| e-texts navigator |
| Wylie |
5a1 ཨུར་མོ་ལྕགས་ལས་བྱས་པ་མཆོག་།རབ་ཏུ་རྣོ་བ་སྔ་མ་བཞིན། །བདུག་པའི་སྦྱིན་སྲེག་བྱས་ནས་སུ། །ཙནྡན་དམར་པོས་གདབ་པར་བྱ། །སྒྲུབ་པ་པོས་ནི་ཆོ་ག་བཞིན། །རི་ཡི་རྩེ་མོར་འདུག་ནས་ནི། །སྔ་མ་བཞིན་དུ་མཚན་མོ་བསྒྲུབ། །གྲུབ་ན་འབྲས
5a2 བུ་སྔ་མ་བཞིན། །ལག་པ་གཡོན་པའི་མཛུབ་མོ་ནི། །ལག་པ་གཡས་པས་གཡོགས་ནས་སུ། །ཆོ་ག་སྔ་མ་བཞིན་བྱས་ནས། །ཟླ་བ་གཟའ་ཡིས་ཟིན་པའི་ཚེ། །སྟན་གཅིག་པ་ལ་ལེགས་འདུག་ནས། །བློ་དང་ལྡན་པས་བཟླས་བྱས་ན། །དེ་ནས་མཛུབ་མོ་དེ་ལས་ནི། །
5a3 གདོན་མི་ཟ་བར་འབར་བར་འགྱུར། །ཡང་ན་དུ་བ་རང་འབྱུང་བའམ། །དེ་ནས་ཚ་བར་འགྱུར་ཡང་སྲིད། །དེ་ནས་ངེས་པར་འབར་གྱུར་ན། །རིག་འཛིན་གོ་འཕང་ཐོབ་པར་འགྱུར། །དུ་བ་འབྱུང་བར་གྱུར་པ་ལས། །དེ་བཞིན་མི་སྣང་འགྱུར་བར་བཤད། །དེ་ཚེ་རབ་ཏུ་ཚར་གྱུར་ན། །
5a4 རྐང་པ་མགྱོགས་པ་རབ་ཏུ་འཐོབ། །དེ་སྟེ་ལག་པ་གཡོན་པ་ཡི། །མཛུབ་མོ་གྲུབ་པར་མ་གྱུར་ཏེ། །དངོས་གྲུབ་ཉམས་ཀྱང་ངེས་པར་ནི། །ལས་རྣམས་སྣ་ཚོགས་བྱེད་པར་འགྱུར། །ཁྲོས་ནས་དེ་ཡིས་བསྡིགས་ན་ནི། །མི་དེ་ཇི་ལྟར་འདོད་པ་རུ། །དེ་མ་ཐག་ཏུ་འགྱེལ་བར
5a5 འགྱུར། །སྔགས་མཁན་དག་གིས་བསད་ནས་ཀྱང་། །དེ་ནས་ཤི་བར་གྱུར་པ་དེ། །དེ་ནས་ལག་པ་གཡས་པ་ཡིས། །ཅི་སྲིད་འདོད་པར་སློང་བར་བྱེད། །རབ་ཏུ་འཁྲུགས་པའི་དཔུང་ཆེན་ཡང་། །དེ་ནས་དེ་ཡིས་བསྡིགས་པར་ནུས། །གླང་པོ་དང་ནི་རྟ་རྣམས་དང་། །ལྗོན་ཤིང་དང་ནི
5a6 ནགས་ཚལ་རྣམས། །རིང་བོར་མི་ཐོགས་འཇིག་པར་བྱེད། །རི་རྣམས་ཀུན་གྱི་རྩེ་མོ་དག་།རབ་ཏུ་བཟང་ཞིང་མཐོ་བ་ཡང་། །དེ་ནས་དེ་ཡི་མཛུབ་མོ་དེས། །རིང་པོར་མི་ཐོགས་སྙིལ་བར་བྱེད། །མཛུབ་མོ་དངོས་གྲུབ་ཀུན་སྦྱིན་པའི། །གྲུབ་པའི་མཆོག་ནི་བཤད་པ་ཡིན། །དེ
5a7 ནས་གཞན་ཡང་ཞགས་པ་ཡི། །སྒྲུབ་པའང་འདིར་ནི་བཤད་པར་བྱ། །ཤི་བའི་སྐྲ་ལ་ཞགས་པ་ནི། །སྦོམ་ཞིང་ཡིད་དུ་འོང་བ་བྱ། །ཆོ་ག་སྔ་མ་བཞིན་བསྒྲུབས་ན། །དེ་ཡི་དངོས་གྲུབ་དེ་ཉིད་འཐོབ། །ཤིང་ནི་རབ་ཏུ་བཟང་པོ་ལས། །དབྱུག་ཏོ་སོར་ནི་བཅུ་དྲུག་བྱ། །ལེགས་པར
iiif viewer powered by OpenSeadragon
