| e-texts navigator |
| Wylie |
69a1 གཡས་ནས་བསྐོར་ལ་བགེགས་བསྐྲད་དོ། །དེ་ནས་བཅོམ་ལྡན་འདས་ཀྱིས་རྣམ་པར་དག་པའི་ཏིང་ངེ་འཛིན་གྱིས་སྲུང་བ་གསུངས་པ་ནི། དམར་པོའི་ཡི་གེ་ར~ཾ་སྤྱི་བོར་བསམ་སྟེ། རྣམ་པར་དག་པའི་ཡི་གེ་འདིས་བརྟན་པར་བྱས་ནས། རྡོ་རྗེ་དང་རལ་གྲིས་ལུས
69a2 མེ་འོད་དང་བཅས་པར་བསྒོམས་ཏེ། ན་མཿས་མཏྣ་བཛྲཱ་ཎཱཾ། ཨ་ཙ་ལ་ཀ་ན་ཙཎྜ་མ་ཧཱ་རོ་ཥ་ཎ་ཀ་ཏེ་བྷྱཿ། སརྦ་བི་ག་ཏེ་བྷྱོ། བི་ཤྭ་མུ་ཁེ་བྷྱཿ། སརྦ་ཏ་ཐཱ་ག་ཏ་ཧཱཾ་མཱཾ་རཀྵ། ཞེས་བརྗོད་དེ་ཕྱག་རྒྱ་ནི་རྡོ་རྗེ་ཐལ་མོ་སྦྱར་ཏེ། མཛུབ་མོ་གཉིས་གུང་མོའི་རྒྱབ་ཏུ་སྦྱར་ཏེ་སྨིན་མཚམས་སུ་བཅའ
69a3 བར་བྱའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་ཀྱི་སེམས་རིག་པ་ཆེན་པོའི་སྲུང་བ་གསུངས་པ་ནི། ཧཱུ~ཾ་དང་གཞིའི་རྣམ་པས་བལྟས་ཏེ། ན་མཿས་མནྟ་བཛྲཱ་ཎཱཾ། ཨ་ཙ་ལ་ཀ་ན་ཙཎྜ་མ་ཧཱ་རོ་ཥ་ཎ་ཀ་ཏེ་བྷྱཿ། སརྦ་བི་ག་ཏེ་བྷྱོ། བི་ཤྭ་མུ་ཁེ་བྷྱཿ། སརྦ་ཏ་ཐཱ་ག་ཏ་ཧཱཾ་མཱཾ་རཀྵ་མ་ཧཱ
69a4 བ་ལེ། སརྦ་ཏ་ཐཱ་ག་ཏ་པྲ་མེ་ནི་ར་གརྫ་ཧཱུ~ཾ་ཧཱུ~ཾ་ཕཊ་ཏྲ་ཐ་ཏྲ་ཐ། ཨ་པྲ་ཏི་ཧ་ཏེ་སྭཱ་ཧཱ། ཞེས་བརྗོད་དེ་ཕྱག་རྒྱ་ནི་རྡོ་རྗེའི་ཐལ་མོ་སྦྱར་ལ་མཛུབ་མོ་གཉིས་ནང་དུ་བཀུག་ལ་གུང་མོ་རྩེ་སྤྲད་དེ། སྲིན་ལག་གཉིས་བརྐྱང་ནས་མཐེའུ་ཆུང་གཉིས་ཅུང་ཞིག་བཀུག་ལ་སྙིང་ཁར་བཅས་ཏེ་སྲུང་བ་ནི
69a5 ཡུམ་གྱི་སྟེ། བགེགས་དང་ལོག་འདྲེན་དང་མ་རུངས་པ་ཐམས་ཅད་དྲན་པ་ཙམ་གྱིས་འབྱེར་པར་འགྱུར་རོ། །དེ་ནས་བཅོམ་ལྡན་འདས་ཀྱིས་བྱམས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། ཁ་ཟས་བྱེ་བྲག་བཟའ་བ་དང་། བཅའ་བ་དང་། གཞིབ་པ་དང་། བཏུང
69a6 བ་དང་། བལྡག་པ་ལ་སོགས་པ་དང་། གཟུགས་དང་། སྒྲ་དང་། དྲི་དང་། རོའི་བྱེ་བྲག་ལ་བྱིན་གྱིས་བརླབ་པ་མཛད་དེ། ཨོཾ་སརྦ་དྷརྨ་ཏཱ་སི་ཏ་ཧཱུ~ཾ་ཞེས་བྱས་པས་དག་པར་བྱས་ཏེ། ཨོཾ་ཨ་མྲྀ་ཏ་ཨོཾ་ཧཱུ~ཾ་ཧྲཱིཿ། ཞེས་བྱ་བས་ནི་འདོད་པའི་དོན་དུའོ། །ོཾ་ན་མཿསརྦ
69a7 ཏ་ཐཱ་ག་ཏ་ཨ་བ་ལོ་ཀི་ཏེ། སཾ་བྷ་ར་སཾ་བྷ་ར་ཧཱུཾ་ཞེས་བྱ་བས་ལན་བདུན་བདུན་བཏབ་སྟེ་བསྔོས་པས་ཚིམ་པར་འགྱུར་རོ། །ཕྱག་རྒྱ་ནི་མཆོག་སྦྱིན་གྱི་ཕྱག་རྒྱའོ། །དེ་ནས་ཡང་བཅོམ་ལྡན་འདས་ཀྱིས་གསུངས་པ། ལྡང་བར་འདོད་ན་སྔགས་འདི་བརྗོད་པར
iiif viewer powered by OpenSeadragon
