| e-texts navigator |
| Wylie |
233b1 བཅུ་རྒྱལ་བ་རྣམས་ཀྱི་སྲས། །བྱང་ཆུབ་སེམས་དཔའ་རྣམས་ཀྱི་བཤེས། །རིག་པའི་ལྷ་མོ་རྣམས་ཀྱི་ཡབ། །བྱིས་པ་རྣམས་ཀྱི་གཉེན་ཡིན་ནོ། །བདག་ཅག་རྣམས་ནི་དེ་ཡི་འབངས། །སྐྱེས་བུ་ཁྱུ་མཆོག་ཆེན་པོ་སྟེ། །བསོད་ནམས་རྣམས་ཀྱི་གཏེར་ལྡན་ཞིང་། །དེ་ཡི་ཚུལ
233b2 ཁྲིམས་རལ་བ་མེད། །མི་དེ་སྐྱེ་བ་དོན་ཡོད་དེ། །ལྷ་གནས་དག་ནས་སྤུ་གསེབ་ཏུ། །ཡེ་ཤེས་འོད་ཟེར་བདུད་རྩི་འཛུད། །འཇིག་རྟེན་འདི་ཡི་ནད་རིགས་དང་། །གདོན་རིགས་ཅི་སྙེད་ཡོད་པ་འམ། །རིག་སྔགས་བྱད་སྟེམས་མ་ལུས་པས། །དེ་ལ་ཚུགས་པར་མི་འགྱུར་རོ། །
233b3 ཆོ་ག་བཞིན་དུ་སྤྱད་པ་ཡིས། །ཚངས་པའི་ཚེ་ཚད་གནས་ནས་ཀྱང་། །ཤི་བ་སེམས་བརྒྱལ་མེད་པར་ནི། །གནས་འཕོ་ཚུལ་གྱིས་མཐོ་རས་འཇུག་།རྒྱལ་བའི་ཞིང་དུ་གཤེགས་ནས་ཀྱང་། །རྒྱལ་བ་རྣམས་ལ་ཆོས་ཉན་ཅིང་། །རྒྱལ་སྲས་རྣམས་དང་སྟབས་གཅིག་ཏུ། །
233b4 སྟོབས་དང་མི་འཇིགས་པ་བརྙེས་ཏེ། །མཚན་དང་དཔེ་བྱད་ལྡན་གྱུར་ནས། །སྐད་ཅིག་གློག་འགྱུ་ཇི་བཞིན་དུ། །འགྲོ་བ་མ་ལུས་དག་བྱེད་ཅིང་། །ཞིང་རྣམས་མ་ལུས་དག་པར་བྱེད། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པདྨ་དྲ་བ་ཞེས་བྱ་བ་ལས་ལྷ་བྱུང་བའི
233b5 ལེའུ་སྟེ་གཉིས་པའོ། ། །།དེ་ནས་ལག་ན་རྡོ་རྗེ་འཛིན། །བཞེངས་ཏེ་ཐལ་སྦྱར་ཐུབ་པ་ལ། །ཕྱག་འཚལ་ཕྱོགས་སུ་འཁོད་ནས་ནི། །གསང་བ་བསྟོད་ནས་ཚིག་འདི་གསོལ། །ཕྱོགས་བཅུར་བཞུགས་པའི་རྒྱལ་དབང་པོ། །མགོན་པོ་སྤྱན་རས་གཟིགས་དབང་ཀུན། །
233b6 རང་རང་གནས་ནས་གཤེགས་ནས་བྱོན། །འགྲོ་བ་ཐུགས་བརྩེ་ཆེན་པོ་ཡིས། །སྙིང་པོ་བྱིན་བརླབས་ལྡན་ལ་གསོལ། །རྨད་དུ་བྱུང་བའི་སྙིང་པོ་ལ། །ཕྱོགས་བཅུའི་རྒྱལ་བ་སྲས་བཅས་དང་། །རིག་པ་འཛིན་རྣམས་མཐུན་པར་དགྱེས། །འོན་ཀྱང་འགྲོ་རྣམས་བཟུང་བ་དང་། །
233b7 དངོས་གྲུབ་ཐམས་ཅད་མྱུར་བ་དང་། །སྙིང་པོ་མཐུ་དང་ལྡན་པའི་ཕྱིར། །མགོན་པོ་ཐུགས་རྗེ་ཆེ་རྣམས་ཀྱི། །བྱིན་བརླབས་ལྡན་པ་རྩ་བའི་སྔགས། །འདྲེན་པ་དེ་རིང་བཤད་དུ་གསོལ། །རིག་སྔགས་ཉི་མ་ཟླ་བའི་འོད། །རྩ་བའི་སྔགས་ཀྱིས་སྤྲིན་བྲལ་བྱེད། །འགྲོ་ལ་ཐུགས
iiif viewer powered by OpenSeadragon
