| e-texts navigator |
| Wylie |
6a1 དུ་གནས་པར་འགྱུར། །ཡང་ན་མཁས་པས་དུར་ཁྲོད་དུ། །མང་པོ་ཞེས་བྱ་བའི། །དཀྱིལ་འཁོར་དེ་ནས་བྲིས་ནས་སུ། །མཆོད་པ་ཇི་སྐད་གསུངས་པ་བྱ། །སྐྱེས་པ་བུད་མེད་ཤི་བ་ཡི། །རྨ་མེད་པ་ཡི་རོ་བླངས་ནས། །ལེགས་པར་ཁྲུས་བྱས
6a2 རྒྱན་གྱིས་བརྒྱན། །དཀྱིལ་འཁོར་དེ་ཡི་སྒོར་བཞག་སྟེ། །དེ་ཡི་སྙིང་གར་དེ་འདུག་ནས། །སྟོང་རྩ་བརྒྱད་དུ་བཟླས་པར་བྱ། །ཁྲོ་བོ་མཆོག་ཏུ་གྱུར་བའི་སྔགས། །ཡི་གེ་བཅུ་བདུན་སྟོང་རྩ་བརྒྱད། །དེ་བཟླས་ནས་ནི་དངོས་གྲུབ་ཐོབ། །མི་རོ་དེ་ནས་ལྡང་བར་འགྱུར། །
6a3 མཆོད་ཡོན་ལེགས་པར་དབུལ་བར་བྱ། །དེ་ཡི་མགོ་ལ་ལག་གཡོན་གྱིས། །དེ་མ་ཐག་དུ་རེག་བྱས་ན། །ལྡོང་རོས་མེ་ཡི་མདོག་འདྲ་བ། །དེ་བས་བདག་ཉིད་ཅན་དེ་ཡི། །ཁ་ནས་མྱུར་དུ་འབྱུང་བར་འགྱུར། །སྒྲུབ་པ་པོ་ཡིས་དེ་བླངས་ཏེ། །ཡན་ལག་ཐམས་ཅད་བསྐུས
6a4 ནས་ནི། །བཙོ་མའི་གསེར་གྱི་མདོག་ཏུ་འགྱུར། །གྲོགས་རྣམས་ལ་ཡང་དེ་བཞིན་སྦྱིན། །དེ་མ་ཐག་ཏུ་དེ་དག་ཀུན། །བཙོ་མ་གསེར་གྱི་མདོག་ཏུ་འགྱུར། །ཅི་ལྟར་འདོད་པའི་གཟུགས་ཅན་འགྱུར། །རིག་འཛིན་རྣམས་ནི་ཐམས་ཅད་ཀྱི། །ཐོག་མར་འགྲོ་བ་དེ
6a5 དག་འགྱུར། །རྫས་རྣམས་ཐམས་ཅད་གྲུབ་པར་ནི། །གྲུབ་ན་དེ་ལ་དེ་ནས་ཡང་། །དཀོན་མཆོག་གསུམ་ལ་ཆ་གཅིག་དབུལ། །དེ་ནས་མཁས་པས་བདག་ཉིད་བཀུར། །གྲོགས་པོ་རྣམས་ནི་ཐམས་ཅད་ལའང་། །བྱིན་ནས་འདི་ནས་ནམ་མཁར་འཕུར། །རྫས་གཅིག
6a6 གྲུབ་པར་གྱུར་པ་ལ། །ཆོ་ག་གཞན་ཡང་སྤྱད་བྱ་སྟེ། །རྫས་གཅིག་གྲུབ་པར་གྱུར་ན་ནི། །ཐོག་མར་ཕྱག་ཀྱང་བྱས་ནས་སུ། །དཀོན་མཆོག་གསུམ་ལ་ཆོ་ག་བཞིན། །བདག་ཉིད་རབ་ཏུ་དབུལ་བར་བྱ། །དེ་ཡི་འོག་ཏུ་རྫས་དེ་བླངས། །གྲོགས་པོ་རྣམས་ལ་རིམ་བཞིན་དུ། །
6a7 རྫས་དེ་བྱིན་ནས་འཕུར་བར་འགྱུར། །ཕྱི་ནས་ཆོ་ག་འདི་རྣམས་སྤྱད། །དེ་ལྟར་མ་བྱས་གྲུབ་ན་ཡང་། །དེ་ཡི་རྫས་ནི་འཕྲོག་པར་འགྱུར། །དེ་བས་དངོས་གྲུབ་མཆོག་རྣམས་ལ། །ཀུན་ཏུ་ཅི་སྲིད་བཤད་བཞིན་བྱ། །དེ་ནས་གཞན་ཡང་ཨཉྫ་ན། །བཟའ་བ་སྒྲུབ་པ
iiif viewer powered by OpenSeadragon
