| e-texts navigator |
| Wylie |
232a1 བཅོམ་ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །ཟངས་མ་ཞུན་གྱི་མེ་ཏོག་ནི། །རྒྱ་ཆེ་དུ་མ་འཐོར་བར་བྱེད། །བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །རྨད
232a2 བྱུང་ཆེན་པོའི་ཚིགས་བཅད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བ་རྨོངས་པའི་ཐིབས་པོ་བཅོམ། །སྣ་ཚོགས་ཐབས་ཀྱི་རླུང་ཆེན་འཕྱོ། །བདག་ཀྱང་སྙིང་པོ་དེ་ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ོ~ཾ་པདྨ་ཨ་ལཾ་ཀཱ་ར་ཧཱུ~ཾ་ཕཊ་སྭཱ་ཧཱ།
232a3 སྙིང་པོ་དེ་སྐད་ཕུལ་ནས་ཀྱང་། །ཐུབ་པའི་ག་ལ་དེ་ལོགས་སུ། །འཁོར་བཅས་དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །ནུབ་བྱང་ཕྱོགས་ཀྱི་ཞིང་ཁམས་མཆོག་།གྲངས་མེད་བདུན་གྱི་མཐའ་ཉིད་ན། །ཞིང་ཁམས་སྟོང་བརྒྱ་ཞེས་བྱ་བར། །
232a4 སངས་རྒྱས་དམ་ཚིག་དཔལ་བཞུགས་སོ། །དྲུང་དུ་བྱང་ཆུབ་སེམས་དཔའི་གཙོ། །མགོན་པོ་སྤྱན་རས་གཟིགས་དབང་ནི། །རྗེ་བཙུན་རྡོ་རྗེ་ཆོས་དབང་ཕྱུག་།ནོར་བུ་སྤུག་གི་ཁ་དོག་འདྲ། །བྱང་ཆུབ་སེམས་མཆོག་བྱེ་བ་ཕྲག་།བཅུ་དང་ལྷན་ཅིག་མཁའ་ལ་གཤེགས། །
232a5 གློག་འགྱུ་བཞིན་དུ་ཞིང་འདིར་བྱོན། །བཅོམ་ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །སྤུག་གི་སྙིང་པོའི་མེ་ཏོག་ནི། །རྒྱ་ཆེ་དུ་མ་འཐོར་བར་བྱེད། །བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན
232a6 པ་དང་། །རྨད་བྱུང་ཆེན་པོའི་ཚིགས་བཅད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བའི་མནར་སེམས་ཞེན་པ་བསལ། །མཐུ་སྟོབས་ཆེན་པོའི་རྡོ་རྗེས་བཏབ། །བདག་ཀྱང་སྙིང་པོ་དེ་ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ོ~ཾ་བཛྲ་དྷརྨ་དྷཱ་ཏུ
232a7 ཧཱུ~ཾ་སྭཱ་ཧཱ། སྙིང་པོ་དེ་སྐད་ཕུལ་ནས་ཀྱང་། །ཐུབ་པའི་ག་ལ་དེ་ལོགས་སུ། །འཁོར་བཅས་དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །སྟེང་གི་ཕྱོགས་ཀྱི་ཞིང་ཁམས་མཆོག་།གྲངས་མེད་བདུན་གྱི་མཐའ་ཉིད་ན། །ཞིང་ཁམས་གཙུག་ཏོར
iiif viewer powered by OpenSeadragon
