| e-texts navigator |
| Wylie |
6b1 ཅི་བཞིན་པ། །དགོས་པ་ཐམས་ཅད་འགྲུབ་པའི་ཕྱིར། །དམ་པ་འདི་ནི་བཤད་པར་བྱ། །ཞག་གསུམ་སྨྱུང་བར་འདུག་ནས་སུ། །དུར་ཁྲོད་དག་ཏུ་དཀྱིལ་འཁོར་བྲི། །དེ་ནས་ཆོ་ག་སྔ་མ་བཞིན། །དེར་ནི་གཏོར་མའི་ལས་བྱའོ། །དེ་ནས་མི་རོ་བསྲེགས་པ་ཡི། །ཐལ་བས
6b2 བདག་ཉིད་བསྲུང་བར་བྱ། །དེ་ཡིས་བདག་ཉིད་བྱུགས་ནས་སུ། །གྲོགས་པོའི་མཆོག་ལྡན་དགའ་བ་དེས། །དེ་ཡིས་བདག་ཉིད་བྱུགས་ནས་སུ། །ཉྫ་ན་ཡི་སྙིང་པོ་དེ། །གསལ་ཤིང་གིས་བསད་མགོ་ལ་གཞག་།ཤི་བའི་གོས་ཀྱིས་གཡོགས་ནས་སུ། །ལག་པས་བཟུང
6b3 སྟེ་བཟླས་བྱས་ཏེ། །དངོས་གྲུབ་རྣམ་གསུམ་འབྱུང་བའི་བར། །བློ་ཅན་གྱིས་ནི་དེ་སྲིད་བཟླས། །ཚ་འམ་ཡང་ན་དུ་བ་འབྱུང་། །ཡང་ན་མེ་བཞིན་འབར་བར་འགྱུར། །དེ་ཡི་མིག་དག་བསྐུས་ན་ནི། །འབར་བས་ནམ་མཁར་འགྲོ་བར་འགྱུར། །དུ་བས་ལུས་ནི་མི་སྣང་བར། །
6b4 གདོན་མི་ཟ་བར་འགྱུར་བར་བཤད། །ཚ་བར་གྱུར་ན་བལྟས་པ་ཡི། །འགྲོ་བ་དག་ནི་གསོད་པར་འགྱུར། །སླར་ཡང་ལེགས་པར་གསོ་བ་ནི། །རིང་པོར་མི་ཐོགས་གདོན་མི་ཟ། །འདི་ལ་སྒྲུབ་པར་མ་གྱུར་ནའང་། །མིག་དག་ལེགས་པར་བསྐུས་ན་ནི། །བལྟས་པས
6b5 འགྲོ་བ་དབང་དུ་འགྱུར། །པུས་མོས་བཙུགས་ཤིང་མགོ་བོས་འདུད། །ཉྫ་ན་ཡི་ཆོ་ག་བཞིན། །མཁས་པས་གི་ཝང་བསྒྲུབ་པར་བྱ། །དངོས་གྲུབ་དག་ཀྱང་དེ་བཞིན་བསྟན། །མ་གྲུབ་འགྲོ་བར་དབང་དུ་འགྱུར། །ལི་ཁྲི་དང་ནི་བ་བླ་དང་། །ལྡོང་རོས་དག་ཀྱང་དེ་བཞིན
6b6 ཏེ། །ཉྫ་ན་ཡི་དཔྱད་བཞིན་དུ། །མཁས་པ་དག་གིས་བསྒྲུབ་པར་བྱ། །ཤི་བའི་གོས་ཀྱང་ཆོ་ག་བཞིན། །བསྒྲུབ་པ་གཞན་དག་དེ་བཞིན་དུ། །ཁྲོ་བོ་ཉིད་ཀྱིས་གསུངས་པའི་སྔགས། །མདོར་བསྡུས་རབ་ཏུ་བཤད་པར་བྱ། །དུར་ཁྲོད་དག་ཏུ་དཀྱིལ་འཁོར་བྲི། །མཆོད
6b7 པ་དང་ནི་གཏོར་མ་བྱ། །ཤི་བའི་གོས་དེ་བགོས་ནས་ནི། །ཆོ་ག་ཤེས་པས་མཚན་མོ་བཟླས། །དེ་ནས་གོས་དེ་དང་བཅས་པར། །མཚན་མོ་རབ་ཏུ་འབར་འགྱུར་ན། །འབར་ཞིང་འབར་བས་ཡོངས་བསྐོར་ནས། །ནམ་མཁའ་དག་ལ་ལེགས་པར་འཕར། །གད་མོ་རབ་ཏུ
iiif viewer powered by OpenSeadragon
