| e-texts navigator |
| Wylie |
140b1 པ་ཡང་དག་པར་རྫོགས་པའི་སངས་རྒྱས་པདྨ་བརྒྱའི་སྤྱན་ཐོགས་པ་མི་མངའ་བའི་གཙུག་ཏོར་ཡོན་ཏན་རབ་ཏུ་རྒྱས་པའི་འོད་ཟེར་གྱི་རྒྱལ་པོ་ཞེས་བགྱི་བ་འཇིག་རྟེན་དུ་བྱུང་སྟེ། བདག་དེའི་ཚེ་དྲང་སྲོང་དུ་གྱུར་པས་བཅོམ་ལྡན་འདས་དེ་ལས་རིག་སྔགས་འདི་མནོས་ལགས་ཏེ། རིག
140b2 སྔགས་འདི་ཐོབ་པའི་ཚེ་ཕྱོགས་བཅུའི་སངས་རྒྱས་རྣམས་ཀྱང་མཐོང་བར་གྱུར། མི་སྐྱེ་བའི་ཆོས་ཀྱི་བཟོད་པ་ཡང་ཐོབ་པར་གྱུར་པས་རིག་སྔགས་འདི་མཐུ་ཆེན་པོ་དང་ལྡན་པར་རིག་པར་བགྱི་ལགས་སོ། །དེ་ལྟ་བས་ན་ཡོངས་སུ་དད་པ་དང་ལྡན་པའི་རིགས་ཀྱི་བུའམ་རིགས་ཀྱི
140b3 བུ་མོ་ལ་སོགས་པ་དག་གིས་རིག་སྔགས་འདི་ལེན་པ་དང་། འཛིན་པ་དང་། ཀློག་པ་དང་། འདོན་པར་འཚལ་ན། གུས་པས་སེམས་རྩེ་གཅིག་ཏུ་དྲན་པས་བཅངས་ཏེ། རྟག་པར་ནང་པར་ལངས་ནས་ཆོས་བཞིན་དུ་ཡོངས་སུ་དག་པར་བགྱིས་ཏེ། རིག་སྔགས་འདི་ལན
140b4 བརྒྱ་རྩ་བརྒྱད་བཟླས་བརྗོད་བགྱིས་ན་ཚེ་འདི་ཉིད་ལ་ཕན་ཡོན་རྣམ་པ་བཅུ་ཐོབ་པར་འགྱུར་བ་ལགས་སོ། །བཅུ་གང་ཞེ་ན། རྟག་པར་ལུས་ལ་བྲོ་ནད་མ་མཆིས་པར་འགྱུར་བ་དང་། རྟག་པར་ཕྱོགས་བཅུའི་སངས་རྒྱས་རྣམས་ཀྱིས་ཡོངས་སུ་གཟུང་བར་འགྱུར་བ་དང་། ནོར
140b5 དང་། རིན་པོ་ཆེ་དང་གོས་དང་། ཟས་བས་པ་མ་མཆིས་པ་དག་ལ་ལོངས་སྤྱོད་པར་འགྱུར་བ་དང་། དགྲ་ཐམས་ཅད་ཐུལ་ཅིང་འཇིགས་པ་མ་མཆིས་པར་འགྱུར་བ་དང་། ཡ་རབས་བཙུན་པ་རྣམས་ཀྱིས་བཀུར་ཞིང་གསོང་པོར་སྨྲ་བར་འགྱུར་བ་དང་། དུག་དང་འདྲེ་གདོན
140b6 གྱིས་མི་ཚུགས་ཤིང་གནོད་པ་བགྱིད་པར་མི་འགྱུར་བ་དང་། མཚོན་ཆ་དང་། དབྱིག་པ་ཐམས་ཅད་ཀྱིས་གནོད་པ་བགྱིད་པར་མི་འགྱུར་བ་དང་། ཆབ་ཀྱིས་འགུམ་པའི་དུས་བགྱིད་པར་མི་འགྱུར་བ་དང་། ཞུགས་ཀྱིས་འགུམ་པའི་དུས་བགྱིད་པར་མི་འགྱུར་བ་དང་། དུས་མ
140b7 ལགས་པར་འགུམ་པའི་དུས་བགྱིད་པར་མི་འགྱུར་བ་དག་ལགས་སོ། །གཞན་ཡང་ཡོན་ཏན་གྱི་སྨན་ཡོན་རྣམ་པ་བཞི་ཐོབ་པར་འགྱུར་ཏེ། འགུམ་པའི་དུས་ཀྱི་ཚེ་སངས་རྒྱས་རྣམས་མཐོང་བར་འགྱུར་བ་དང་། ནམ་ཡང་ངན་འགྲོ་རྣམས་སུ་ལྟུང་བར་མི་འགྱུར་བ་དང་། ཡ་ང
iiif viewer powered by OpenSeadragon
