| e-texts navigator |
| Wylie |
2a1 བསྒྲུབས་ན་ཡང་ཉིན་གཅིག་བཞིན། །མཆོད་པ་བྱས་པས་ཡུལ་རྙེད་འགྱུར། །ལས་འདི་གདོན་མི་ཟ་བར་ནི། །དེས་ནི་འབུམ་ནི་རྙེད་པར་འགྱུར། །ལོངས་སྤྱོད་སྦྱིན་པའི་གཟུགས་ལ་ནི། །ཙནྡན་གུར་གུམ་ཨ་ཀ་རུས། །བདག་གིས
2a2 ལེགས་པར་བསྐུས་ནས་ནི། །མེ་ཏོག་ཕྲེང་བས་རབ་ཏུ་མཆོད། །མེ་ཏོག་དཀར་པོའི་ཕྲེང་བ་ཡིས། །ཉིན་གཅིག་བཞིན་དུ་མཆོད་བྱས་ནས། །མར་དང་ལྡན་པའི་གུ་གུལ་ལམ། །ཀུན་ཏུ་རུ་ཡི་བདུག་པའང་འབུལ། །མེ་ཏོག་ཨ་ཏི་མུ་ཏ་ཀ། །རེ་རེ་ཆོ་ག
2a3 བཞིན་བཟླས་ནས། །མཇུག་ཏུ་འབུམ་ནི་དབུལ་བར་བྱ། །དེ་ནས་ལོངས་སྤྱོད་ཆེན་པོ་རྣམས། །དེ་ཡི་མཇུག་ཏུ་འབྱུང་འགྱུར་ཏེ། །འདི་ལ་སྤྱད་པ་དོགས་པ་མེད། །ནད་སེལ་བ་ཡི་གཟུགས་ལ་ནི། །ཙནྡན་དམར་པོས་བསྐུས་ནས་ཀྱང་། །ཤ་ཏ་ཤིང
2a4 གི་བདག་པོ་དག་། ཕུལ་ནས་མེ་ཏོག་གཙང་མ་ཡིས། །མཆོད་པའི་བཤོས་ནི་དབུལ་བར་བྱ། །མཇུག་ཏུ་ནད་སེལ་དང་ལྡན་པ། །ཁྲོ་བོའི་སྔགས་ནི་དེ་བཟླས་ནས། །བདག་གམ་ཕ་རོལ་པོ་དག་གམ། །སུ་ཡང་རུང་བའི་གཅོང་ཅན་ཡང་། །དེ་ནི་ཟ
2a5 མ་གཅིག་གིས་འཇོམས། །སྔར་བསྙེན་ལ་སོགས་མེད་ཀྱང་བླ། །འདོད་དགུར་སྦྱིན་པའི་གཟུགས་ལ་ནི། །དེ་ལྟར་ཡང་ནི་མཆོད་བྱས་ན། །ཞི་བ་རྒྱས་པ་དབང་དང་དགུག་།དབྱེ་དང་བསྐྲད་དང་གསད་པ་དང་། །ཟློས་པས་མཇུག་ཏུ་ཁྱད་པར་དུ། །བསྐུལ
2a6 བའི་ཚིག་བཅུག་བསྒྲུབ་པར་བྱ། །གཞན་ཡང་གང་དག་འདོད་པ་ཡིས། །ཡིད་དང་མཐུན་པའི་འདོད་པའི་དོན། །དེ་ཡང་དེ་ལྟར་ཡང་དག་བསྒྲུབ། །སྐུ་གཟུགས་རབ་ཏུ་མཆོད་བྱས་ནས། །གང་དུ་ཅི་འདྲ་དེ་ལྟ་བུར། །གུས་པར་ཟླ་བ་དྲུག་བཟླས་ཏེ། །སྐུ
iiif viewer powered by OpenSeadragon
