| e-texts navigator |
| Wylie |
232b1 བརྩེགས་པ་ན། །སངས་རྒྱས་གཙུག་ཏོར་རྒྱལ་པོ་བཞུགས། །དྲུང་དུ་བྱང་ཆུབ་སེམས་དཔའི་གཙོ། །མགོན་པོ་སྤྱན་རས་གཟིགས་དབང་ནི། །ཧ་རི་ཧ་རི་ཧ་རི་ལ། །ཞེན་ཞེས་རབ་ཏུ་གྲགས་པ་ཡི། །རྗེ་བཙུན་ཆོས་ཀྱི་གཙུག་ཏོར་དེ། །ིནྡྲ་ནཱི་ལའི་རི་བོ་མདོག་།
232b2 བྱང་ཆུབ་སེམས་ཚོགས་བྱེ་བ་ཕྲག་།བཅུ་དང་ལྷན་ཅིག་མཁའ་ལ་གཤེགས། །གློག་འགྱུ་བཞིན་དུ་ཞིང་འདིར་བྱོན། །བཅོམ་ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །ིནྡྲ་ནཱི་ལའི་མེ་ཏོག་ནི། །རྒྱ་ཆེ་དུ་མ
232b3 འཐོར་བར་མཛད། །བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །རྨད་བྱུང་ཆེན་པོའི་ཚིགས་བཅད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བའི་ལོག་ལྟའི་སྒྲིབ་གཡོགས་སེལ། །དག་པའི་སྨོན་ལམ་འཁོར་ལོ
232b4 བསྐོར། །བདག་ཀྱང་སྙིང་པོ་དེ་ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ོཾ་བྷྲཱུ~ཾ་ཧྲཱིཿཧ་ཧཱུ~ཾ་སྭཱ་ཧཱ། སྙིང་པོ་དེ་སྐད་ཕུལ་ནས་ཀྱང་། །ཐུབ་པའི་ག་ལ་དེ་ལོགས་སུ། །འཁོར་བཅས་དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །འོག་གི
232b5 ཕྱོགས་ཀྱི་ཞིང་ཁམས་མཆོག་། གྲངས་མེད་བདུན་གྱི་མཐའ་ཉིད་ན། །ཞིང་ཁམས་ཟ་མ་ཏོག་མཛེས་ན། །སངས་རྒྱས་གནོན་པའི་དཔལ་བཞུགས་སོ། །དྲུང་དུ་བྱང་ཆུབ་སེམས་དཔའི་གཙོ། །མགོན་པོ་སྤྱན་རས་གཟིགས་དབང་ནི། །རྗེ་བཙུན་མགྲིན་པ་སྔོན་པོ་རྒྱལ། །ནྡ
232b6 རྙིལ་གྱི་རི་བོ་འདྲ། །བྱང་ཆུབ་སེམས་ཚོགས་བྱེ་བ་ཕྲག་།བཅུ་དང་ལྷན་ཅིག་མཁའ་ལ་གཤེགས། །གློག་འགྱུ་བཞིན་དུ་ཞིང་འདིར་བྱོན། །བཅོམ་ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །ནྡ་རྙིལ་གྱི་མེ་ཏོག་ནི། །
232b7 རྒྱ་ཆེ་དུ་མ་འཐོར་བར་མཛད། །བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །རྨད་བྱུང་ཆེན་པོའི་ཚིགས་བཅད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བའི་ཤེས་བྱའི་སྒྲིབ་ནགས་སེལ། །ཡེ་ཤེས་རལ་གྲིས་རྩ་བ་བྲེགས། །
iiif viewer powered by OpenSeadragon
