| e-texts navigator |
| Wylie |
233a1 བདག་ཀྱང་སྙིང་པོ་དེ་ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ོ~ཾ་མ་ཎི་པདྨེ་ཧཱུ~ཾ། སྙིང་པོ་དེ་སྐད་ཕུལ་ནས་ཀྱང་། །ཐུབ་པའི་ག་ལ་དེ་ལོགས་སུ། །འཁོར་བཅས་དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །སྤྱན་རས
233a2 གཟིགས་དབང་ཚོགས་འདུས་ནས། །རིག་སྔགས་མཐུ་ཆེན་འཆད་པ་དང་། །གཞན་དོན་རྫོགས་པར་མཛད་པ་དེའི། །ཤིན་ཏུ་དགའ་བར་མཛད་པ་ལ། །ཕྱོགས་བཅུའི་སངས་རྒྱས་ཐམས་ཅད་ཀུན། །ཕྱག་རྒྱ་རྣམས་ནི་སྤྱི་བོར་བཞག་།འཛུམ་པའི་མདངས་ཀྱིས་ལེགས་སོ
233a3 བྱིན། །ནམ་མཁའ་སྙན་པ་ཡིས་ཀྱང་བཀང་། །དེ་ཚེ་ཕྱོགས་བཅུར་བཞུགས་པ་ཡི། །ཁྲོ་བོའི་རྒྱལ་པོ་མ་ལུས་རྣམས། །ས་སྟེང་ཐམས་ཅད་གར་གྱིས་བཀང་། །གཡས་བརྐྱང་གཡོན་བརྐྱང་ཟླ་གམ་དང་། །ཟླུམ་པོ་གྲུ་བཞི་གྲུ་གསུམ་འགྲོས། །མཆོང་དང་གྱེད་མཆོངས་ཧྲིལ
233a4 པོ་དང་། །རྡེབས་དང་བཙིར་བའི་ཚུལ་གྱིས་སུ། །བགེགས་རྣམས་སྟབས་ཀྱིས་ཚར་གཅོད་མཛད། །ལག་པ་ཐལ་སྦྱར་ཕྱེ་བཙུམ་བསྐྱེད། །སོར་མོ་གཅིག་བསྣོལ་གཅིག་འཁྱུད་དང་། །ཀུན་བསྣོལ་ཀུན་འཁྱུད་ཀུན་གདེངས་དང་། །རྒྱབ་བསྣོལ་རེས་འཁྱུད་ཀུན་འཁྱུད
233a5 དང་། །རེ་མོས་འཁྱུད་སྒྲེང་ཀུན་སྒྲེང་དང་། །མཉམ་གཞག་དང་ནི་མཆོག་གི་རྒྱ། །ས་གནོན་སྐྱབས་སྦྱིན་མཆོག་སྦྱིན་སོགས། །ཕྱག་རྒྱ་དུ་མ་བགེགས་སེལ་མཛད། །གཞན་ཡང་འཇིག་རྟེན་སྐྱོང་བའི་ཚོགས། །མ་ལུས་འཁོར་དང་བཅས་པ་རྣམས། །གདོང་བཅུ་གཅིག
233a6 པ་ཞེས་བྱ་བའི། །སྔ་ན་མེད་པའི་རིག་སྔགས་རྨད། །ངོ་མཚར་འབྱུང་ཞེས་ཐོས་མ་ཐག་།ལུས་ཀྱང་ཤིན་ཏུ་འདར་གྱུར་ནས། །རྒྱལ་མཆོག་གཙོ་བོ་དྲུང་ལྷགས་ཏེ། །ཕྱག་འཚལ་ཐལ་མོ་སྦྱར་ནས་ནི། །སྤྱན་སྔར་འདུག་སྟེ་འདི་སྐད་གསོལ། །གང་ཞིག་གདོང་ནི་བཅུ་གཅིག
233a7 པའི། །རིག་སྔགས་ལན་ཅིང་འཛིན་པ་དང་། །རྒྱུན་དུ་འདོན་དང་ཡིད་ལ་བྱེད། །འཇིག་རྟེན་མགོན་པོ་སྤྱན་རས་གཟིགས། །དཀྱིལ་འཁོར་ཆེན་པོའི་ཚོགས་འདི་རྣམས། །གང་གིས་ཡིད་ལ་བྱེད་པའམ། །ཡང་ན་ཇི་ཙམ་དྲན་ཡང་རུང་། །དགེ་ལྡན་རིགས་ཀྱི་བུ་དེ་ནི། །ཕྱོགས
iiif viewer powered by OpenSeadragon
