| e-texts navigator |
| Wylie |
276b1 ཕྱག་འཚལ། །བསམ་ཆེན་མཁྱེན་ཆེན་ཐེག་ཆེན་པོ། །རྣལ་འབྱོར་ཆེན་པོ་མེས་པོ་ཆེ། །བདེ་སྩོལ་བདེ་མཛད་དགའ་མཛད་ཆེ། །པདྨ་རྒྱས་ཞལ་ཕྱག་འཚལ་ལོ། །ཆོས་མངའ་དོན་མངའ་པདྨ་རྒྱལ། །དག་པ་ཆོས་མངའ་ཆོས་མཆོག་འཛིན། །རྨད་འབྱུང
276b2 ཆེན་ལྡན་ཆོས་རབ་འཆང་། །ཆོས་ཀྱི་ཚོགས་ཁྱོད་ཕྱག་འཚལ་ལོ། །སངས་རྒྱས་སེམས་དཔའ་མཆོག་སེམས་དཔའ། །རིན་ཆེན་སེམས་དཔའ་ཆོས་སེམས་དཔའ། །དམ་ཚིག་སེམས་དཔའ་ལས་སེམས་དཔའ། །ཀུན་མཁྱེན་སེམས་དཔའ་ཁྱོད་ཕྱག
276b3 འཚལ། །འཇིག་རྟེན་དཔའ་བོ་དཔའ་བོ་མཆོག་།རྣམ་པར་གཟིགས་གཙོ་སྐྱོབ་མཛད་ཆེ། །འཇིག་རྟེན་གསལ་མཛད་འཇིག་རྟེན་དོན། །འཇིག་རྟེན་མགོན་པོ་ཕྱག་འཚལ་ལོ། །འཇིག་རྟེན་ཡི་གེ་ཁ་དོག་ཆེ། །ཡི་གེ་ཆེ་མཚུངས་ཡིག་དྲུག་མཆོག་།
276b4 ཡི་གེའི་རང་བཞིན་ཡི་གེ་གཟིགས། །ཡི་གེ་འཁོར་ལོ་ཁྱོད་ཕྱག་འཚལ། །པདྨའི་ཕྱག་རྒྱ་པདྨའི་ལག་།ལེགས་སོ་སྦྱིན་མཛད་དབུགས་སྦྱིན་བའོ། །སངས་རྒྱས་ཚོགས་དེ་སངས་རྒྱས་ཆོས། །སངས་རྒྱས་ཆེ་ཁྱོད་ཕྱག་འཚལ་ལོ། །ཚད་མེད་ཆེ་སྐུ
276b5 སངས་རྒྱས་སྐུ། །གཟུགས་བཟང་འཆང་ལྡན་རྡོ་རྗེ་གཟུགས། །གཟི་བརྗིད་ཆེ་མཆོག་ཆོས་སྣང་བ། །སྣང་བར་མཛད་ཁྱོད་ཕྱག་འཚལ་ལོ། །གཙོ་མགོན་རྒྱལ་པོ་པདྨའི་དཔལ། །ཆོས་ཀྱི་དཔལ་མགོན་འདྲེན་མཛད་པ། །ཚངས་པའི་མགོན་ཆེན་ཁྱབ་འཇུག
276b6 མགོན། །ཚངས་པའི་སྲས་ཁྱོད་ཕྱག་འཚལ་ལོ། །ཆེར་གསལ་གཙོ་བོ་སྣང་པ་མཆོག་།འོད་ཆེན་མཛད་པ་རང་གསལ་མཛད། །སྣང་བ་ཆེན་པོ་ཀུན་གསལ་མགོན། །སྣང་བ་ཁྱོད་ལ་ཕྱག་འཚལ་ལོ། །སངས་རྒྱས་སྤྱན་ཅན་སྤྱན་པོ་ཆེ། །ཆོས་ཀྱི
276b7 སྤྱན་ཏེ་གཟིགས་པ་ཆེ། །ཏིང་འཛིན་ཆེན་པོ་ཡེ་ཤེས་མཚོ། །རྡོ་རྗེ་སྤྱན་ཁྱོད་ཕྱག་འཚལ་ལོ། །འདྲེན་པའི་གཙོ་བོ་དབང་སྒྱུར་གཙོ། །མཁས་པ་ཆེན་པོ་སངས་རྒྱས་སྲས། །རྒྱལ་ཐབས་མཉེས་པ་ཁྱུ་མཆོག་ཆེ། །སངས་རྒྱས་དཔག་མེད་ཕྱག་འཚལ་ལོ། །དྲག་པོ
iiif viewer powered by OpenSeadragon
