| e-texts navigator |
| Wylie |
7a1 དགོད་པའི་སྒྲ། །འཇིག་རྟེན་སྐྲག་པར་བྱེད་པར་འབྱིན། །རྟག་ཏུ་འདོད་པའི་གཟུགས་དང་ལྡན། །ཁྲོ་བོ་བཞིན་དུ་དེ་སྤྱོད་འགྱུར། །དེ་བཞིན་དུ་བ་བྱུང་ན་ཡང་། །གདོན་མི་ཟ་བར་མི་སྣང་བའི། །མཆོག་ཏུ་འགྱུར་བར་རབ་ཏུ་བཤད། །སྒྲུབ་པ་དེ་ཡི་གོས་དེ་ནི། །དེ
7a2 བཞིན་ཚ་བར་གྱུར་ན་ཡང་། །རྐང་པ་མགྱོགས་ཤིང་སྟོབས་ཆེར་འགྱུར། །ས་སྟེང་རྣམས་སུ་ཁྱབ་པར་འགྲོ། །ནད་མེད་ལོ་བརྒྱ་འཚོ་བར་འགྱུར། །དེ་སྟེ་གྲུབ་པར་མ་གྱུར་ནའང་། །འགྲོ་བ་མ་ལུས་དབང་དུ་འགྱུར། །གང་རྣམས་མཐོང་ཞིང་དེ་བཞིན་ཏེ། །མཐོང་བ་དེ་དག་བྲན
7a3 བཞིན་འགྱུར། །གལ་ཏེ་འདི་དག་གནོད་སྦྱིན་མོ། །མི་ཡིས་སྒྲུབ་པར་འདོད་ན་ནི། །བ་ཏི་ཤིང་དྲུང་ཉམས་དགའ་བ། །དེ་ཚེ་དཀྱིལ་འཁོར་བྲིས་ནས་སུ། །སྐྲ་བཤིག་གོས་ཀྱང་མེད་བྱས་ལ། །ཟས་མཆོག་ལེགས་པར་བཙོས་པ་ཡིས། །ལྷུང་བཟེད་བཟང་པོ་ཡོངས་བཀང
7a4 ནས། །མར་གྱི་ང་ཡི་མཚན་མོ་བསྒྲུབ། །དེ་ནས་ཆང་བུ་བདུན་ཕྱུང་སྟེ། །སྔགས་ཀྱི་ལན་བདུན་བཏབ་ནས་སུ། །ལྷ་ཡི་བཟང་པོ་འདི་བཞེས་ཤིག་།བྱས་ནས་དེ་ཡི་རྒྱབ་ཏུ་དོར། །དེ་ནས་གཞན་ཡང་ཆང་བུ་བདུན། །སྔགས་ཀྱིས་བཏབ་སྟེ་བཟའ་བར་བྱ། །ལྷ་ཡི་བཟང་མོ་ཞེས
7a5 བྱ་བ། །གྲུབ་པ་གནོད་སྦྱིན་ཀུན་གྱི་རྗེ། །འཁོར་རྣམས་མང་པོས་ཀུན་བསྐོར་ནས། །དེ་ནས་དེ་ཡི་འོད་འབར་འགྱུར། །དེ་ནས་ཁ་བཀྲུས་དེ་ལ་ནི། །སྤོས་དང་མེ་ཏོག་མཆོག་ལྡན་པའི། །མཆོད་ཡོན་ཆུ་ནི་དབུལ་བར་བྱ། །ལེགས་འོངས་མེ་ཏོག་དག་ཀྱང་དབུལ། །དེ་ནས་སྟན
7a6 བཟང་ཉམས་དགའ་བར། །མེ་ཏོག་ལྡན་པ་ཕུལ་ན་ནི། །ད་ནི་ཁྱོད་ཀྱི་བདག་གྲུབ་སྟེ། །བཀའ་བཞིན་བྱེད་ཅིང་དེ་བཞིན་དུ། །གཞན་དུ་མི་འགྱུར་བཀའ་ཉན་གྱིས། །བཀའ་སྩོལ་ཅིག་ཅེས་དེ་ལ་སྨྲ། །མའམ་ཡང་ན་སྲིང་མོའམ། །མཛའ་མོའམ་ཡང་ན་ཆུང་མར་འགྱུར། །མར
7a7 བརྗོད་པས་ནི་ངེས་པར་ཡང་། །དེ་ཡི་ལྡོང་རོས་ལ་སོགས་པ། །གྲུབ་པའི་རྫས་ནི་མང་པོ་དག་།གདོན་མི་ཟ་བར་དེ་ལ་སྟེར། །སྲིང་མོས་མེ་ཏོག་འབྲས་བུ་དང་། །བདུད་རྩི་མཆོག་དང་གསེར་འགྱུར་རྩི། །རྟག་ཏུ་སྒྲུབ་པ་པོ་དེ་ལ། །གདོན་མི་ཟ་བར་སྟེར་བར་འགྱུར། །མཛའ
iiif viewer powered by OpenSeadragon
