| e-texts navigator |
| Wylie |
2b1 གཟུགས་ཉིན་གཅིག་བཞིན་དུ་ནི། །དེ་ལྟར་ཀུན་ཏུ་རབ་མཆོད་ནས། །རྟག་ཏུ་དེ་ཡི་བཟླས་པ་ནི། །བློ་དང་ལྡན་པས་ཀུན་བྱས་ན། །གྲུབ་པ་ཉིད་ནི་མ་ཐོབ་ཀྱང་། །དངོས་གྲུབ་ཕྲ་མོ་ཐོབ་པར་འགྱུར། །ཡང་ན་ཁྲོ་བོའམ་ཕྱག་རྒྱའང་རུང་། །དེ་ཚེ་སྒྲུབ་པར་ནུས་ན་ནི། །
2b2 དེ་ཡི་རི་མོ་གསུངས་པ་དང་། །ལྷ་ཡི་བརྟུལ་ཞུགས་དེས་ཀྱང་འགྲུབ། །དེ་ནས་གཞན་ཡང་བརྟུལ་ཞུགས་ཀྱི། །མཆོག་གིས་དངོས་གྲུབ་གང་ཡིན་པ། །ཆོ་ག་བཞིན་དུ་མདོར་བསྡུས་ཏེ། །རྒྱས་པར་བདག་གིས་བཤད་པར་བྱ། །དེ་ནས་ཁྲོ་བོ་གཙོ་བོ་ཡི། །རྩེ་གསུམ
2b3 ཤིན་ཏུ་གསལ་བསྒྲུབས་ན། །ུར་མོའི་ལྕགས་ལས་བྱས་པ་ཡི། །རྩེ་གསུམ་སོར་ནི་སུམ་ཅུ་པ། །རྣོ་ལ་བཟང་ཞིང་རབ་ལེགས་པ། །ཐོག་མ་ཆོ་ག་བཞིན་བྱས་ནས། །རི་ཡི་རྩེ་མོར་འདུག་ནས་སུ། །རི་མོ་བཟང་པོ་དེ་བྲིས་ནས། །མང་པོ་ཞེས་པ་ཡི། །
2b4 དཀྱིལ་འཁོར་ཐལ་བས་ཚུལ་བཞིན་བྲི། །དེ་ནས་མཆོད་པ་རྒྱ་ཆེན་དང་། །ཉ་དང་ཤ་རྣམས་སྣ་ཚོགས་ཀྱིས། །ཕྱོགས་ཀྱི་གཏོར་མ་ཀུན་ཏུ་བྱ། །ཚེས་གྲངས་ཉི་ཤུ་གསུམ་གྱི་དགོངས། །རྩེ་གསུམ་དཀྱིལ་འཁོར་མེ་ཏོག་ལ། །བཞག་ནས་མེ་ཏོག་དག་གིས་མཆོད། །
2b5 ཙནྡན་དམར་པོས་ཀུན་བསྐུས་ཤིང་། །མེ་ཏོག་དག་གིས་ཐམས་ཅད་བརྒྱན། །ཆོ་ག་བཞིན་དུ་ལག་གིས་བཟུང་། །རི་མོ་ལ་ནི་མངོན་ཕྱོགས་འདུག་།ཁྲོ་བོ་མཆོག་གི་སྔགས་དག་གིས། །རྩེ་གསུམ་པ་ལ་མཁས་པས་བཟླས། །དེ་ཡི་ཉེས་པ་སྦྱང་བའི་ཕྱིར། །བརྒྱ་རྩ
2b6 བརྒྱད་དུ་བཟླས་ནས་སུ། །ཁྲོ་བོ་མཆོག་གི་སྔགས་དག་གིས། །དེར་ནི་མེ་ཡང་རབ་སྦར་ནས། །ཆོ་ག་བཞིན་དུ་རྩེ་གསུམ་ལ། །བདུག་པའི་སྦྱིན་སྲེག་སྟོང་བྱས་ནས། །ལག་པས་བསྒྲེང་སྟེ་བཟུང་ནས་སུ། །དཔའ་ཞིང་བརྟན་པའི་ཚུལ་དུ་གནས། །ཇི་སྲིད་མེ་ལྟར
2b7 འབར་གྱུར་པ། །དེ་སྲིད་བློ་དང་ལྡན་པས་བཟླས། །རྩེ་གསུམ་འབར་བ་ཉིད་ཀྱིས་ན། །དེ་ནས་གྱེན་དུ་འབར་བར་གྱུར། །སྔགས་ཀྱི་མཐུ་ཡིས་མིག་གསུམ་ལས། །འོད་ཀྱང་ཉི་མ་བཞིན་དུ་འབྱུང་། །རིག་འཛིན་གཞན་རྣམས་ཐམས་ཅད་ཀྱང་། །དེ་ལ་མཆོད་ཅིང
iiif viewer powered by OpenSeadragon
