| e-texts navigator |
| Wylie |
275a1 པོ་ཆེ། །བགེགས་དང་ཡམས་ནད་སེལ་བ་ལ། །གུ་གུལ་དང་བཅས་བདུག་པར་བྱ། །རིལ་བུའི་ཡོན་ཏན་མཐའ་ཡས་ནི། །ནམ་ཡང་བརྗོད་པར་མི་ནུས་སོ། །གུ་གུལ་ལ་ནི་སྟོང་བཟླས་པའི། །རིལ་བུས་བགེགས་ཚོགས་སེལ
275a2 བར་བྱེད། །ཀེ་སུ་རྩ་དང་སྡེའུ་གཤེར་དང་། །བ་ལ་ཏ་ཀ་ཚ་བ་གསུམ། །སེར་པོ་མུ་ཟི་ཕྱེ་མ་རྣམས། །སྦྲང་རྩི་དང་བཅས་རིལ་བུ་བྱ། །པདྨ་གར་དབང་སྔགས་སྟོང་བཟླས། །ཟོས་པ་ཙམ་གྱིས་ལུས་རྒྱས་ཏེ། །ནད་དང་གདོན་དང་དགྲས་མི
275a3 ཚུགས། །འདོད་རྣམས་ཐམས་ཅད་གྲུབ་པར་འགྱུར། །ཏ་ཀའི་རྩ་བ་བ་རུ་ར། །སྐྱུ་རུ་ར་དང་ཏི་ལ་ཏིལ། །མཉམ་བྱས་སྲིན་བྱའི་ཁྲག་དང་ནི། །རིལ་བུ་བྱས་ལ་མིག་ལ་བྱུག་།ཀླུ་དང་ཁང་པ་དང་། །ས་འོག་ཐམས་ཅད་མཐོང
275a4 བར་ངེས། །བྱིས་པ་ཟླ་བ་གསུམ་པའི་ལྕེ། །ཉིན་གཅིག་སྤོས་པོར་ནང་དུ་གཞུག་།གཉིས་པ་ར་འོ་གསུམ་དང་འབྱུང་། །བཞི་པ་རིལ་བུ་ཚིལ་ཆེན་བཙོ། །ལྔ་པ་སྦྲང་རྩི་ནང་དུ་སྟེ། །དྲུག་པ་དངུལ་ཆུའི་ནང་དུ་བཞག་།བདུན་པ་རིགས་ངན
275a5 ཐོད་པར་ནི། །བྱི་ལའི་ཁྲག་གིས་བསྐུ་ལ་གཞག་།སྐམས་ནས་བྱ་དང་སྤྱང་ཀུའི་ཤ། །ལྷན་ཅིག་རང་གི་ཁར་བཅུག་ན། །དེ་མ་ཐག་ཏུ་མི་སྣང་འགྱུར། །གཞན་ཡང་ཡོན་ཏན་དཔག་ཏུ་མེད། །ལྡོང་རོས་གྱེན་དུ་བཅས་པ་དང་། །ཛ་ཏི་ལོ་མ
275a6 ས་བོན་བཅས། །རིལ་བུ་སྔགས་སྟོང་བཟླས་པ་ཡིས། །བར་སྣང་ལ་ནི་འགྲོ་བར་ངེས། །བནྡུ་མ་དང་ཀིར་མ་དང་། །མ་ཀ་རི་དང་སུ་མི་ཏམ། །བྲ་པན་ཏ་མའི་རིལ་བུ་ནི། །ཉི་ཟླ་གཟས་བཟུང་དུས་སུ་མིད། །ཤེས་རབ་ཕུལ་དུ་འབྱུང་བ་སྟེ། །
275a7 ཐོས་པ་འཛིན་འགྱུར་སྨོས་ཅི་དགོས། །གིའུ་ཝང་སྭ་ཧཱ་ཙི་ན་དང་། །སྲེ་ཏ་སྦྲང་གི་རིལ་བུ་བྱ། །སྔགས་སྟོང་བཟླས་ནས་ཁར་བཅུག་ན། །འདས་པའི་དོན་རྣམས་ཤེས་པར་འགྱུར། །གིའུ་ཝང་སུག་པ་ཕྱེ་མ་དང་། །བ་ར་སྭཱ་ཏ་ཧ་སུ་རི། ། ར
iiif viewer powered by OpenSeadragon
