| e-texts navigator |
| Wylie |
69b1 བྱའོ། །ན་མོ་རཏྣ་ཏྲ་ཡཱ་ཡ། ན་མ་ཤྩཎྜ་བཛྲ་པཱ་ཎ་ཡེ། ན་མོ་བཛྲ་ཀྲོདྷཱ་ཡ། དཾ་ཥྚོདྐ་ཊ་བྷཻ་ར་ཝཱ་ཡ། ཨ་སི་མུ་ས་ལ་པ་ར་ཤུ་པཱ་ཤ་ཧ་སྟཱ་ཡ། ཏདྱ་ཐཱ། ཨོཾ་ཨ་མྲྀ་ཏ་ཀུཎྜ་ལི། ཁ་ཁ་ཁཱ་ཧི་ཁཱ་ཧི། ཏིཥྛ་ཏིཥྛ། བནྡྷ་བནྡྷ། ཧ་ན་ཧ་ན། གྲྀཧྞ་གྲྀཧྞ། གརྫ་གརྫ། བི་སྥོ་ཊ་ཡ། བི་སྥོ་ཊ་ཡ།
69b2 སརྦ་བིགྷ་ནཾ་བི་ནཱ་ཡ་ཀཱ་ནཱཾ་མ་ཧཱ་ག་ཎ་པ་ཏི་ཛཱི་བི་ཏ་ཨནྟ་ཀ་ར་ཎ་སྭཱ་ཧཱ། ཞེས་བྱ་བ་བརྗོད་དོ། །ལག་པ་གཉིས་ཁུ་ཚུར་བཅངས་ལ་ཁ་ནང་དུ་བསྟན་ཏེ། མཛུབ་མོ་བསྒྲེང་ལ་བྲང་དུ་བསྣོལ་ལ་ཕྱག་རྒྱ་བཅིངས་ཏེ། གཏོར་མ་བཏང་ཞིང་འཆག་པའི་དུས་སུ་ཡང་དེ་བཞིན་ནོ། །ཉེ་རེག་བྱ་བ་དང་།
69b3 ཁྲུས་བྱ་བ་ནི་རིན་པོ་ཆེའི་བུམ་པར་དྲི་ཞིམ་པོའི་ཆུ་ལ། ན་མཿ་ས་མནྟ་བཛྲཱ་ཎཱཾ། ཨ་ཙ་ལ་ཀ་ན་ཡ་ཨ་མྲྀ་ཏ་ཞེས་ལན་བདུན་བདུན་བཏབ་སྟེ། ལག་པ་གཡོན་པས་བུམ་པ་བཟུང་ནས་གཡས་པའི་གུང་མོ་དང་སྲིན་ལག་ཅུང་ཟད་ཙམ་བཀུག་ལ། རི་མོ་ཅན་གྱི་ནང་དུ་ཨ་བསམས་ལ
69b4 ཆུ་བླུགས་ཏེ། ཨོཾ་ཤུདྡྷ་དུན་ཏེ་ཤོ་དྷ་ན་ཡེ་སྭཱ་ཧཱ། ཞེས་བྱ་བས་ཁྲུས་བྱའོ། །དེ་སྐད་ཅེས་བཅོམ་ལྡན་འདས་ཀྱིས་གསུངས་ཏེ། བྱང་ཆུབ་སེམས་དཔའ་བྱམས་པ་ལའོ། །དེ་ནས་རྒྱལ་པོ་ཆེན་པོ་བཞི་འཁོར་དང་བཅས་པ་དང་། སུམ་ཅུ་རྩ་གསུམ་གྱི་ལྷ་དང་། འཐབ་བྲལ
69b5 དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་ཀྱིས་མེ་ཏོག་དང་། རྔ་དང་། བདུག་སྤོས་དང་། ལྷའི་ཞལ་ཟས་དང་། ལྷའི་བུ་ཕོ་དང་། བུ་མོ་དག་རིན་པོ་ཆེའི་རྒྱན་དང་བཅས་པས་ཤིང་རྟ་དཔག་ཏུ་མེད་པ་དང་། མཆོད་པའི་ཡོ་བྱད་དཔག་ཏུ
69b6 མེད་པ་དག་གིས་བཅོམ་ལྡན་འདས་ལ་མཆོད་པ་དང་བསྐོར་བ་རྒྱ་ཆེན་པོ་དག་བྱས་ཏེ་བྱང་ཆུབ་སེམས་དཔའ་བྱམས་པ་དང་ཐབས་ཅིག་ཏུ་འདུག་གོ། །དེ་ནས་བྱང་ཆུབ་སེམས་དཔའ་བྱམས་པ་སྤྲོ་བ་དང་ལྡན་པས་བཅོམ་ལྡན་འདས་ལ་བལྟའོ། །བཅོམ་ལྡན་འདས་ཀྱིས་བྱམས་པའི་བསམ་པ
69b7 མཁྱེན་ནས་བསམ་གཏན་དང་པོ་ལ་མཉམ་པར་བཞག་སྟེ། འདོད་པའི་བདེ་བ་སྤངས་ཏེ་དགའ་བར་རྟོག་པ་ཙམ་མོ། །དེ་ནས་བསམ་གཏན་དང་པོ་ནས་གཉིས་པ་ལ་མཉམ་པར་བཞག་སྟེ། རྩེ་གཅིག་པའི་རྟོག་སྤྱོད་སྤངས་ཏེ་དགའ་བདེ་ཙམ་མོ། །བསམ་གཏན་གཉིས་པ་ནས
iiif viewer powered by OpenSeadragon
