| e-texts navigator |
| Wylie |
277b1 ཀྱི་སྣང་བ་དུ་མར་སྒྱུར། །དངོས་རྣམས་སྤྲོས་སྤང་བསྡུ་སྤྱོད་པ། །རིག་འཛིན་ཕྱག་རྒྱ་ཆེན་པོ་ཡིས། །ཆོས་སྐུ་ཀུན་སྣང་ཀུན་དུ་འོད། །བདེ་སྐུར་སྣང་བ་པདྨའི་སྤྱན། །ཡི་གེ་འཁོར་ལོ་སྤྲུལ་ཚོགས་ཆེ། །མཚོན་བྱ་མཚན་ཉིད་རྡོ་རྗེ་འཛིན། །ཟག་མེད་ཡེ་ཤེས་བླ་མའི་ས། །འདུ
277b2 འབྲལ་མེད་པའི་བདེ་ཆེན་ས། །དེ་ལྟར་དྲུག་ནི་སངས་རྒྱས་ཀྱི། །ས་ཆེན་བླ་མེད་མཐར་གནས་སོ། །ངོ་བོ་སྤྲོས་མེད་ཆོས་སེམས་པ། །གསང་སྔགས་བསྒྲུབ་པའི་རྒྱུ་གཅིག་གོ། །སེམས་ཅན་སེམས་སྙོམས་བྱང་སེམས་འཛིན། །ངེས་པར་སྒྲུབ་པའི་རྒྱུ་གཉིས་སོ། །སེམས
277b3 ཅན་མི་གཏོང་ཚུལ་ཁྲིམས་བསྲུང་། །སྔགས་དོན་མི་སྤོང་ཉིད་དང་གསུམ། །རང་གིས་སྔགས་བསྒྲུབ་གཞན་གྱིས་སྔགས། །བར་མི་གཅོད་དང་འགྲོ་བ་ལ། །བྱམས་པ་བསྒྲུབ་དང་སྙིང་རྗེ་བསྒྲུབ། །གྲུབ་པར་བྱེད་པའི་རྒྱུ་བཞིའོ། །དབེན་པ་བསྟེན་དང་འདུ་འཛི་སྤོང་། །ཐོས་པ
277b4 བསམ་ཞིང་དེ་དོན་སྤྱོད། །ཕྱི་རོལ་སྔགས་སྤོང་ཞེ་སྡང་སྐྱུང་། །དེ་དག་སྔགས་སྒྲུབ་རྒྱུ་ལྔའོ། །དད་པ་འདུན་པ་གསོལ་བ་དང་། །ཕྱི་ནང་སྔགས་ལ་མི་སྤྱོད་དང་། །སྤྲོས་མེད་སྟོན་པའི་གཞུང་འཇུག་དང་། །ཐེག་ཆེན་མདོ་གཞུང་འཛིན་པ་དང་། །སྔགས་གཞུང་ཚོལ་བ་མི་སྐྱོ་དང་། །དགེ
277b5 སྤྱོད་བརྩོན་དང་དྲུག་པའོ། །བཟླས་དང་སྦྱིན་སྲེག་མཆོད་གཏོར་བརྩོན། །ཕྱི་རོལ་དཀའ་ཐུབ་གདུང་མེད་དང་། །སྣོད་བཅུད་འོག་མིན་གནས་ལྷ་དང་། །བུ་མོ་ཕ་རོལ་ཕྱིན་ཡུལ་ལྷ། །འགྲོ་བ་མི་བསླུ་ཆོས་མི་འབྱེད། །ཐེག་དམན་མི་ལེན་པ་དང་བདུན། །ཉན་ཐོས་རང་རྒྱལ
277b6 བློ་ལྡན་དང་། །རིག་འཛིན་རྫུ་འཕྲུལ་ཐེ་ཚོམ་མེད། །ལྷ་དང་བླ་མའི་བསྙེན་བཀུར་དང་། །དབང་བསྐུར་ལུང་ནོད་སྤྲོ་བ་དང་། །སེར་སྣ་མེད་དང་གཏོང་ལ་དགའ། །གསང་བ་དགའ་ཞིང་མི་གཡེངས་དང་། །གཟི་བརྗིད་དབང་ཆེའི་ལུས་ཐོབ་དང་། །གྲགས་ཀུན་བློ
277b7 ལྡན་བརྒྱད་པོར་བལྟ། །སྐུར་པ་མེད་ཅིང་བདེན་པར་སྨྲ། །བག་ཡོད་ཚུལ་འཆོས་སྤངས་པ་སྟེ། །བརྒྱད་པ་དེ་ཡང་བསྒྲུབ་པའི་རྒྱུ། །རྒྱུ་མེད་འབྲས་བུ་ག་ལ་སྲིད། །གང་ཞིག་ལྕགས་ཀྱུས་བཟུང་བས་གཉིས་རེ་ནས། །ཀླུ་ཕྲུག་འབུམ་ཕྲག་འདྲེན་ལྟར་དགེ་བའི་སེམས། །
iiif viewer powered by OpenSeadragon
