| e-texts navigator |
| Wylie |
4b1 བསྒྲུབས་ན། །དེ་ནས་དེ་དག་བཤད་པ་བཞིན། །དངོས་གྲུབ་ངེས་པར་ཐོབ་པར་འགྱུར། །ཤིང་ལས་ལེགས་པར་བྱས་པ་ཡི། །ཐོད་པ་སོར་ནི་ཉི་ཤུ་པ། །མཉམ་པར་རབ་ཏུ་ལེགས་བྱས་ལ། །ཉེས་པ་ཐམས་ཅད་རྣམ་སྤངས་པ། །རི་ཡི་རྩེ་མོར་འདུག་ནས་སུ། །མཆོད་དང་གཏོར
4b2 མའི་རིམ་པར་བྱས། །བདུག་པའི་སྦྱིན་སྲེག་བྱས་ནས་སུ། །སྔགས་ཀྱང་བསྲུང་བ་མཐུ་བསྐྱེད་དེ། །ཐོད་པ་ལག་པ་གཡོན་པས་བཟུང་། །ལག་པ་གཡས་པས་བསྟེན་ནས་ནི། །དེ་ཡི་ཁ་ཡང་དགབ་པར་བྱ། །ཇི་སྲིད་དེ་ལ་འབར་བ་དང་། །དུ་བའམ་ཚ་བ་བྱུང་གི་བར། །དེ་སྲིད་སྦས
4b3 ནི་བཟླས་པར་བྱ། །འབར་ནས་ནམ་མཁར་འགྲོ་བར་འགྱུར། །འཇིག་རྟེན་གསུམ་གྱི་བདག་པོར་བཤད། །དུ་བ་འབྱུང་བར་གྱུར་ན་ཡང་། །དེ་བཞིན་ངེས་པར་མི་སྣང་འགྱུར། །འོན་ཏེ་ཚ་བར་དེ་གྱུར་ན། །དེ་ཡི་ཚེ་ན་གང་བསམས་པ། །ཐོད་པ་དེ་ལས་འབྱུང་བར་འགྱུར། །
4b4 དེ་ལ་རྣམ་པ་དཔྱད་མི་དགོས། །འོན་ཏེ་དེ་ནི་མ་གྲུབ་ན། །དེ་ནས་ས་ལ་མི་བཞག་པར། །དེ་ཡི་ཐོད་པ་བླངས་ནས་སུ། །ཤིང་གི་ཁྲི་ལ་གཞག་པར་བྱ། །རས་ཀྱིས་གཡོགས་ཏེ་བཞག་ནས་སུ། །ཡིད་ལ་ཅི་འདོད་བསམས་པ་ཡི། །ཟན་དང་བཟའ་དང་བྱ་ན་རྣམས། །གང
4b5 ཡང་རུང་བ་དེ་དག་ཉིད། །རས་གཡོགས་ལག་གིས་བཟུང་ནས་སུ། །སྟོང་རྩ་བརྒྱད་དུ་བཟླས་བྱས་ན། །གྲུབ་པ་ལ་ནི་ཉིན་རེ་ཞིང་། །དེ་ནས་གང་ཡང་རུང་བའི་ཟས། །བྱ་ན་བཅངས་པས་ངེས་པ་རུ། །ཐོད་པ་དེ་ནང་གང་བར་འགྱུར། །སེམས་ཅན་རྣམས་ནི་གང་ལ་ཡང་། །
4b6 བདུད་རྩི་ཟས་ནི་སྦྱིན་པར་བྱ། །ཚུལ་བཞིན་པ་ཡི་འོག་ཏུ་ནི། །གཙང་སྦྲ་བྱས་ཏེ་ཚུལ་བཞིན་བཟའ། །ཐོད་པ་བསྒྲུབ་པ་བཤད་པ་འདི། །ལག་པ་གཡོན་པས་གཟུང་བར་བྱ། །མདུང་ཐུང་རྣོན་པོ་ལེགས་བྱས་པ། །བཤོལ་བ་མེད་པར་བསྒྲུབ་པར་བྱ། །ུར་མོ་ལྕགས་ལས་བྱས
4b7 པ་མཆོག་། བཀྲ་ཤིས་སོར་ནི་སུམ་ཅུ་གཉིས། །དེ་ནས་ཆོ་ག་སྔ་མ་བཞིན། །ཆུ་འགྲམ་གཙང་མ་དག་ཏུ་ནི། །སྔོན་བཞིན་མཚན་མོ་བསྒྲུབ་པར་བྱ། །དངོས་གྲུབ་འབྲས་བུ་གསུམ་དུ་བཤད། །དེ་ལྟར་ཇི་སྐད་བཤད་པ་བཞིན། །མདའ་བོ་ཆེ་ཡང་མཁས་པས་བསྒྲུབ། །
iiif viewer powered by OpenSeadragon
