར་བ་དང་། འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་བ་དག་ལགས་སོ། །བཅོམ་ལྡན་འདས་བདག་གིས་མངོན་པར་དྲན་ལགས་ཏེ། འདི་ནས་བསྐལ་པ་གང་གཱའི་ཀླུང་བཅུའི་བྱེ་མ་སྙེད་དག་གི་སྔ་རོལ
141a2 གྱི་ཡང་ཆེས་སྔ་རོལ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མན་དཱ་ར་བའི་དྲི་བསུང་ཞེས་བགྱི་བ་འཇིག་རྟེན་དུ་བྱུང་སྟེ། དེའི་ཚེ་བདག་ཁྱིམ་བདག་ཆེན་པོ་ཞིག་ཏུ་གྱུར་བས། སངས་རྒྱས་དེ་ལ་རིག་སྔགས་འདི་མནོས་ལགས་ཏེ། རིག་སྔགས
141a3 འདི་ཐོབ་མ་ཐག་ཏུ་བསྐལ་པ་བཞི་ཁྲིའི་འཁོར་བ་བསྙིལ་ལགས་སོ། །རིག་སྔགས་འདི་ཀློག་པ་དང་། འཛིན་པ་དག་གིས་གཞན་ཡང་སངས་རྒྱས་རྣམས་ཀྱི་ཐུགས་རྗེ་ཆེན་པོའི་ཡེ་ཤེས་ཀྱི་སྙིང་པོ་དང་། བྱང་ཆུབ་སེམས་དཔའ་ཐམས་ཅད་ཀྱི་རྣམ་པར་ཐར་བའི་ཆོས་ཀྱི་སྒོ་ཐོབ་པར་འགྱུར་ཏེ།
141a4 དེའི་མཐུ་སྟོབས་ཀྱི་དབང་གིས་གང་དག་བཙོན་ར་དམ་པོར་ཆུད་པ་དང་། བཙོན་ཆར་སྩལ་བ་དང་། དགུམ་པ་ལ་ཐུགས་པ་དང་། ཆབ་དང་། ཞུགས་དང་། རླུང་དང་ཆོམ་རྐུན་དང་། དུག་དང་བྱད་སྟེམས་དང་མི་དང་། མི་མ་ལགས་པ་ལ་སོགས་པའི་སྡུག་བསྔལ་རྣམ་པ་སྣ
141a5 ཚོགས་ཀྱི་བགེགས་ཐམས་ཅད་ལས་ཡོངས་སུ་སྐྱོབ་པར་བགྱིད་པ་ལགས་སོ། །བདག་ནི་འདིའི་དབང་གིས་སེམས་ཅན་ཐམས་ཅད་ཀྱི་གནས་དང་སྐྱབས་དང་། ཡོངས་སུ་སྐྱོབ་པ་དང་། ཡོངས་སུ་བསྲུང་བ་དང་། དབུགས་འབྱིན་པ་དང་། གླིང་དང་ཁང་ཁྱིམ་དུ་གྱུར་པ་ལགས
141a6 སོ། །རིག་སྔགས་འདིའི་མཐུས་གནོད་སྦྱིན་དང་། སྲིན་པོ་མ་རུངས་པ་ལ་སོགས་པ་ཐམས་ཅད་ཡོངས་སུ་བསྡུས་ཤིང་བཟུང་ནས་སྔར་བྱམས་པའི་སེམས་དང་སྙིང་རྗེའི་སེམས་བསྐྱེད་དུ་སྩལ་ནས། དེའི་རྗེས་ལ་བླ་ན་མ་མཆིས་པ་ཡང་དག་པར་རྫོགས་པའི་བྱང་ཆུབ་ལ་དགོད་པར
141a7 བགྱིས་ལགས་སོ། །བཅོམ་ལྡན་འདས་བདག་གི་རིག་སྔགས་འདིའི་གཟི་བྱིན་ཆེན་པོའི་མཐུ་དང་ལྡན་པས། གང་ལ་ལ་ཞིག་གིས་ལན་ཅིག་ཙམ་བཟླས་བརྗོད་བགྱིས་པ་ན་ཡང་རྩ་བའི་ལྟུང་བ་བཞི་དང་། མཚམས་མ་མཆིས་པ་ལྔ་མ་ལུས་པར་ཡོངས་སུ་འབྱང་བར་འགྱུར་ན། ཇི
iiif viewer powered by OpenSeadragon
