| e-texts navigator |
| Wylie |
68b1 བ་བྱུང་སྟེ། འདོད་པ་དང་། གཟུགས་དང་། གཟུགས་མེད་པ་ལ་ཐུག་པ་མེ་ལྕེ་འབར་བ་གཅིག་ཏུ་གྱུར་ཏོ། །དེའི་ཚེ་ཉི་མ་དང་ཟླ་བ་ལ་སོགས་པའི་འོད་ཀྱང་ལྷམ་མེ་དང་། ལྷན་ནེ་དང་། ལྷང་ངེ་མ་ཡིན་ཏེ། ལྷ་རྣམས་ཀྱི་འོད་ཀྱང་ལྷམ་མེ་དང་། ལྷན་ནེ་དང་། ལྷང་ངེ་མ་ཡིན་ནོ། །ཀླུ་དང་།
68b2 གནོད་སྦྱིན་དང་། ཤ་ཟ་ལ་སོགས་པ་རྣམས་ནི་རླུང་དྲག་པོས་བདས་པའི་ཤིང་བཞིན་ནོ། །དེ་ནས་བཅོམ་ལྡན་འདས་ཀྱིས་ཆོས་ཀྱི་དབྱིངས་རྣམ་པར་མི་རྟོག་པ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་སྟེ། མཉམ་པའི་ཕྱག་རྒྱ་བཤིག་ནས་ཞབས་ཀྱི་པུས་མོ་ས་ལ་བརྡབས་པས་ཐུགས་ཀྱི
68b3 བདག་ཉིད་ཀྱི་བརྟན་པའི་སྐུ་ཅན་གྱི་ཁྲོ་བོ་ཞབས་བརྐྱང་བསྐུམ་དུ་བཞུགས་པ་དག་བྱུང་སྟེ། ཐབས་ལས་བྱུང་བའི་ཁྲོ་བོའི་སྤྲུལ་པ་དཔག་ཏུ་མེད་པ་དང་བཅས་ནས་ནམ་མཁའ་མ་ལུས་པ་འོད་ཀྱིས་འགེངས་པའོ། །འོད་ཀྱི་དཀྱིལ་འཁོར་དག་ན་བཞུགས་པ་ཚངས་པ་དང་། ཁྱབ་འཇུག་དང་། དབང
68b4 ཕྱུག་ཆེན་པོ་དང་། དྲག་པོ་ཆེན་པོ་བཞི་པོ་དག་ཧ་ཧཱུ~ཾ་ཧྲིཿཞེས་བྱ་བས་སྐྲག་པར་བྱེད་པ། འདོད་ཆགས་དང་། ཞེ་སྡང་དང་། གཏི་མུག་དང་། སེར་སྣ་དག་འཇོམས་པ། ཀླུ་དང་། གནོད་སྦྱིན་དང་། ཤ་ཟ་ལ་སོགས་པ་ཧཾ་མཾ་ཞེས་བརྗོད་པས་སྐྲག་པར་མཛད་པ་དག་སྤྲུལ་ཏོ། །གསུང
68b5 གི་བདག་ཉིད་ཀྱི་བརྟན་པའི་སྐུ་ཅན་ཞབས་ཕྱེད་ས་ལ་པུས་མོ་དང་མཐེ་བོ་བཙུགས་པ། ཞབས་གཅིག་ལངས་ཏེ་པུས་མོ་བཙུགས་པས་བཞུགས་པའི་ཁྲོ་བོ་བརྟན་པའི་སྐུ་ཅན། ཤེས་རབ་ཀྱི་བདག་ཉིད་རལ་གྲི་མེ་འོད་དང་བཅས་པས་འོད་ཀྱིས་འགེངས་པ་དག་སྤྲུལ་ཏོ། །དེའི་ཚེ་བཅོམ་ལྡན
68b6 འདས་ཀྱིས་བྱིན་གྱིས་བརླབས་པ་ལས་བྱུང་བའི་ཁྲོ་བོ་དག་གི་སྔགས་སྨྲས་པ། ན་མཿ་ས་མནྟ་བཛྲཱ་ཎཱཾ། ཨ་ཙ་ལ་ཀ་ན་ཙཎྜ་མ་ཧཱ་རོ་ཥ་ཎ་སྥོ་ཊ་ཡ་ཧཱུ~ཾ་བཛྲ་དྷྲྀཀ་ཁཌྒ། ཧཱུ~ཾ་མཾ་ཧཱུ~ཾ་མཾ་ཞེས་བརྗོད་དེ། ཕྱག་རྒྱ་ནི་ལག་པ་གཡས་པ་ཁུ་ཚུར་བཅངས་ཏེ། སྲིན་ལག་དང་མཐེའུ་ཆུང་གཉིས་བསྒྲེང
68b7 བ་ནི་རལ་གྲིའི་ཕྱག་རྒྱ་སྟེ། གཡས་སྐོར་དུ་མཚམས་བཅད་དོ། །ན་མཿས་མཏྣ་བཛྲཱ་ཎཱཾ། ཨ་ཙ་ལ་ཀ་ན་ཙཎྜ་མ་ཧཱ་རོ་ཥ་ཎ། སྥོ་ཊ་ཡ་ཧཱུ~ཾ། ཨ་མྲྀ་ཏ་ཧཱུ~ཾ་ཧཱུ~ཾ་ཞེས་བརྗོད་དོ། །ཕྱག་རྒྱ་ནི་ལག་པ་སོར་མོ་རྣམས་བརྐྱང་སྟེ་མཐེའུ་ཆུང་མཐེ་བོས་མནན་པ་ནི་རྡོ་རྗེ་རྩེ་གསུམ་པའི་ཕྱག་རྒྱ་སྟེ།
iiif viewer powered by OpenSeadragon
