| e-texts navigator |
| Wylie |
4a1 རིག་འཛིན་རྣམས་དག་དང་། །དེ་བཞིན་ལྟོ་འཕྱེ་མིའམ་ཅི། །ལྷ་མ་ཡིན་གྱི་བུ་མོ་དང་། །དེ་བཞིན་དྲི་ཟའི་བུ་མོ་དང་། །རོ་ལངས་རིགས་རྣམས་དང་། །དེ་བཞིན་གཞན་ཡང་མྱོས་དྲེགས་རྣམས། །བཀུག་ནས་བདག་གི་ལས་རྣམས་ནི། །ཇི་ལྟར
4a2 འདོད་པ་བྱེད་དུ་གཞུག་། གསེར་འགྱུར་རྩི་དང་བཅུད་ཀྱིས་ལེན། །གྲུབ་པ་ཡི་ནི་རྫས་རྣམས་དང་། །གཞན་ཡང་ཡིད་ལ་གང་འདོད་པ། །དེ་དག་ཐམས་ཅད་དེ་ལ་ནི། །ལྷ་དང་གནོད་སྦྱིན་ཚོགས་ལ་སོགས། །ཇི་སྙེད་པ་དག་འབུལ་བར་བྱེད། །དེ་ཡི་བཀའ་ནི་ཐམས
4a3 ཅད་ཀྱང་། །འཇིགས་པས་ངེས་པར་ཉེན་པར་འགྱུར། །ངོ་མཚར་ཀུན་གྱིས་བརྒྱན་པ་ཡི། །རང་གིས་གཞོན་པས་ཡོངས་བསྐོར་ཅིང་། །གནས་དང་སྐྱེད་མོས་ཚལ་མང་པོ། །ངོ་མཚར་ཀུན་དང་རབ་ལྡན་པ། །ཁྱིམ་དང་སླས་ཀྱི་གནས་རྣམས་དང་། །འཇིག་རྟེན་མ
4a4 ལུས་སྟོན་པར་བྱེད། །རྫུ་འཕྲུལ་ཡོན་ཏན་ལོངས་སྤྱོད་ཀྱིས། །སྒྲུབ་པ་པོ་ནི་དགའ་བར་བྱེད། །ཅི་སྲིད་ལྕགས་ཀྱུ་འཆང་བའི་མི། །དེ་ཡི་བཀའ་ཡིས་ངེས་པ་རུ། །གནོད་སྦྱིན་མོ་དག་རང་རང་གི། །འདོད་པའི་ལོངས་སྤྱོད་ཉེ་བར་སྤྱོད། །དེ་སྟེ་ལས་ཀྱི་སྐྱོན་དག་གིས། །
4a5 ཚ་བ་ཙམ་དུ་མ་གྱུར་ནའང་། །ལྕགས་ཀྱུ་དེ་ཉིད་འདིར་བཟུང་སྟེ། །ནང་པར་དབེན་པར་འདུག་ནས་སུ། །བུ་མོ་གང་གིས་མིང་བཅུག་སྟེ། །ཅི་སྲིད་འདོད་པ་བཟླས་ནས་ནི། །དཔག་ཚད་བརྒྱད་བརྒྱན་གནས་པ། །དེ་ནས་མྱུར་དུ་འོང་བར་འགྱུར། །བུ་མོའམ་ཡང་ན
4a6 ཁྱེའུ་ཡང་རུང་། །ཅི་ལྟར་འདུག་པ་མྱུར་དུ་འགྲུབ། །མེ་ཏོག་འབྲས་བུ་དེ་བཞིན་གྲུབ། །ཤིང་རྟ་དང་ནི་ལྗོན་ཤིང་དག་།མ་གྲུབ་ན་ཡང་རྟག་པ་རུ། །དེ་ཡིས་ངེས་པར་ཁུགས་པར་འགྱུར། །དེ་ལྟར་ལྕགས་ཀྱུ་དམ་པ་འདི། །བསྒྲུབ་པ་རབ་ཏུ་བཤད་པ་ཡིན། །ཐོད
4a7 པའི་དངོས་གྲུབ་གང་ཡིན་པ། །དེ་ཡང་འདིར་ནི་བཤད་པར་བྱ། །རྩེ་གསུམ་རལ་གྲི་བེ་ཅོན་དང་། །དེ་བཞིན་དགྲ་སྟ་ལྕགས་ཀྱུ་ཡི། །སྒྲུབ་པ་གང་དག་བཤད་པ་ཡི། །ལག་པ་གཡས་པས་གཟུང་བར་བྱ། །ཐོད་པ་ལ་སོགས་གཞན་རྣམས་ནི། །ལག་པ་གཡོན་པས་བཟུང
iiif viewer powered by OpenSeadragon
