| e-texts navigator |
| Wylie |
5b1 བཞོགས་དང་ལེགས་བྲིས་པ། །བཟང་པོ་ཡིད་དུ་འོང་བྱས་ནས། །དེ་ཡི་མགོ་བོ་དག་ལ་ཡང་། །རབ་ཏུ་བཟང་པོའི་གསེར་གྱིས་དཀྲི། །དེ་ཡི་རྩེ་ལ་ནོར་བུ་ནི། །པདྨ་རཱ་གས་སྤྲས་པར་བྱ། །དེ་ནས་ཚུལ་བཞིན་རི་རྩེ་ལ། །ཆོ་ག་སྔོན་དུ་བཤད་པ་བཞིན། །མངོན་དུ་འདུག་པའི
5b2 སྦྱིན་སྲེག་བྱ། །སྒྲུབ་པ་པོ་ཡིས་ནུབ་མོ་བསྒྲུབ། །འབར་བ་དེ་ནི་བླངས་ནས་སུ། །ནམ་མཁར་འཕགས་པ་གདོན་མི་ཟ། །སྔ་མ་བཞིན་དུ་གྲུབ་རྣམས་ཀྱི། །གཙོ་བོར་གྱུར་ཅིང་འདོད་གཟུགས་ཅན། །དུ་བ་ཚ་ལ་སོགས་པས་ཀྱང་། །དེ་ཡིས་འབྲས་བུ་སྔོན་བཞིན་འཐོབ། །
5b3 མཚོན་ཆ་མཆོག་རྣམས་བསྒྲུབ་པ་ནི། །དེ་ལྟར་མདོར་བསྡུས་བཤད་པ་ཡིན། །དེ་ནས་ཆོ་ག་ལས་བྱུང་བའི། །དངོས་གྲུབ་གཞན་ཡང་བཤད་བྱ་སྟེ། །ཅི་ལྟར་ཁྲོ་བོ་མཆོག་གིས་ནི། །ཉིད་ཀྱིས་མདོར་བསྡུས་བཤད་པའོ། །མང་པོ་ཞེས་བྱ་བའི། །དཀྱིལ་འཁོར
5b4 ཐོག་མར་བྲིས་ནས་སུ། །རྨ་མེད་པ་ཡི་རོ་བླངས་ནས། །མཁས་པས་ཁྲུས་བྱས་ལེགས་པར་བརྒྱན། །མེ་ཏོག་སྤོས་ཀྱིས་མཆོད་ནས་སུ། །ཤ་དང་བཅས་པའི་གཏོར་མ་སྦྱིན། །ལས་ནི་དུར་ཁྲོད་དག་ཏུ་བྱ། །འདི་ནི་གཞན་དུ་ཡོང་མི་བྱ། །མེ་ཏོག་བཀྲམ་པའི་གནས་མལ་དུ། །
5b5 ནུབ་ཕྱོགས་སྒོ་ཕྱོགས་མགོ་བསྟན་གཞག་།ཐོད་པ་བཟང་པོ་ཟས་མཆོག་གིས། །རབ་ཏུ་གང་བ་བླངས་ནས་སུ། །ཟས་མཆོག་དག་གི་ནང་དུ་ཡང་། །ཚིལ་ཆེན་དག་གིས་བླུག་པར་བྱ། །མཁས་པས་དེ་དག་དེ་ཡི་ཚེ། །ཁྲོ་བོ་སྔགས་ཀྱིས་བཏབ་པ་ཡི། །སྦྱིན་བླུགས་བརྒྱ་ནི
5b6 ཚང་ཚང་དུ། །གཟར་བུས་མི་ཡི་ཁར་བླུགས་ན། །དེ་ཡི་ལྕེ་ཡང་འབྱུང་བར་འགྱུར། །དེ་ནས་མཚོན་གྱིས་གཅད་པར་བྱ། །ལྕེ་ནི་རྩ་བར་བཅད་པ་ལས། །ཁྲོ་བོའི་མཐུ་ཡིས་མྱུར་བ་རུ། །དེ་ནས་དེ་ཉིད་རལ་གྲིའི་གཟུགས། །བཟང་པོ་སུམ་ཅུ་རྩ་གཉིས་འགྱུར། །
5b7 དེ་ནས་རལ་གྲི་བླངས་ནས་སུ། །གྲོགས་རྣམས་ལ་ནི་རེ་རེ་སྦྱིན། །སྒྲུབ་པ་པོ་ཡིས་བླངས་ནས་ནི། །དེ་མ་ཐག་ཏུ་འགྲུབ་པར་འགྱུར། །རིག་འཛིན་དེ་དག་ཐམས་ཅད་ཀྱིས། །ཀུན་ཏུ་བཀུར་བའི་རྒྱལ་པོར་འགྱུར། །གྲོགས་པོ་དེ་རྣམས་དང་བཅས་པར། །བསྐལ་པ་བདུན
iiif viewer powered by OpenSeadragon
