| e-texts navigator |
| Wylie |
283a1 ཨས་ཐམས་ཅད་འགྲུབ་པ་ཡིན་ནོ། །དུས་གསུམ་དུ་བཟླས་ན་མཚམས་མེད་པ་ལྔ་རྣམ་པར་དག་པར་འགྱུར་རོ། །ལས་ཀྱི་སྒྲིབ་པ་ཐམས་ཅད་རྣམ་པར་དག་པར་འགྱུར་རོ། ། ག་རུའི་བདུག་སྤོས་དང་། ཐལ་བ་དང་། ཆུ་དང་། ཡུངས
283a2 ཀར་དང་སེང་ལྡེང་གི་ཕུར་བུ་ལ་སོགས་པས་མཚམས་བཅིང་ངོ་། །རིམས་ནད་ཐམས་ཅད་ལ་སྲུང་སྐུད་བཅིང་བར་བྱའོ། །ནད་ཐམས་ཅད་ལ་མར་རམ། མར་ནག་གམ། ཆུ་ལ་ཡོངས་སུ་བཟླས་ཏེ་སྦྱིན་པར་བྱའོ། །ལུས་ལ་ཁྱབ་པའི་ནད་ལ་མཚོན
283a3 ཆས་གཅད་ཅིང་སྲུང་སྐུད་ཀྱང་བྱའོ། །ལྟོ་ན་བ་ལ་ཚྭ་ཆུས་ཉམས་པར་བྱེད་པའམ། འཇིམ་བག་གམ། ཆུས་ཀྱང་བྱའོ། །མིག་གི་ནད་ལ་སྐུད་པ་དཀར་པོ་རྣ་བ་ལ་བཅིང་བར་བྱའོ། །སོའི་ནད་ལ་ཀ་ར་བཱི་རའི་སོ་ཤིང་གིས་སོ། །མཚམས་བཅིང་བ་ལ
283a4 ནི་ཚོན་སྣ་ལྔའི་སྐུད་པ་ལ་ལན་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་ནས་སེང་ལྡེང་གི་ཕུར་བུ་བཞི་ལ་བཅིངས་ཏེ་ཕྱོགས་བཞིར་གདབ་པར་བྱས་ན་མཚམས་བཅིངས་པ་ཡིན་ནོ། །ཐམས་ཅད་དུ་སྲུང་སྐུད་དམ། ཆུའམ་ཐལ་བས་བྱའོ། །གཟའ
283a5 ཐམས་ཅད་ལ་ཚོན་སྣ་ལྔའི་སྐུད་པས་བྱའོ། །རིམས་ཐམས་ཅད་ལ་སྐུད་པ་དཀར་པོས་བྱའོ། །སྦྲུལ་དང་། སྲིན་བུ་དང་། བ་སྤུ་བྱི་བ་དང་། ལྷོག་པ་དང་། གྲེ་བ་འགགས་པ་རྣམས་ལ་སྦྲང་རྩི་པི་པི་ལིང་དང་ལྡན་པས་བྱའོ། །མིག་གི་ནད་ལ་དྲི་ཞིམ་པོའི་ཆུའམ། རྒྱ་སྐྱེགས
283a6 ཀྱི་ཆུའམ། སྦྲང་རྩིའམ། ཤིང་མངར་གྱིས་བྱའོ། །རྩོད་པའི་དུས་ཐམས་ཅད་དུ་རྩོད་པ་དང་མི་སྙན་པར་བརྗོད་པ་ལ་ཆུ་ལ་ཡོངས་སུ་བཟླས་ཏེ་གདོང་བཀྲུ་བར་བྱའོ། །ཡུལ་གཞན་གྱི་རྒྱལ་པོའི་འཚེ་བ་ལ་ཡུལ་འཁོར་དུ་བུམ་པ་གང་བ་ཡང་དག་པར་བཞག་ནས
283a7 གཙང་མས་གོས་གཙང་མ་གྱོན་ཏེ་མཆོད་པ་ཆེན་པོ་བྱས་ཤིང་བཀླགས་ན་ཞི་བ་ཆེན་པོར་འགྱུར་རོ། །དེའི་ཆུས་ཀྱང་གཏོར་བར་བྱས་ནས་སེམས་ཅན་ཐམས་ཅད་བསྲུང་བ་ཡིན་ནོ། །ཉེ་བར་འཚེ་བ་ཐམས་ཅད་དང་། ཡམས་རྣམས་ཞི་བ་ཡིན་ནོ། །ཕྱག་རྒྱ་ཙནྡན་གྱི
iiif viewer powered by OpenSeadragon
