| e-texts navigator |
| Wylie |
68a1 རྡོ་རྗེ་གཟུངས་སྔགས་འདི་སུ་འཛིན་པ་དང་། འཆང་བ་དང་། བཟླས་བརྗོད་བྱེད་པ་དེ་ལ་ལས་ཀྱི་སྒྲིབ་པ་དང་། ཉོན་མོངས་པའི་སྒྲིབ་པ་དང་། ཤེས་བྱའི་སྒྲིབ་པ་ཐམས་ཅད་བྱང་ཞིང་དག་སྟེ། བདེ་བ་ཅན་གྱི་འཇིག་རྟེན་དུ་སྐྱེ་བར་འགྱུར་རོ། །ོཾ་བཛྲ་ཙཎྜ་མ་ཧཱ་རོ་ཥ
68a2 ཎ་ཧཱུ~ཾ་ཕཊ། ཨ་པྲ་ཏི་ཧ་ཏ་བ་ལ་ཧཱུ~ཾ་ཕཊ། སརྦ་བིགྷྣཱཾ་ཨནྟ་རཱ་ཡ་བི་ནཱ་ཤ་ཀ་ར་མཱ་ར་ཡ་ཧཱུ~ཾ་ཕཊ། ཅེས་བརྒྱ་རྩ་བརྒྱད་བརྗོད་ན་འགྲུབ་པའོ། །ངེས་པར་འགྲུབ་པའོ་ཞེས་གསུངས་སོ། །འཕགས་པ་བར་དུ་གཅོད་པ་ཐམས་ཅད་སེལ་བའི་གཟུངས་སྔགས་རྫོགས་སོ།། །།
68a3 @#། །རྒྱ་གར་སྐད་དུ། ཨཱརྱ་ཨ་ཙ་ལ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་མི་གཡོ་བ་ཞེས་བྱ་བའི་གཟུངས། །དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་སུམ་ཅུ་རྩ་གསུམ་གྱི་ཁང་བུ་བརྩེགས་པ
68a4 ན་བཞུགས་ཏེ། དེའི་ཚེ་བཅོམ་ལྡན་འདས་ཀྱི་འཁོར་འདུས་པ་ནི་བྱང་ཆུབ་སེམས་དཔའ་ཀུན་ཏུ་བཟང་པོ་དང་། ནམ་མཁའི་སྙིང་པོ་དང་། སའི་སྙིང་པོ་དང་། སྒྲིབ་པ་ཐམས་ཅད་རྣམ་པར་སེལ་བ་དང་། འཇམ་དཔལ་དང་། སྤྱན་རས་གཟིགས་དབང་ཕྱུག་དང་། ལག་ན་རྡོ་རྗེ་དང་།
68a5 བྱམས་པ་ལ་སོགས་པ་ས་བཅུ་པ་འབའ་ཞིག་དང་ངོ་། །དེ་ནས་བྱང་ཆུབ་སེམས་དཔའ་བྱམས་པ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཛམ
68a6 བུ་གླིང་ན་གནས་པའི་ལྷ་དང་། ཀླུ་དང་། གནོད་སྦྱིན་དང་། ཤ་ཟ་མ་རུངས་པ་དག་གིས་མི་ནད་དང་། ཕྱུགས་ནད་དང་། ཡམས་ནད་དང་། རྣམ་པར་འཚེ་བ་དང་། དུས་མ་ཡིན་པའི་འཆི་བ་དང་། སྡང་བ་དང་། རྨི་ལམ་ངན་པ་དང་། དུས་མ་ཡིན་པའི་རླུང་དང་། སེར
68a7 བ་དང་། ས་གཡོས་པ་ལ་སོགས་པ་བྱུང་སྟེ། དེ་དག་ཞི་བར་མཛད་དུ་གསོལ་ཞེས་གསོལ་པ་དང་། བཅོམ་ལྡན་འདས་ཅང་མི་གསུང་བར་རྣམ་པར་དག་པའི་སྒོ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་སྟེ། སྐུའི་བ་སྤུའི་ཁུང་བུ་ནས་འོད་ཟེར་མེ་ལྕེ་རབ་ཏུ་འབར
iiif viewer powered by OpenSeadragon
