| e-texts navigator |
| Wylie |
3a1 དགའ་བར་བྱེད། །དབང་ཕྱུག་ཀུན་དང་རབ་ཏུ་ལྡན། །འདོད་པའི་གཟུགས་ཅན་ཡིད་བཞིན་འགྱུར། །དེ་སྟེ་རྩེ་གསུམ་དུ་བ་འབྱུང་། །དེ་ནས་ལུས་ནི་མི་སྣང་འགྱུར། །འོན་ཏེ་དེ་ནི་ཚ་གྱུར་ན། །དཔུང་དང་ལྷ་མ་ཡིན་གྱི་གནས། །གཡུལ་ངོ་ཆེན་པོ་ལ
3a2 སོགས་པར། །འཇིགས་ཤིང་སྐྲག་པ་སྐྱེད་པར་བྱེད། །དེ་ལྟར་དང་པོ་སྒྲུབ་པའི་མཆོག་།འདི་ནི་རབ་ཏུ་བཤད་པ་ཡིན། །ད་ནི་རལ་གྲི་བཟང་པོ་ཡང་། །འདིར་ནི་བསྒྲུབ་པར་རབ་ཏུ་བཤད། །ུར་མོའི་ལྕགས་ལས་བྱས་པ་ཡི། །རལ་གྲི་སོར་ནི་སུམ་ཅུ་གཉིས། །ལེགས་པར
3a3 བྱས་ཤིང་ཕན་བྱེད་ལ། །གླང་པོའི་སོ་ལ་དོང་བྱེད་ལ། །རི་ཡི་རྩེ་མོར་འདུག་ནས་སུ། །མཆོད་པ་ལ་སོགས་སྔོན་བཞིན་བྱ། །བདུག་པའི་སྦྱིན་སྲེག་བྱས་ནས་སུ། །རལ་གྲི་ལག་པར་བཟུང་སྟེ་བཟླས། །སྔགས་པའི་ཆང་པས་བཟུང་ནས་ནི། །རབ་ཏུ་སྣང་བ་འབར་བ་འབྱིན། །
3a4 འབར་བ་དེ་ནི་མཐོང་ནས་སུ། །རིག་འཛིན་མཆོག་ཏུ་དེ་འགྱུར་རོ། །དེ་སྟེ་དེ་ལས་དུ་བ་འབྱུང་། །དེ་ནས་དེ་ནི་མི་སྣང་འགྱུར། །ཚ་བར་གྱུར་ན་དེ་བཞིན་དུ། །སྟོབས་ཆེན་རྐང་པ་མགྱོགས་པར་འགྱུར། །ལོ་བརྒྱ་རབ་ཏུ་ཚང་བར་འཚོ། །འདི་ལ་རྣམ་པར་དཔྱད་མི་དགོས། །གལ
3a5 ཏེ་འདི་ལ་མ་བརྟེན་ནས། །གྲུབ་པ་ཐོབ་པར་མ་གྱུར་ན། །རལ་གྲི་བརྩོན་འགྲུས་མཆོག་ལྡན་པས། །གཡུལ་ངོར་ཕྱིན་ནས་ཐམས་ཅད་དུ། །མྱུར་ཞིང་མི་ངལ་ཉོན་མི་མོངས། །ཕམ་པ་མེད་པར་སྟོང་ཡང་ཐུབ། །རལ་གྲི་བསྒྲུབ་པ་བཤད་ཟིན་ཏེ། །ད་ནི་བེ་ཅོན་སྒྲུབ་པ་བཤད། །
3a6 གོ་བི་ད་རའི་བེ་ཅོན་ནམ། །ཡང་ན་སེང་ལྡེང་དག་ལས་ནི། །གཤིན་རྗེའི་བེ་ཅོན་ལྟ་བུ་བཟང་། །སོར་ནི་བཞི་བཅུ་གཉིས་པ་བྱ། །དེ་ནས་བློ་ཅན་དུར་ཁྲོད་དུ། །གཏོར་མ་ཆོ་ག་རྒྱ་ཆེན་བྱ། །བེ་ཅོན་མཆོག་ལ་སྔོན་བཞིན་དུ། །བདུག་པའི་སྦྱིན་སྲེག་བྱས་ནས་སུ། །
3a7 གོས་དམར་བགོས་ཤིང་ཐལ་བ་དང་། །མེ་ཏོག་དམར་པོས་བརྒྱན་ནས་སུ། །བསྲེག་གཞི་དེར་འདུག་བེ་ཅོན་ལས། །ཇི་སྲིད་ཧ་ཧ་ཞེས་པ་དང་། །ལག་ན་བེ་ཅོན་འགུལ་པའི་བར། །དེ་སྲིད་ཆོ་ག་བཞིན་དུ་བཟླས། །དེ་ནས་དང་པོ་ཁྲོ་བོའི་བདག་།དབང་ཕྱུག་ཀུན་དང
iiif viewer powered by OpenSeadragon
