| e-texts navigator |
| Wylie |
3b1 རབ་ལྡན་པ། །དེ་ཡི་ཆིབས་པ་མ་ཧེ་ལ། །ཞོན་ནས་མཁའ་ལ་འགྲོ་བར་འགྱུར། །སྐྲ་ནི་ལྕང་ལོ་འཁྱིལ་པ་སྟུག་།སྣུམ་ཞིང་མཐིང་ག་ལྟ་བུར་འགྱུར། །དུས་མཐའི་སྤྲིན་གྱི་ཁ་དོག་འདྲ། །དེ་ཡི་ལུས་མཆོག་སྟོབས་ཀྱང་ཆེ། །གལ་ཏེ་ཁྲོ་བོ་དེ་འདོད་ན། །བེ་ཅོན་གྱིས་ནི་ལྷ
3b2 རྣམས་གསོད། །བེ་ཅོན་སྒྲུབ་པ་བཤད་པ་ཡིན། །དེ་བཞིན་ལེགས་པར་མདོར་བསྡུས་ནས། །དགྲ་སྟ་བཟང་པོ་བསྒྲུབ་པ་དག་།དེ་བཞིན་བདག་གིས་བཤད་པར་བྱ། །སྔ་མ་བཞིན་དུ་ཨུར་མོ་ལས། །དགྲ་སྟ་བཟང་པོ་བྱས་པ་ཡང་། །ཡུ་བ་སོར་ནི་བཅུ་དྲུག་པ། །དགྲ་སྟ་དེ་ནི་སོར
3b3 དྲུག་པ། །ཆོ་ག་སྔ་མ་བཞིན་སྒྲུབ་ན། །དངོས་གྲུབ་དེ་དག་དེ་ཡི་འཐོབ། །དེ་ནས་གཞན་ཡང་ལྕགས་ཀྱུའི་མཆོག་།བསྒྲུབ་པ་བདག་གིས་བཤད་པར་བྱ། །ུར་མོ་ལྕགས་ལས་བྱས་པ་ཡི། །ལྕགས་ཀྱུ་སོར་ནི་བཞི་བར་བྱ། །དེ་ཡི་ཡུ་བ་མཉམ་པ་ལ། །སོར་ནི་བརྒྱད་ཡོད་པར་བྱ། །
3b4 ཉི་ཤུ་དགུ་ཡི་ཚེས་གྲངས་ལ། །ནུབ་མོ་མཆོད་པ་གཏོར་མ་བྱས། །རི་ཡི་རྩེ་ལ་འདུག་ནས་སུ། །ལྕགས་ཀྱུ་གོ་ཆ་བསྒྲུབ་པར་བྱ། །སེར་སྐྱ་ལས་བྱུང་མར་དག་གིས། །བདུག་པའི་སྦྱིན་སྲེག་བྱས་ནས་སུ། །ཇི་སྲིད་སྒྲོན་མ་བཞིན་འབར་བ། །དེ་སྲིད་ལག་པས་བཟུང་སྟེ་བཟླས། །དེ་ནས
3b5 དེ་ནི་ཐོགས་པ་ཡིས། །ཐེ་ཚོམ་མེད་པར་ནམ་ལངས་ན། །འོད་ནི་མེ་བཞིན་ཀུན་ཏུ་སྣང་། །གྱེན་དུ་འབར་ཞིང་འགྲོ་བར་འགྱུར། །འཇིག་རྟེན་པ་ཡི་ལྷ་རྣམས་ནི། །བྲན་གཡོག་བཞིན་དུ་དབང་དུ་འགྱུར། །དེ་བཞིན་གཤེགས་པའི་བཀའ་མཆོག་བཞིན། །བཀའ་ཡང་རབ་ཏུ་ཉན
3b6 པར་འགྱུར། །འོན་ཏེ་དེ་ཡི་ལྕགས་ཀྱུའི་མཆོག་།དུ་བ་འབྱུང་བར་གྱུར་ན་ནི། །དེ་ཚེ་དུ་བ་བྱུང་བ་ཡིས། །སྟོབས་ཆེན་གྲིབ་མའང་མི་སྣང་འགྱུར། །སྔགས་པ་བྱེ་བ་གསུམ་དུ་གསོན། །གནོད་སྦྱིན་རིག་འཛིན་རྣམས་ཀྱིས་མཆོད། །བདེ་བ་ཀུན་དང་རབ་ཏུ་ལྡན། །འདོད
3b7 པར་འབྱོར་ཞིང་སྟོབས་ཀྱང་ཆེ། །ཁྲོ་བོ་སྔགས་ཀྱིས་མཐུ་སྟོབས་ནས། །གལ་ཏེ་དེ་ནི་ཚ་གྱུར་ན། །ནང་པར་བཀྲ་ཤིས་བྱས་ནས་སུ། །ལྕགས་ཀྱུ་བཟང་པོ་དེ་ཐོགས་ནས། །བཟླས་ན་བརྒྱ་བྱིན་ལ་སོགས་པའི། །ལྷ་རྣམས་འགུགས་པ་གདོན་མི་ཟ། །གནོད་སྦྱིན
iiif viewer powered by OpenSeadragon
