| e-texts navigator |
| Wylie |
273b1 ཡི། །དངོས་གྲུབ་མ་ལུས་རྫོགས་པ་ཡི། །ཐུགས་རྗེའི་ཉི་མ་ལྷམ་མཛད་བའི། །མགོན་པོ་པདྨས་བཤད་དུ་གསོལ། །འགྲོ་རྣམས་མ་རིག་འདམ་ལ་ཞེན། །སྲིད་པའི་ཐག་པས་རྒྱ་གྲམ་བཅིངས། །འདོད་ཆགས་ཞེ་སྡང་མུན་པས་གཡོགས། །ང་རྒྱལ་ཕྲག་དོག་ཆུ་བོས་གཡེངས། །ངན
273b2 རྟོག་ལོག་ལམ་གཡང་སར་ལྟུང་། །བག་མེད་སེར་སྣའི་དུག་གིས་མྱོས། །སྡིག་པའི་གྲིབ་མས་རྣམ་པར་རྒྱས། །བག་ཆགས་འཐུག་བོའི་རི་བོས་མནན། །མགོན་པོ་ཁྱོད་ནི་ཐུགས་རྗེས་ངལ་བ་མེད། །ཉེས་པའི་རྒྱ་མཚོ་བསལ་བའི་ཕྱིར། །ཤེས་རབ་ཐབས་འབྱུང་བཤད་དུ
273b3 གསོལ། །དེ་ནས་འཇིག་རྟེན་མགོན་པོ་རྗེ། །ཐུགས་རྗེ་ཐུགས་དཔལ་མངའ་བ་ཡི། །ཐུགས་དམ་རྫོགས་པའི་འབྲས་བུ་བཅས། །ཁྱད་པར་གསུང་འདི་བཀའ་སྩལ་ཏོ། །མཐའ་དག་གཟུགས་སྒྲ་ཐོས་པ་དང་། །རྫུ་འཕྲུལ་བསྒྱུར་དང་གཞན་སེམས་ཤེས། །འདས་དང་མ་འོངས
273b4 དོན་ཤེས་དང་། །མཐའ་ཡས་ཤེས་དྲུག་ལས་སྤྱོད་པ། །དངོས་དང་རྟགས་དང་ཆ་མཐུན་གྱིས། །རྣམ་པ་བརྒྱད་དག་ཏུ་འགྱུར། །ཕྲ་དང་ཡང་དང་མཆོད་པར་བྱ་བ་དང་། །བདག་པོར་གྱུར་དང་དབང་དུ་འགྱུར་བ་དང་། །གར་ཡང་ཕྱིན་ཡང་འདོད་དགུར་ལྡན་པ་དང་། །དགའ་མགུར
273b5 གནས་ཏེ་དབང་ཕྱུག་ཡོན་ཏན་ནོ། །རྣམ་པ་བརྒྱད་ཀྱིས་དཔེར་བྱ་ཡིས། །ལོངས་སྤྱོད་དབང་དང་ལུས་ལ་དབང་། །ཚེ་ལ་དབང་དང་རྐང་མགྱོགས་དང་། །ཆུ་ལ་མི་འབྱིང་མཁའ་ལ་འགྲོ། །ས་འོག་འགྲོ་དང་མི་སྣང་བ། །ཞི་རྒྱས་དབང་དང་མངོན་སྤྱོད་སོགས། །དངོས་པོ་གང་དང
273b6 གང་བསྒྲུབ་རྣམས། །རིལ་བུ་ལས་ནི་འབྱུང་འགྱུར་གྱི། །གཞན་ནི་མྱུར་དུ་འགྲུབ་མི་འགྱུར། །བྱང་ཆུབ་སེམས་དཔའི་རིལ་བུ་ནི། །མཚམས་མེད་ལ་སོགས་བྱེད་པས་ཀྱང་། །རྙེད་མ་ཐག་ཏུ་དངོས་གྲུབ་འགྱུར། །ཉེ་དང་དབང་ལྡན་ལྷ་ཡི་སྲས། །མ་མོས་དབང་དུ་བྱེད
273b7 གྱུར་ན། །འབྱུང་པོ་ཤ་ཟ་ལྷ་མིན་མི། །མ་མོ་མཁའ་འགྲོ་འབྱུང་པོ་ཀླུ། །དུད་འགྲོ་ལ་སོགས་རྫོགས་གཟུགས་ཅན། །སེམས་ཅན་གཞན་ལྟ་སྨོས་ཅི་དགོས། །དངོས་གྲུབ་བཟང་པོ་འདོད་པ་ཡིས། །ཁྱད་པར་རིལ་བུས་འདི་བསྒྲུབ་བྱ། །གིའུ་ཝང་དང་ནི་ལིག
iiif viewer powered by OpenSeadragon
