| e-texts navigator |
| Wylie |
276a1 ཡིན། །ལས་ལ་སྦྱར་བ་བདུན་དང་ནི། །བཅུ་བཞི་ཉི་ཤུ་རྩ་གཅིག་དང་། །བརྒྱ་དང་དེ་བཞིན་སྟོང་གིས་རྫོགས། །དེ་མ་ཐག་ཏུ་ཆུ་ཡིན་ཏེ། །ཅུང་ཟད་བ་ནི་མར་གྱིས་བྱ། །བརྟན་པར་གྱུར་པ་ཀ་ར་སྟེ། །ཆེས་བརྟན་པ་ལ་སྲད་བུ་ཡིན། །
276a2 སྨན་དང་སྔགས་ཀྱིས་སེལ་བྱེད་དེ། །རིལ་བུས་རིང་དུ་སྐྱོང་བྱེད་ཡིན། །སྔགས་སྒྲུབ་པ་ལ་མི་མོས་པའོ། །མདུན་དུ་རྩོམ་ན་དེ་དག་རྣམས། །དེ་སྐད་གསུངས་པའི་དེ་མ་ཐག་།རྡོ་རྗེ་སྙིང་པོ་ཉི་འོད་དང་། །པད་དཀར་རིན་ཆེན་སྙིང་པོ་དང་། །པད
276a3 སྤྱན་གཟིགས་ཀྱི་སྙིང་པོ་དང་། །ཡེ་ཤེས་དབང་ཕྱུག་པད་དབང་ཕྱུག་།བྱང་ཆུབ་སེམས་དཔའ་ཆེན་པོ་རྣམས། །རང་རང་སྡེ་དཔུང་སྡེར་བཅས་པ། །འཁོར་གྱི་དཀྱིལ་འཁོར་ཆེན་པོ་རྣམས། །འཇིག་རྟེན་དབང་ལ་ཆེར་དམིགས་ནས། །མཆོད་པའི
276a4 ཚོགས་རྣམས་བཀྲམ་བྱས་ཏེ། །རིན་ཆེན་རིགས་ལས་འཁྲུངས་པ་ཡི། །མཆོད་པ་ནམ་མཁའ་གཏོས་པར་བཀང་། །རོལ་མོ་དུ་མ་ལྷབ་ལྷུབ་དང་། །སིལ་སྙན་ལྷ་ཡི་ཚོགས་རྣམས་ཀྱིས། །སྤྲིན་མཛེས་ཚོགས་རྣམས་རབ་འཁྲིགས་ལྟར། །བཀོད་པ
276a5 མཐའ་ཡས་བཤམ་བྱ་སྟེ། །དེ་ནས་བྱང་ཆུབ་སེམས་དཔའི་ཚོགས། །མགོན་གྱུར་ཡེ་ཤེས་མངའ་བ་རྣམས། །སྤྱན་རས་གཟིགས་དབང་གསུང་སྙན་ལ། །ཡི་རང་སྐྱེས་ནས་མཚན་ཆེན་བརྗོད། །སྤྱན་རས་གཟིགས་དབང་མཆོག་བརྟན་ཆེ། །འཇིག
276a6 རྟེན་དབང་པོ་དབང་ཕྱུག་ཆེ། །པདྨ་སེམས་དཔའ་པད་འབྱུང་ཆེ། །རྡོ་རྗེ་ཆོས་ལ་ཕྱག་འཚལ་ལོ། །དག་པ་ཆེན་པོ་ཆོས་རྒྱལ་གཙོ། །བློ་གྲོས་ཆེན་པོ་སེམས་དཔའ་ཆེ། །པདྨ་འཆང་དང་པདྨ་དཔའ། །པདྨའི་མགོན་ཁྱོད་ཕྱག་འཚལ་ལོ། །པདྨ་ལས
276a7 བྱུང་དམ་པའི་ཡིད། །པདྨ་གསལ་མཛད་དགའ་མཛད་པོ། །པདྨའི་རྡོ་རྗེ་པདྨའི་སྐུ། །ཁྱོད་མཆོག་སྤྱན་ལ་ཕྱག་འཚལ་ལོ། །སྣང་བ་ཀུན་ཆེན་ཐབས་པོ་ཆེ། །ཆེ་མཉམ་དགའ་བ་དགོངས་པ་ཆེ། །དཔའ་བོ་ཆེན་པོ་བརྟན་ཆེན་རྒྱལ། །བདེ་བ་ཆེན་པོ་ཁྱོད
iiif viewer powered by OpenSeadragon
